ANASTY MICROFINANCE LTD WATEMBELEA  HOSPITALI YA BUGANDO KUONA WAGONJWA.

Kikundi cha mikopo cha Anasty Microfinance Ltd cha Jijini Mwanza leo terehe 09 Novemba 2024, kimetembelea Hospitali ya Rufaa ya Kanda Bugando kwa lengo la kuona, kuwafariji na kuwapa mkono wa pole Wagonjwa katika Idara ya Saratani.

Akizungumza wakati wa kukabidhi vitu mbalimbali ikiwemo mafuta, sabuni, pampasi, tishu na vitabu, Mkurugenzi wa kikundi hicho chenye Wanachama 10, Bi Esther Stephen amesema ujio wao katika Hospitali ya Bugando umelenga kutimiza malengo yao ya mwaka ya kurudisha kwa jamii na hivyo kuamua kuelekeza mkono wao wa pole kwa Wagonjwa wanaoteseka na Saratani.

"Tunashukuru sana kwa ukaribisho wenu na kutupokea, tumekuwa tukisikia na kuona jinsi Wagonjwa wa Saratani wanavyoteseka, tunaamini kupitia hiki kidogo tulichojaliwa kitaenda kuwagusa kwa namna Moja ama nyingine katika kusadia matibabu yao hasa kwa wale wanaowahudumia"

Kwa upande wake Muuguzi Dativa Zelamla akimwakilisha Mkuu wa Idara ya Saratani wa Hospitali ya Bugando, amewashukuru wanakikundi hao kwa ujio wao kuwaona Wagonjwa, na akiwaambia misaada hiyo ina maana kubwa katika kuwasaidia Wagonjwa kwani matibabu ya Saratani yana Gharama kubwa na ni ya muda mrefu hivyo itaenda kusaidia kupunguzia familia makali ya kuwahudumia na kuwaomba kuendelea na moyo huo huo wa utoaji.

HOSPITALI YA RUFAA YA KANDA BUGANDO YAENDESHA KAMBI YA UPASUAJI WA USO NA UPANDIKIZAJI WA TAYA BANDIA. Hospitali ya Rufaa ya Kanda Bugando imeendesha kambi maalumu ya upasuaji wa uso na taya lengo likiwa ni kusadia wagonjwa wenye matatizo katika uso, kinywa na meno kwa kuwarejeshea muonekano mpya. kambi hiyo imefanywa kwa wagonjwa kumi na wawili (12) huku watano (5)wakiwa wamepandikizwa taya bandia.

Chama cha kuweka na kukopa katika Hospitali ya Rufaa ya Kanda Bugando (BMC SACCOS LTD) kimefanya Mkutano Mkuu wa ishirini wa mwaka leo Oktoba 26, 2024 kikiwa kimekutanisha Wanachama ambao ni Watumishi kutoka BMC, CUHAS na MWACHAS pamoja na Uongozi wa Chama cha Bodi hiyo. Mkutano huo ambao hufanyika mara moja kila mwaka, umeendeshwa kwa kuanza na semina kwa Wanachama wote washiriki wa Mkutano huku ukiongozwa na Bw. Justine Joseph kutoka Chuo Kikuu cha Ushirika Moshi tawi la Mkoa wa Mwanza, ikiwa na leongo la kuwakumbusha Wanachama kutambua na kuelimisha kuhusu miongozo na sera zilizowekwa na Chama hicho.

Akimuwakilisha Mkurugenzi Mkuu wa Hospitali ya Bugando ambaye ni Mgeni Rasmi katika Mkutano huo Dkt. Bahati Wajanga Mkurugenzi wa Huduma za Tiba amesema, “Nawapongeza Uongozi wa BMC SACCOS kwa hatua mliopiga maendeleo ni mazuri, Wanachama wameongezeka na michango imeongezeka. Lakini pia tusiishie hapa tu bali nawaomba Viongozi muendelee kuwasisitiza Watumishi kujiunga katika Chama hiki, kutengeneza vipeperushi vyakutosha na kuongeza wigo, ili Watumishi waweze kuielewa vizuri SACCOS na kujiunga zaidi."

Hata hivyo Dkt. Bahati Wajanga amewashukuru na kuwapongeza Wanachama wote waliokwisha jiunga na Chama hicho cha BMC SACCOS na kusisitiza waendelee kufuata sera, dira na mipango mikakati iliyowekwa na Chama, ili kila mmoja kwa wakati wake aweze kunufaika nayo.

Kwa upande wake Mwenyekiti wa Bodi wa Chama cha BMC SACCOS Bw. Richard Masunga amemshukuru Mgeni rasmi Dkt. Bahati Wajanga kwa kuweza kushiriki katika Mkutano huo, nakuomba uongozi wa juu uweze kuliona hili na kusisitiza Watumishi wa BMC, CUHAS na MWACHAS waendelee kujiunga katika Chama hicho cha BMC SACCOS LTD kwa manufaa na maendeleo yao binafsi.

Wanafunzi thelathini na watano kutoka Hospitali ya Rufaa ya Kanda Bugando wamehitimu mafunzo ya huduma za mochwari.
Akimuwakilisha Mkurugenzi Mkuu wa Hospitali ya Rufaa ya Kanda Bugando, Mkurugenzi wa Huduma za Afya Saidizi na mgeni rasmi katika hafla hiyo Dkt. Cosmas Mbulwa, amempongeza Dkt. Kahima kwa ubunifu huu wa kuanzisha mafunzo haya, pia amewapongeza wahitimu kwa hatua waliyofikia."Nawaombeni mliyojifunza mkayafanyie kazi kwa waledi na kuepuka rushwa.Hata hivyo Hospitali ya Bugando kwa kushirikiana na Chuo cha CUHAS tuko mbioni kuanzisha programm hii kwa ngazi ya Diploma" amesema Dkt. Mbulwa.

Sambamba na hayo Dkt. Cosmas Mbulwa hakusita kuipongeza na kuunga mkono juhudi za Serikali za kuboresha huduma za mochwari, na kuupongeza Uongozi wa Hospitali ya Bugando hususani Mkurugenzi Mkuu kwa kuwa na utayari wa kukubali na kuhurusu mafunzo hayo ambayo yana tija na manufaa kwa jamii na Taifa kwa Ujumla
Kwa upande wake Mratibu wa Mafunzo hayo Dkt. Jackson Kahima amewaasa wahitimu kuwa watiifu na wanyenyekevu katika kazi na kuwaomba wakawe chachu katika kutoa huduma bora za mochwari.

Waumini kutoka Parokia ya watakatifu wote Kiloleli wakiongozwa na Paroko Joseph Mchole wametembelea Hospitali ya Rufaa ya Kanda Bugando kwa lengo la kuunga mkono uongozi wa Bugando katika kuchangia matibabu ya Watoto wenye saratani (Bugando Health Marathon).

Dkt. Fabian A. Massaga ambaye ni Mkurugenzi Mkuu wa Hospitali ya Bugando amesema
"Kwa niaba ya Hospitali ya Bugando nikushukuru Paroko Joseph Mchole pamoja na waumini wote kwa kuwa na hamasa na kuguswa na suala la mbio hizi, kipekee nimefarijika kwa majitoleo yenu yatakayoenda kusaidia watoto hawa na kuweza kutimiza ndoto zao za baadae"

Katibu Mkuu wa Wizara ya Afya Dkt. John Jingu amefanya ziara katika Chuo cha MWACHAS jijini Mwanza kwa lengo la kuona shughuli za maendeleo, mazingira ya wanafunzi pamoja na kuzungumza na Wanafunzi wa chuo hicho.

Akizungumza wakati wa Kikao Wamafunzi pamoja na Uongozi wa Chuo cha MWACHAS, Dkt. Jingu amepongeza uongozi kwa jinsi wanavyofanya kazi yao vizuri na kuwapa moyo Wanafunzi kuwa wapo sehemu sahihi ya kupata taaluma yenye tija kwa jamii.

"Niwapongeze kwa shughuli za maendeleo zinazokwenda vizuri, Wanafunzi wametulia, baadhi ya changamoto zipo lakini hazijawakwamisha kufanya vizuri, kikubwa tunachofanya Serikali ni kuhakikisha mazingira sahihi ya kutengeneza wataalamu yapo sawa kwani utoaji wa huduma unategemea Watalamu wenye ubobezi na uwezo, na hapa kuna faida ya uwepo wa Hospitali ya Bugando mnaoshirikiana nao vyema kwa Wanafunzi kupata mafunzo ya vitendo na kupata wataalamu bora na wenye tija, hongereni sana"

Aidha Dkt. Jingu amewaasa Wanafunzi kutumia vizuri fursa waliyopata ya kujiunga na Chuo cha MWACHAS, kwani wapo sehemu sahihi na wanahitajika sana na jamii kwenda kutoa huduma.

Kwa upande wa Mwakilishi wa Kaimu Mkuu wa Chuo, Lazaro Makungu ambaye ni Afisa Utumishi amemshukuru Katibu Mkuu wa Wizara ya Afya kutembea MWACHAS na hiyo imewapa faraja katika kuendelea kutekeleza miradi mbalimbali ikiwemo kupanua eneo la chuo ili kuhimili Wanafunzi wengi zaidi na kutekeleza Lengo la Serikali la kuzalisha Wataalam wenye weledi na uwezo kusaidia jamii.

Klabu ya mazoezi ya Bugando (Bugando Fitness) imeshiriki katika mbio za hisani za kumbukumbu ya miaka 25 ya kifo Cha Baba wa Taifa, Hayati Mwl. Julius K. Nyerere ambapo mbio hizi zimeratibiwa na Wizara ya Nchi, Ofisi ya Waziri Mkuu(Kazi,Vijana,Ajira na wenye Ulemavu) na Shirika la Utangazaji Tanzania (TBC) kwa kushirikiana na Ofisi ya Mkuu wa Mkoa wa Mwanza.

Akizungumza baada ya mbio hizi Waziri wa Nchi, Ofisi ya Waziri Mkuu, Kazi,Vijana, Ajira na wenye Ulemavu Mhe. Ridhiwani Kikwete amempongeza Mkurugenzi Mkuu wa TBC Dkt. Ayoub Rioba pamoja na Ofisi ya Mkuu wa Mkoa kwa maandalizi na ubunifu mzuri katika kumbukizi hii ya kifo cha Baba wa Taifa na kuwaomba ubunifu huu uwe endelevu Kila mwaka tunapoenzi kumbukizi hii.
"Matembezi haya yametufanya tuwe marafiki na tuzidi kuwa wamoja na ni matumaini yangu kwamba kupitia mbio hizi tutayaenzi yale yote mema na mazuri aliyoyatenda Hayati Mwl. Julius K. Nyerere na hasa katika uongozi wake na tukatumie falsafa aliyoijenga ya kuwa na umoja, amani na upendo ambapo yote haya tunayaona pia kwa Serikali yetu inayoongozwa na Rais wetu Mhe.Dkt. Samia Suluhu Hassan".

Mhe.Said Mtanda ambaye ni Mkuu wa Mkoa wa Mwanza amezipongeza klabu mbalimbali zilizoshiriki na kuunga mkono mbio hizi ikiwemo klabu ya Bugando Fitness pamoja na Mkurugenzi Mkuu wa Hospitali ya Bugando Dkt. Fabian A. Massaga Kwa kuwa kiongozi mwenye hamasa hasa katika suala zima la kufanya mazoezi yanayosadia kupunguza wimbi la Magonjwa yasiyoambukiza.

Mazoezi haya yamejikita katika kuboresha miili lakini pia ni maandalizi ya mbio za Bugando Health Marathon zitakazofanyika Oktoba 20, 2024 zikiwa na lengo la kusaidia matibabu ya watoto wenye Saratani.

Waziri Mkuu Mhe. Kassim Majaliwa amezindua rasmi Maadhimisho ya wiki ya vijana kitaifa na kumbukizi ya miaka 25 ya kifo cha Baba wa Taifa Mwl. Julius K. NyerereLeo Oktoba 11, 2024 katika uwanja wa Furahisha Jijini Mwanza.

Akizungumza Katika ufunguzi huo Waziri Mkuu Mhe. Kassim Majaliwa ameupongeza Mkoa wa Mwanza kwa maandalizi mazuri ya maadhimisho haya sambamba na ubunifu katika utoaji wa huduma mbalimbali kwenye mabanda na maonesho hayo.

"niwapongeze sana vijana kwa maandalizi na kazi nzuri kuanzia kwenye mabanda yenu, maonyesho haya ni fursa ya vijana kujuana na kuenzi mchango wa Baba wa Taifa Mwl. Julius K. Nyerere na Rais wa kwanza wa Zanzibar Sheikh Amri Abeid Karume kwenye maendeleo ya Taifa letu sambamba na kuja kupata falsafa na historia ya maendeleo ya waasisi wa Taifa letu. Vijana mnayo fursa kwenye eneo la kidijitali katika kuboresha maendeleo endelevu na Kila mmoja anapaswa kuchangamkia fursa hii ambayo si kwaajili ya kurahisisha tu kazi zetu bali kufanya maamuzi yenye tija, hongereni sana Vijana na wote mliopo katika maonesho haya" amesema Mhe. Kassim Majaliwa, Waziri Mkuu wa Tanzania.

Kwa upande wa Waziri wa Nchi, Ofisi ya Waziri Mkuu (Kazi, Vijana, Ajira na wenye Ulemavu) Mhe. Ridhiwani Kikwete amewaasa vijana kutumia fursa ya kidijitali hasa kutumia mifumo wanayotengeneza wenyewe kwenye kufanya kazi zenye tija na manufaa kwa nchi.

Aidha, Mkuu wa mkoa wa Mwanza Mhe. Said Mtanda amewakaribisha Wageni wote wanaofika katika mabanda ya maonyesho yaliyo na huduma mbalimbali ikiwemo za kiafya ambapo Hospitali ya Rufaa ya Kanda Bugando inaendelea kutoa huduma mbalimbali za kiafya bure kwa Wananchi ikiwemo uchunguzi wa saratani mbalimbali, upimaji wa Shinikizo la damu, Sukari, Virusi vya UKIMWI(VVU) pamoja na ushauri wa lishe katika Banda lake la utoaji huduma Furahisha jijini Mwanza.

Hospitali ya Rufaa ya Kanda Bugando leo Oktoba 11, 2024, imeadhimisha siku ya Afya ya Akili Duniani kwa kufanya mazoezi yaliyoongozwa na Mkurugenzi Mkuu wa Hospitali ya Bugando Dkt. Fabian A. Massaga katika eneo la maegesho la magari ya Watumishi.

Akizungumza katika hafla hiyo Dkt. Fabian A. Massaga amesema, “kwa ulimwengu wetu unaokua kwa kasi, afya mwili imekua ikipewa kipaumbele, hivyo tukubali afya ya akili ni muhimu kama ilivyo kwa afya ya mwili”.

Dkt. Massaga ameendelea kusema kuwa changamoto ya Afya ya akili hutokea kwa sababu mbalimbali ikiwemo kukosa uelewa, kunyanyapaliwa na inakadiriwa watu wenye changamoto hizi za afya ya akili asilimia 76 mpaka 85 hawapati matibabu yeyote na wale wanaokuja kupata matibabu ni chini ya asilimia 20.

Maadhimisho haya yameambatana na mafunzo ya stress management yaliyotolewa na Idara ya Afya Akili kwa watumishi wa Bugando, CUHAS na MWACHAS.

Sambamba na hayo Mkurugenzi Mkuu ameipongeza idara ya Afya ya Akili kwa kazi kubwa inayofanya kwa kuhudumia wagonjwa na watu wenye changamoto ya Afya ya Akili “Tujitoe kufanya Afya ya Akili kuwa kipaumbele katika Taasisi yetu na Taifa kwa ujumla, pamoja tunaweza”
Dr.Massaga ameishukuru Serikali ya Jamhuri ya Muungano wa Tanzania, Wizara ya Afya, Wadau, Wanamichezo, na Taasisi kushiriki katika maadhimisho ya Afya ya Akili Duniani na kuhamasisha suala zima la mbio za Bugando Afya Marathoni zitakazofanyika Oktoba 20, mahususi kwaajili kuchangia watoto wenye saratani.

Aidha Dkt.Matiko Marwa kaimu mkuu wa idara ya Afya ya akili amesema Afya nzuri ya akili huleta mshikamano,kuongeza ufanisi katika maeneo ya kazi na Afya ya mwili kiujumla.Hivyo ni muhimu sana kwa Taasisi kuendesha mafunzo hayo.
Pia Dkt Matiko ameomba watumishi na wanachi wasisite kufika Hospitali Kupata huduma sahihi za kitabibu na kisaikolojia.

Hospitali ya Rufaa ya Kanda Bugando imeungana na Watanzania wote Duniani kuadhimisha siku ya Afya ya Macho Duniani kwa kutoa huduma ya uchunguzi wa macho bure na kutoa elimu kwa Wananchi waliojitokeza katika maadhimisho hayo yanayoenda yenye kaulimbiu isemayo "penda macho yako, muhamasishe mtoto apende macho yake"

Mkurugenzi Mkuu wa Hospitali ya Bugando ameipongeza idara ya macho kwa ubunifu huo wa kutoa huduma ya uchunguzi bure na kuwapongeza Wananchi kwa kuhudhuria maadhimisho hayo.

"Tunasema penda macho yako, muhamasishe mtoto apende macho yake, Sisi kama wazazi tuna wajibu wa kuhamasisha Watoto kuyatunza macho yao. Nipongeze kazi kubwa ya Idara ya macho kwa kupima bure Wanafunzi 10,300 wa shule za msingi na Sekondari kwa Mikoa ya Kanda ya Ziwa na Leo hapa tunatoa huduma bure kwa lengo la kuhakikisha Wananchi wanapata huduma sahihi ya macho"

Aidha, Dkt Massaga ameishukuru serikali kwa uwekezaji mkubwa kwenye eneo la Afya hususani kwenye huduma za macho pamoja na Wadau mbalimbali wa Bugando kama CBM, Moran na KCCO kwa ushirikiano na msaada mkubwa wanaoutoa katika Idara ya Macho na kusisitizana kuwa jukumu la kulinda afya ya macho sio la serikali tu bali ni jukumu letu sote.

kiwa ni katika wiki ya Huduma kwa wateja Benki ya NMB imetembelea Hospitali ya Rufaa ya Kanda Bugando ikiwa ni katika kutoa tathmini, kutambua na kuthamini mchango wa Hospitali ya Bugando huku wakiahidi kutoa huduma bora zaidi kwa Hospitali hiyo.
Dkt.Fabian Massaga ambaye ni mkurugenzi mkuu wa Hospitali ya Bugando amefurahishwa na Ujio wa viongozi wa Benki hiyo na kusema kuwa Bugando itazidi kuendeleza mashirikiano yaliyopo baina yao.
Hata hivyo Benki ya NMB imehamasika na mbio za hisani za Bugando Health Marathon na kuahidi kuwa sehemu ya mbio hizo kwa kuchangia watoto wenye saratani.

Hospitali ya Rufaa ya Kanda Bugando imepata fursa ya kutembelewa na wakurugenzi pamoja na viongozi kutoka Hospitali Kilutheri ya Hydom kwa lengo la kubadirishana uwezo na kujifunza namna Bugando inavyoendesha huduma zake.

Hospitali ya Rufaa ya Kanda Bugando imeendelea kuendesha mafunzo ya namna ya kukabili changamoto katika maeneo ya kazi (Stress Management at work place) kwa Wafanyakazi wa BMC, CUHAS na MWACHAS ikiwa ni katika kuelekea kilele cha maadhimisho ya siku ya Afya ya Akili Duniani ambayo hufanyika Octoba 10, kila mwaka.

Aidha mafunzo hayo ambayo yanahusisha kada mbalimbali katika ngazi ya Hospitali na Chuo yalianza Octoba 1, na yanatarajiwa kumalizika Octoba 9, 2024 yakiwa na lengo la kuboresha utendaji kazi katika maeneo ya kazi ikiwa sanjali na kauli mbiu inayosema ”Ni muda sahihi kufanya afya ya akili kuwa kipaumbele katika maeneo ya kazi.”

Hospitali ya Rufaa ya Kanda Bugando na Chuo Kikuu cha Kikatoliki cha Sayansi Shirikishi - CUHAS kwa pamoja wametembelewa na Balozi wa Italia nchini Tanzania Mh. Giuseppe Coppola na Wasaidizi wake kwa lengo la kuona miradi ambayo Italia imekuwa ikishirikiana nao na namna ya utekelezaji na kuona namna ya kuzidi kuboresha mashirikiano hayo muhimu yaliyodumu tangu mwaka 1995.

"Mnakaribishwa sana na ni fahari kubwa kututembelea, Mimi pamoja na Prof. Kamugisha tunawashukuru kwa kuja, ushirikiano huu na nchi ya Italia una historia kubwa tangu mwaka 1995, umekuwa na matokeo chanya sana, mmetusaidia siyo kuanzisha tu Idara ya Saratani bali kuanzisha kituo cha Saratani Kanda ya Ziwa, kupitia usadizi wenu wa Madaktari Bingwa Bobezi na kuanzisha maabara kubwa ya histopatholojia" amesema Dkt Fabian A. Massaga, Mkurugenzi Mkuu wa Hospitali ya Bugando.

Kwa upande wa Makamu Mkuu wa Chuo cha CUHAS Prof. Erasmus Kamugisha ameshukuru kwa ujio huo wa ubalozi, na kusema mashirikiano kati ya Italia na Chuo cha CUHAS umekuwa msingi wa kuzalisha wataalamu kupitia mafunzo nchini Italia, kuanzisha Shahada ya Uzamili ya (Medicine in Atomical Pathology) pamoja na Watalamu wake katika Chuo cha CUHAS pamoja na kuanzisha Maabara ya Histopatholojia ambayo ni msingi wa uchunguzi wa tishu - Histopatholojia.

Mhe. Balozi Giuseppe Coppola ameshukuru kwa mapokezi mazuri aliyoyapata na kusema; "Ni furaha kubwa kuwepo nanyi hapa, ugeni huu ni mwendelezo wa ushirikiano huu muhimu ambao tumekuwa nao kwa muda na kupitia malengo ya muda mrefu hasa kawajengea uwezo Madaktari kubadilishana ujuzi, kusaidia katika vifaa tiba".


Mhe. Balozi Giuseppe na Wasaidizi wake wamepata nafasi ya kukutana na Wataalam kadhaa waliopo Bugando na CUHAS na kutoa dira ya mwendelezo wa mashirikiano yao na kutembelea jengo la Saratani, Chuo cha CUHAS na kujionea hatua mbalimbali za maendeleo katika Hospitali ya Bugando na Chuo cha CUHAS.

Umoja wa watoa huduma za Afya nchini wamefanya kikao chao cha mwaka katika Hospitali ya Rufaa ya Kanda Bugando leo Septemba 28, 2024 lengo likiwa ni kuzindua chama na katiba ya umoja wa chama cha Tanzania Health Assistant Association (TAHAA) wenye kauli mbiu isemayo "Msaidizi wa Afya ni muhimu katika utekelezaji wa maendeleo ya sekta ya Afya".

"Umoja wa watoa huduma za Afya ulianzishwa Oktoba 20, 2020 kwa lengo la kuunganisha watoa huduma wa Afya Nchi nzima lakini hatukuwa na chama wala katiba rasmi ya kusimamia umoja huu ndio mana leo hii tumeungana watoa huduma kutoka sehemu mbalimbali kwa lengo la kuzindua chama na katiba rasmi ya chama" ameyasema hayo, Ally Mtopwa ambaye ni Mwenyekiti wa kamati ya katiba ya chama cha Wasaidizi wa Afya Tanzania. 

Mgeni rasmi na Mkurugenzi Mkuu wa Hospitali ya Rufaa ya Kanda Bugando Dkt. Fabian A. Massaga amewapongeza watoa huduma za Afya kwa kuchagua Hospitali ya Bugando kama sehemu ya kufanya hafla yao ya uzinduzi wa chama na katiba lakini pia amewapongeza kwa kuanzisha chama hiki cha TAHAA ambacho kitasaidia kuunganisha mawazo na kutatua changamoto mbalimbali wanazokumbana nazo katika utendaji wao wa kazi. "Nyie ni watu wa muhimu sana katika suala zima la utoaji wa huduma za Afya kwa mgonjwa hivyo niwaombe mkatimize wajibu wenu kwa weledi wa hali ya juu kwa kuwa yote haya tunafanya kwa lengo la kuimarisha huduma za Afya katika Taasisi na Hospitali zetu" Dkt Fabian A. Massaga. 

Aidha Dkt.Massaga amewaomba kuonyesha ushirikiano kwa viongozi wao ili waweze kufikia malengo ya chama na na kuwaasa waweze kujiendeleza katika taaluma zao sambamba na kuwaalika kushiriki katika mbio za hisani za Bugando Afya Marathon 2024 zitakazofanyika October 20, 2024 huku mgeni rasmi akitarajiwa kuwa Naibu Waziri Mkuu na Waziri wa Nishati Mhe. Dkt. Dotto Biteko (MB).

Mkurugenzi wa Huduma za Afya Saidizi wa Hospitali ya Rufaa ya Kanda Bugando Dkt. Cosmas Mbulwa amefunga mafunzo ya siku 10 ya Huduma Tabibu za Kifamasia (Clinical Phamacy Services) yaliyoendeshwa katika Hospitali ya Bugando.

Mafunzo hayo yaliyohusisha Wafamasia 30 kutoka Mikoa mbalimbali nchini, yamelenga kumfanya Mfamasia kuhusika moja kwa moja kumuhudua Mgonjwa kwa pamoja na Wahudumu wengine wa Afya.

Dkt. Mbulwa amewapongeza waandaaji na washiriki wa mafunzo hayo na kusema;

"Niwapongeza sana waandaji na washiriki kwa mafunzo haya, tuna maendeleo makubwa ya Sayansi na teknolojia hivyo tunahitaji Wafamasia wazuri ili kuimarisha huduma za kiafya, lazima tubadilike na kupitia mafunzo haya ya Huduma Tabibu za Kifamasia muende mkasimamie hili swala, tushirikiane wote namna ya kuhudumia Mgonjwa na naamini kupitia ushirikiano huo wa Madaktari, Wauguzi, Wafamasia na Wataalamu wa Maabara Kwa hakika tutapunguza vifo"

Kwa upande wa Kaimu Mkuu wa Idara ya Famasia wa Hospitali ya Bugando Mageni Magembe, amesema mafunzo hayo ya CPS  yatakuwa chachu na yataleta tija na ahueni kwa wateja, uvumbuzi wa dawa ni gharama hivyo kunahitajika matunzo sahihi na ni nafasi yao kutumia vizuri walichokijifunza.

Kwa upande wa Professa Omary Minzi, ambaye ni Mwanzilishi wa Huduma Tabibu za Kifamasia (CPS) na mkufunzi kwenye mafunzo hayo, ameushukuru uongozi wa Hospitali ya Bugando na washiriki wote na kusema Mfamasia lazima uwe na kazi nyingi, tunataka kuongeza wigo wa Wafamasia katika kazi na lazima kuzingatia uingizaji sahihi wa takwimu kwenye mfumo.

Mafunzo ya siku 10 ya Huduma Tabibu za Kifamasia yamehusisha Wafamasia 30 kutoka Mikoa ya Mwanza, Kigoma, Tabora, Shinyanga, Simiyu, Mara na Kilimanjaro na kuhitimishwa hii Leo tarehe 27 Septemba, 2024 katika Hospitali ya Bugando.

Mafunzo ya siku nne kwa wataalam wa Afya ikiwemo Madaktari, Wauguzi na wataalam wa Maabara kutoka Hospitali mbalimbali za Mkoa wa Mwanza, yaliyoendeshwa na Hospitali ya Rufaa ya Kanda Bugando yamehitimishwa  leo Septemba 26, 2024 yenye lengo la kujenga uelewa wa kutambua mapema vimelea vya ugonjwa wa siko seli kwa mtoto.

Akizungumza wakati wa kufunga mafunzo hayo kwa niaba ya Mkurugenzi Mkuu wa Hospitali ya Bugando, Mhadhiri Mwandamizi wa Chuo Kikuu cha Sayansi Shirikishi MUHAS Dkt. Lulu Chirande ameushukuru uongozi wa Hospitali ya Bugando kwa kuwezesha mafunzo hayo muhimu kwa wataalam wa Afya ambayo yatasaidia kutambua mapema siko seli kwa mtoto kuanzia ngazi ya vituo vya Afya.

"Niwapongeza sana kwa kupata mafunzo haya muhimu, kwa siku hizi nne naamini mlichokipata ni kikubwa na Kwa hakika mtakaporudi sasa kwenye vituo vyenu mtaenda kutumia ujuzi huu na kuwapatia wengine mliowaacha, takwimu zinaonesha Kanda ya Ziwa inayo watoto wengi na watu wazima wenye siko seli hivyo, mwisho wa mafunzo haya ndio mwanzo wa kufanya kazi kwa ukubwa zaidi, na Kwa kipekee niushukuru uongozi wa Bugando kwa kuwezesha mafunzo haya, Asanteni sana" amesema Dkt. Lulu Chirande.

Mafunzo hayo ya siku nne yamehitimishwa kwa kuwapatia vyeti washiriki waliotoka Hospitali na Vituo vya Afya vya Wilaya ya Ilemela, Sengerema na Nyamagana waliopata mafunzo hayo ya kutambua mapema siko seli, athari na matibabu ya siko seli kuanzia kwenye Kliniki za Mama na Mtoto.

Mkurugenzi Mkuu wa Hospitali ya Rufaa ya Kanda Bugando Dkt. Fabian A. Massaga leo Septemba 25, 2024 ameendesha kikao na Watumishi wa Hospitali ya Bugando, baada ya kuunda kamati mbalimbali kwa ajili ya kuhamasisha mbio za Bugando Afya Marathoni ambapo kauli mbiu inasema, “Kimbia changia watoto wenye saratani” Mbio hizo zinatarajiwa kufanyika Oktoba 20, 2024 huku mgeni rasmi akiwa ni Naibu Waziri Mkuu Mhe. Dkt. Dotto Mashaka Biteko. (MB). 

Kwa upande wake Profesa Kidenya kutoka Chuo Kikuu Shirikishi cha Kikatoliki cha Sayansi na Tiba (CUHAS) na Mwakamati ya uhamasishaji wa mbio za marathoni  amesema, 'Tumeandaa Marathoni hii ili kuthamini afya yako, kupunguza kasi ya magonjwa yasiyoambukiza na kuwasaidia watoto wenye saratani' ,Hivyo Prof.Kidenya amewasihi Wafanyakazi na Jamii kwa ujumla kuchangia kwaajili ya kuwasaidia watoto hawa kama sadaka.

Akizungumza katika kikao hicho Mkurugenzi Mkuu wa Hospitali ya Bugando Dkt. Fabian A. Massaga amesema, lengo  la  kuanzisha mbio hizo ni  kuchangia watoto wenye saratani na kusaidia matibabu ya watoto hao kwani matibabu ya saratani ni gharama japokuwa Serikali ina mchango mkubwa katika kusaidia matibabu haya na pia matibabu yake huchukua muda mrefu. 

”Tukumbuke kwamba watoto hawa ni viongozi watarajiwa na kwa kupitia Marathoni watatimiza ndoto zao.” amesema Dkt. Massaga.

Aidha ameishukuru Serikali kupitia Wizara ya Afya kwa msaada wa ujenzi wa jengo la saratani, vifaa tiba,  dawa na matibabu ya wagonjwa wa saratani nakusema, “sisi ni jukumu letu kuunga mkono juhudi za Serikali yetu ili kuhakikisha watoto hawa wanatimiza ndoto zao.”

SEPTEMBA MWEZI WA UHAMASISHAJI DHIDI YA UGONJWA WA SIKOSELI ( SELIMUNDU)

WADAU MBALIMBALI WAJENGEWA UELEWA WA UGONJWA WA SIKOSELI

Hospitali ya Rufaa ya Kanda Bugando kupitia Idara ya Watoto Kitengo cha Sikoseli leo Septemba 23, 2024 imeendesha mafunzo ya kujengeana uelewa juu ya ugonjwa wa Sikoseli kwa wadau mbalimbali wakiwemo Madaktari, Wauguzi, Watendaji wa Kata kutoka Hospitali za Wilaya na Vituo vya Afya vilivyopo Mkoa wa Mwanza sambamba na Wazazi/Walezi wa watoto wenye Ugonjwa wa Sikoseli pamoja na Mashujaa wa Sikoseli.

Akizungumza wakati wa hafla ya ufunguzi wa mafunzo haya, Mkurugenzi wa huduma za Afya Saidizi Dkt. Cosmas Mburwa kwa niaba ya Taasisi amewashukuru na kuwapongeza waratibu wa mafunzo haya
" Napenda kuwashukuru, kuwapongeza na kutambua uwepo wenu na juhudi zenu waratibu wa mafunzo haya, washiriki ninyi mna mchango mkubwa wa kupelekka elimu hii kwa jamii huko mtaani ili kuweza kupunguza madhira ambayo wagonjwa wenye sikoseli na wazazi wanakumbana nayo kiuchumi na kijamii ikiwemo kutengwa" Dkt. Mburwa.

Kwa upande wake Mratibu wa Sikoseli Hospitali ya Bugando Dkt. Emmanuela Ambrose amefafanua kuwa, lengo la mafunzo haya ni kujengeana uelewa kuhusu ugonjwa wa Sikoseli, jinsi ya kumgundua Mgonjwa na kumuhudumia kabla ugonjwa haujafikia hatua mbaya na kumpatia rufaa kwa wakati sambamba na kutoa elimu kwa wazazi na walezi namna ya kuwalea wagonjwa wa Sikoseli.

Aidha, Ndg. Gabriel Makoye Mtego ambaye ni kijana shujaa wa ugonjwa wa Sikoseli ametoa wito kwa Selikali kuwezesha upatikanaji wa dawa za Sikoseli kwa gharama nafuu au bure kama ilivyo kwa waathirika wa HIV ili kukabiliana na changamoto ya wagonjwa wengi kushindwa kumudu gharama za dawa na matibabu ya Sikoseli.

Mafunzo haya ya kujengeana uelewa wa ugonjwa wa Sikoseli kwa wadau yanafanyika kwa siku nne katika Hospitali ya Rufaa ya Kanda Bugando na yanatarajiwa kuhitimishwa tarehe 26 Septemba, 2024.

WAWEZESHAJI NA WASHIRIKI WA MAFUNZO YA HUDUMA TABIBU ZA KIFAMASIA (CPS)WAPONGEZWA

Mkurugenzi Mkuu wa Hospitali ya Rufaa ya Kanda Bugando Dkt. Fabian A. Massaga amewapongeza waandaaji, wawezeshaji na washiriki wa mafunzo ya Huduma Tabibu za Kifamasia (Clinical Phamacy Services) wanaotoka Kanda mbalimbali nchini ambapo mafunzo hayo yanaendela katika Hospitali ya Bugando tangu tarehe 17 Septemba, 2024.

Dkt. Massaga amesema "Nikushukuru na kukupongeza Profesa Omary Mashiku na timu yako kwa kuja na huu ubunifu, Sisi Madaktari ni kiungo muhimu katika kumhudumia Mgonjwa anapokuwa wodini, lakini hiki kinachotengezwa hapa Mfamasia naye atakuwa kwenye timu wakati wa kumwangalia Mgonjwa, hili ni wazo jema la kuwa pamoja kumwona Mgonjwa na naomba tulipokee kwa mtazamo chanya zaidi"

Kwa upande wa Professa Omary Mashiku Minzi, ambaye ni Mwanzilishi wa CPS na mkufunzi kwenye mafunzo haya, ameushukuru uongozi wa Hospitali ya Bugando kwa kutoa nafasi ya mafunzo na kusema lengo ni kuleta mashirikiano mazuri wodini kwa Mfamasia kuwa pamoja na Madaktari na Wauguzi wodini ili kuboresha tiba kwa Mgonjwa, kuwa na mawasiliano mazuri na utaratibu bora wa kuhifadhi taarifa kwenye mfumo.

Naye mratibu wa mafunzo hayo Bertha Mallya ameishukuru Hospitali ya Bugando kwa mapokezi mazuri yenye Huruma na Upendo ya kutoa mafunzo hayo kwa Wafamasia 30 kutoka Mwanza, Kigoma, Tabora, Shinyanga, Simiyu, Mara na Kilimanjaro ambayo yanaendelea kutolewa hadi terehe 27 Septamba, 2024.

Mkurugenzi Mkuu wa Hospitali ya Rufaa ya Kanda Bugando Dkt Fabian A. Massaga ameongoza hafla ya utoaji wa tuzo kwa wauguzi waliofanya vizuri zaidi kwenye utendaji wao wa kazi kwa kuwakabidhi zawadi mbalimbali ikiwa ni motisha katika utoaji wa huduma.

Katika tuzo hizi za Smartness awards 2024, Wauguzi wa wodi ya Medical ICU wameibuka kidedea Kwa kuwa washindi wa kwanza, wakifuatiwa na wodi ya J2 VIP na wodi ya watoto huku Mkurugenzi wa huduma za Uuguzi Sr. Salome Marandu akitunukiwa tuzo ya jumla ya Muuguzi bora wa mwaka 2024 (Smart Nurse).

Akizungumza wakati wa kuwatangaza washindi na kuwatunukia zawadi  Mkurugenzi Mkuu wa Hospitali ya Bugando Dkt Fabian A. Massaga ameipongeza Kurugenzi ya huduma za  Uuguzi Kwa ubunifu wa kutoa tuzo hizo ambazo ni motisha mkubwa katika kuimarisha huduma za matibabu.

"Leo ni siku maalumu kwa kweli, tukio hili ni kubwa sana kwa hospitali yetu, niwapongeze sana na  jambo hili linafaa kuigwa kwa wengine, na tuzo hizi zitaongeza chachu na utendaji bora zaidi.

Hawa waliopewa zawadi wameonyesha njia kuwa tunaweza kubadilika na nafarijika kuona haya kuwa tunaweza kwenda kurekebisha yale mapungufu machache ambayo hatufanyi vizuri, suala la customer care kwa Mgonjwa tulizingatie sana na tuendelee kutoa huduma zetu kwa huruma na upendo" Dkt Fabian A. Massaga.

Kwa upande wa Mkurugenzi wa Huduma za Uuguzi Sr. Salome Marandu amesema tuzo hizo zimelenga kuboresha huduma za matibabu kwa Mgonjwa kwa kuzingatia uingizaji wa taarifa za matibabu kwenye mfumo, huduma bora za Uuguzi na usafi wa mazingira ambapo washindi wametunukiwa zawadi mbalimbali ikiwemo vyeti, pesa taslimu, T-shirts na ngao.

MKUU WA MKOA WA MWANZA AUNGANA NA WADAU  KUCHANGIA MATIBABU YA SARATANI ZA WATOTO.

Mhe. Said Mtanda Mkuu wa Mkoa wa Mwanza, ametoa wito kwa wadau mbalimbali wa maendeleo mkoani Mwanza kuungana na Hospitali ya Rufaa ya Kanda Bugando katika kuchangia matibabu ya

watoto wenye saratani kupitia  Bugando Health Marathon ambao wanakabiliwa na ukosefu wa fedha za matibabu.

Mhe. Mtanda amewaongoza wadau hao kwa kuchangia shilingi milioni tano na kuwaasa  kuchangia matibabu ya saratani za watoto.

Mhe. Mtanda amesema “Hospitali ya Bugando imeamua kuisaidia juhudi za serikali kwa kuwa serikali haiwezi kufanya kila kitu hivyo ushiriki wa wadau katika kuchangia matibabu ya watoto hawa itasaidia kupunguza mzigo kwa serikali.

 Matibabu ya Saratani ni gharama kubwa hivyo nimewaiteni ili mtusaidie na kutuunga mkono kuokoa maisha ya watoto hawa kwa kuchangia Bugando Health Marathon 2024.” Amesema Mhe. Mtanda 

Naye Dkt. Fabian A. Massaga Mkurugenzi Mkuu wa Hospitali ya Bugando amesema, “ Tumelenga kukusanya kiasi cha shilingi Billioni moja yenye lengo la kusaidia takribani watoto mia tano wanaougua saratani katika Hopitali ya Bugando , hivyo tuungane kwa pamoja kusaidia watoto hawa. “ Amesema Dkt. Massaga

Bugando Health Marathon itafanyika tarehe 20/10/2024 na Mgeni Rasmi wa mbio hizi anatarajia kuwa Mhe. Doto Biteko Naibu Waziri Mkuu na Waziri wa Nishati. Mnakaribishwa kuendelea kujisajili kupitia Tigo Lipa:22314082 ,

CRDB: 01J1053036501- BMC Cost Sharing & USSD Tigo; *150*01#

Mkurugenzi wa Huduma za Upasuaji wa Hospitali ya Rufaa ya Kanda Bugando, Sr. Dkt. Alicia Massenga akimwakilisha Mkurugenzi Mkuu wa Bugando, amefungua rasmi mafunzo ya Huduma tabibu za kifamasia (Clinical Phamacy Services) yanayotolewa kwa Wafamasia kutoka kanda mbalimbali nchini kuanzia  leo terehe 17  mpaka tarehe  27 Septemba 2024 katika Hospitali ya Bugando ambapo mafunzo hayo

yanaendeshwa na Chuo Kikuu cha Sayansi Shirikishi MUHAS kwa udhamini wa shirika la Christian Social Services Commission(CSSC) yakiwa na jumla ya Wafamasia 30 kutoka Hospitali mbalimbali nchini.

Sr.Dkt Massenga amewapongeza waandaaji na washiriki na kuwataka kutumia vizuri mafunzo hayo kwani yana tija kubwa katika kumhudumia Mgonjwa.

"Niwapongeza CSSC kwa mafunzo haya yenye matunda makubwa ambayo kwa kweli tumekuwa tukiyaona katika kuboresha sekta ya Afya, washiriki tutumie muda mwingi kwenye mafunzo haya, mzingatie yote mtakayopata hapa na mkayatumie huko muendako kumhudumia Mgonjwa na kuwafundisha wengine kwa kufanya kazi Kwa umoja, mkifanya hivyo itaongeza ufanisi kwani itasaidia Mgonjwa kutumia dawa kwa wakati na itapunguza gharama za matibabu, mkatumie ujuzi huu  vyema" ameyasema hayo Sr. Dkt Alicia Massenga.

Kwa upande wake  Dkt. Andrew Charles ambaye ni meneja wa CSSC Kanda ya Ziwa amesema mafunzo hayo ni muhimu kwani wafamasia watashirikiana na Madaktari moja kwa moja katika kumhudimia Mgonjwa.

Mafunzo ya Huduma tabibu za kifamasia

 (Clinical Phamacy Services) yanaendeshwa kwa siku 10 kwa washiriki 30 kutoka Mikoa ya Kilimanjaro, Tabora, Simiyu, Kigoma, Shinyanga, Mwanza na Mara kushiriki.

Mkurugenzi wa huduma za Upasuaji Sr. Dkt. Alicia Massenga akimuwakilisha Mkurugenzi Mkuu wa Hospitali ya Bugando, amefunga mafunzo ya kuhudumia vidonda (wound management) kwa wauguzi Saba kutoka Mikoa mbalimbali nchini yaliyolenga kuboresha na kuwapa ujuzi mpya wa namna ya kuhudumia vidonda kwa Wagonjwa hii leo Septemba 13, 2024.

Katika kufunga mafunzo hayo, Sr. Dkt Massenga ameipongeza Kurugenzi ya huduma za Uuguzi kwa kuandaa mafunzo hayo na Wauguzi hao kushiriki mafunzo hayo muhimu;

"hongereni sana kwa kuwa wabunifu wa kutoa ujuzi huu muhimu hadi kwa wauguzi wengine kutoka pande mbalimbali nchini, mlichukue hili kwa uzito wake na mkawe wakarimu kwa kutoa elimu hii kwa wengine na mtakuwa mmefanya kitu kizuri kusaidia watu, tunajua wote kuwa huduma ya vidonda inataka moyo na sisi tuendelee na moyo huo huo kwa kufanya kwa mapendo na tuwe faraja kwa Wagonjwa wenye vidonda" Amesema Sr. Dkt. Massenga.

Kwa upande wa Mkurugenzi wa Huduma za Uuguzi Sr. Salome Marandu amewapongeza washiriki kwa kushiriki vyema mafunzo hayo na kuonesha mabadiliko makubwa kwenye mitihani waliyofanya vizuri, na kuwataka kwenda kutoa ujuzi huo kwa wengine huko waendako.

Aidha, mmoja ya washiriki wa mafunzo hayo Muuguzi Dennis Fikiri kutoka Geita ameishukuru Hospitali ya Bugando kuwapa mafunzo hayo na kusema kuna vitu vipya wamevipata, namna ya kuhudumia vidonda na kuongeza ujuzi zaidi na wataenda kuwa mabalozi wa hicho walichojifunza.

Mafunzo hayo ya siku Tano yamehudhuriwa na Wauguzi kutoka Mikoa ya Njombe, Kilimanjaro, Tabora, Geita na Mwanza.

Hospitali ya Rufaa ya Kanda Bugando imeendesha mafunzo ya kujenga uelewa kuhusu ugonjwa wa sikoseli kwa wataalamu wa afya Halmashauri ya wilaya ya sengerema, mafunzo haya yametolewa na Madaktari Bingwa wa Sikoseli na magonjwa ya damu sambamba na Mtaalamu wa Maabara Kitengo cha Damu ambao ni Dkt. Emmanuela Ambrose, Dkt. Tekla Mtobesya na Ndg. Mwesige Charles.

Mafunzo haya yamehusisha wataalamu wa Afya sitini na tatu (63) wakiwemo Madaktari, Wauguzi, Wahudumu wa Afya na wataalamu wengine  yamefanyika kwa muda wa siku tatu kuanzia tarehe 11-13 Septemba 2024 Wilayani Sengerema kufuatia maombi ya Halmashauri ya Sengerema kuhitaji wataalamu wake kupewa mafunzo na kuanzisha clinic za Sikoseli ikiwa ni huduma ya uchunguzi wa awali kwa wagonjwa wa  sikoseli kabla ya kupewa Rufaa. 

Kupitia mafunzo haya, washiriki wameweza kufundishwa jinsi ya kugundua ugonjwa kitaalamu, namna ya kumuhudumia mgonjwa na kutoa rufaa mapema inapohitajika. 

Septemba ni Mwezi wa uhamasishaji wa Ugonjwa wa Sikoseli ambao unalenga kuongeza uelewa kuhusu ugonjwa huu na changamoto wanazokabiliana nazo watu wanaoishi na hali hii duniani kote.

Hospitali ya Rufaa ya Kanda Bugando kupitia Kliniki yake ya Bugando Specialized Polyclinic iliyopo NERA imeshiriki Tamasha la Miss Lake Zone 2024 kwa kutoa zawadi ya matibabu bure kwa muda wa mwaka mmoja kwa washindi watatu wa shindano hilo ambalo Bugando ilikuwa mdhamini.

 Akizungumza kwa niaba ya Mkurugenzi Mkuu wa Hospitali ya Bugando, Dkt Cosmas Mbulwa ambaye ni Mkurugenzi wa huduma za Afya Saidizi amewapongeza waandaaji, washindi na washiriki wote na kuwahakikishia Hospitali ya Bugando ipo bega kwa bega kwa kujali Afya zao. 

"niwapongeza washiriki wote wa shindano hili na zaidi kwa washindi, waandaaji na wote tuliopo hapa, Sisi kama Bugando tunathamini Urembo kwa kujali Afya zenu na ndio sababu tumeungana nanyi hapa, na kupitia hilo washindi watatu wa shindano hili tutawazadia huduma ya matibabu bure kwa muda wa mwaka mmoja kwenye Kliniki yetu ya Madaktari Bingwa na Bingwa Bobezi iliyopo Nera, Bugando tupo kuhudumia Afya, niwapongeze sana washindi na mkawe mabalozi wazuri" Dkt Cosmas Mbulwa.

 Tamasha la fainali ya Miss Lake Zone 2024 limehitimishwa kwa Mlimbende Agnes Simkanga, Mwanafunzi wa Chuo cha CUHAS Bugando Mwanza kushinda taji la Miss Lake Zone 2024 na atawakilisha Kanda ya Ziwa kwenye shindano la kumpata Miss Tanzania

Hospitali ya Rufaa ya Kanda Bugando leo Agosti 30,2024 imepokea wageni kutoka Kampuni ya Japan (Asahi intecc) lengo likiwa kuangazia uwezekano wa mashirikiano baina ya Kampuni ya Japan
( Asahi Intecc) na Hospitali ya Bugando katika matibabu ya magonjwa ya Moyo kwa kutumia mtambo wa Cathlab.

Akizungumza kwa niaba ya Mkurugenzi Mkuu wa Hospitali ya Bugando Dkt. Bahati Wajanga ambaye ni Mkurugenzi wa huduma za Tiba ameshukuru Kampuni ya Asahi Intecc kwa kutembelea Hospitali ya Bugando kwa lengo la mashirikiano ya matibabu ya moyo kwa kuwa imekuwa ni dhamira na imani ya Hospitali ya Bugando kukuza mashirikiano hayo

"Asahi intecc ina nia ya kushirikiana na watoa huduma wa ndani na nje katika nyanja ya upasuaji wa moyo na tumetambua Bugando ni moja ya Hospitali yenye nia ya uwekezaji wa matibabu ya moyo" ameyasema hayo Akira Iwai ambaye ni Mkurugenzi wa Kampuni ya Japan (Asahi Intecc).

Hospitali ya Rufaa ya Kanda Bugando imezindua Jezi zitakazotumika siku ya  Bugando Afya Marathoni inayotarajiwa kufanyika Agosti 31, 2024.

Uzinduzi huu umefanyika mapema leo Agosti 17, 2024 katika Viwanja vilivyopo mbele ya Hospitali ya Bugando na kuongozwa na Mkurugenzi Mkuu wa Hospitali ya Bugando Dkt. Fabian A. Massaga akiambatana na viongozi, watumishi, wanajumuiya ya Bugando na wadau mbalimbali.

Akizungumza wakati wa hafla hiyo ya uzinduzi wa jezi, Dkt. Massaga amewahamasisha na kuwakaribisha wadau wote wakiwemo Wananchi wa Mkoa wa Mwanza na viunga vyake kuchangia watoto wanaoteseka na saratani 

"Kimbia, Changia Watoto wenye Saratani, hii ndio kauli mbiu yetu. Naomba tutumie nafasi hii kuwahamasisha wananchi wote kuchangia watoto wanaoteseka na Saratani na hili si la kwetu pekee tunaungana na Serikali. Tukio letu litafanyika tarehe 31 Agosti, 2024 na Mgeni Rasmi anatarajiwa kuwa Naibu Waziri Mkuu wa Jamhuri ya Muungano wa Tanzania  Mhe. Dotto Biteko (MB), naomba wananchi tuje tuungane pamoja.  leo tupo hapa kuzitambulisha jezi zetu zitakazotumika siku hiyo" amesisitiza Dkt. Massaga

Sisi sote ni Wagonjwa watarajiwa, ni jambo letu sote na sisi kama watumishi wa Afya tunawiwa kuhamasisha jamii kuchangia na kuboresha Afya ya Watanzania na jamii kwa ujumla wake, ametanabaisha Dkt. Massaga.

Bugando Afya Marathoni imelenga kuwachangia Watoto wenye saratani,

ambapo hafla hii ya uzinduzi imehudhuriwa na wadau mbalimbali wakiwemo Taasisi za Kibenki, Jogging Club, Umoja wa wakimbiaji, Vyombo vya habari, Makampuni ya huduma za simu, Watumishi na wanajumuiya ya Bugando na zimetanguliwa na uzinduzi wa kits na Route check  za Bugando Marathon kwa wananchi kukimbia umbali wa Kilomita 5, Kilomita 10 na kilomita 21.

Uongozi na Wafanyakazi wa Hospitali ya Rufaa ya Kanda ya Bugando wameungana na Watanzania katika tamasha la siku ya Pamba 2024 ambapo Timu ya Pamba Jiji Footbal Club imeadhimisha tamasha lake kwa kutambulisha wachezaji wapya na kucheza mchezo wa kimataifa wa kirafiki dhidi ya Vital'O ya Burundi huku mgeni rasmi akiwa Mheshimiwa Dkt. Stergomena Lawrence Tax Waziri wa ulinzi na Jeshi la Kujenga Taifa akiambatana na Naibu Waziri wa Utamaduni, Sanaa na Michezo Mheshimiwa Hamis Mwinjuma.

Akizungumza katika tamasha hilo Waziri Stegomena Tax amesema 

"Mheshimiwa Rais anafanya kazi kubwa na katika mafanikio haya ya mkoa wa mwanza ni maono ya Rais wetu Mheshimiwa Samia Suluhu Hassan hivyo wanamwanza niwapongeze sana Kwa maendeleo haya ya mpira ambao unadumisha amani na umoja, hili linatuunganisha sote, tunajua tunaandaaa mashindano makubwa 2027 na mkoa huu ni Sehemu ya kutimiza hayo, hongereni sana na niwatakie Kila la kheri Pamba yetu irudi kama ilivyokuwa zamani".

Aidha, Naibu waziri wa utamaduni, Sanaa na Michezo Mheshimiwa. Hamis Mwinjuma nae amesema "Moja kati ya mambo yanayonifurahisha ni kuona timu ya Pamba Jiji Footbal Club inarudi katika nafasi ya Premiere League na ninaamini kwamba timu hii itaendelea kufanya vizuri zaidi na kuandikwa katika historia za league na kuwaomba viongozi wa timu kufanya kila linalowezekana ili kila atakaejisajili katika timu hii asitamani kutoka au kuhamia kwenye timu nyingine.

Kwa upande wake Mkuu wa Mkoa wa Mwanza Mheshimiwa Said Mtanda amemshukuru Waziri wa Ulinzi pamoja na Naibu Waziri wa Michezo kwa kuitikia wito na kushiriki pamoja nao katika tamasha hili na kuahidi kwamba timu ya Pamba itaendelea kufanya vizuri zaidi.

Mkurugenzi Mkuu wa Hospitali ya Rufaa ya Kanda Bugando Dkt Fabian A. Massaga amepokea tuzo maalumu kutoka Wizara ya Afya na USAID kwa kutambua ufanisi wa Hospitali ya Bugando katika program ya usimamizi wa matumizi bora ya dawa (Antimicrobial Stewardship Program)  leo terehe 27 Agosti, 2024. 

Tuzo hiyo Dkt Massaga amekabidhiwa na Mwenyekiti wa Kamati ya usimamizi wa matumizi bora ya dawa wa Hospitali ya Bugando Prof. Jeremiah Seni na wajumbe wa kamati hiyo.

Hospitali ya Rufaa ya Kanda Bugando imepokea gari lililogharimu kiasi cha shillingi Milioni mia mbili na kumi (210,000,000) kutoka katika mradi wa pili wa shirika la CBM shirika linalojihusisha na kuboresha huduma za Afya ya macho lengo likiwa ni kuwezesha na kurahisisha shughuli za mradi kwa kufika maeneo mbalimbali na kusaidia shughuli za Hospitali kwa ujumla.

Aidha Mkurugenzi Mkuu wa Hospitali ya Rufaa ya Kanda Bugando Dkt. Fabian A. Massaga amempongeza Mkuu wa Idara ya Macho Dkt. Christopher Mwanansao na timu nzima inayofanya kazi moja kwa moja na mradi huo na kuwaomba kutunza gari hilo na kusisitiza gari hilo likafanye kazi iliyokusudiwa ili hata wafadhili waweze kuona matunda ya mradi huo.

Hospitali ya Rufaa ya Kanda Bugando imetembelewa na Washiriki wa shindano la Miss Lake Zone 2024 leo Agosti 23,2024 kwa lengo la kuwatembelea watoto wenye saratani na kupata nafasi ya kupima Afya na ushauri wa kitaalamu kutoka kwa Madaktari Bingwa na Bingwa Bobezi katika Kliniki ya Bugando Specialized Polyclinic ambayo inadhamini shindano hilo.

Mkurugenzi Mkuu wa Hospitali ya Rufaa ya Kanda Bugando Dkt. Fabian A. Massaga amewapongeza walimbwende hao kwa kuwa kioo cha jamii na kusema "Eneo hili la ulimbwende lina mchango na ushawishi mkubwa, hivyo mkawe mabalozi wazuri kwa kuelimisha wananchi juu ya ugonjwa wa saratani na umuhimu wa kufanya uchunguzi wa Afya mara kwa mara".

Pia Dr.Massaga amewaahidi walimbwende hao kuendelea kuwaunga mkono wakati wowote na kuahidi washindi watatu watakaoshinda katika shindano la Miss lake zone 2024 watapata matibabu ya kumuona Daktari bure kwa muda wa mwaka mzima katika kliniki ya kibingwa na Bingwa bobezi ya (Bugando Specialized polyclinic-Nera).

Aidha, Mwenyekiti na Mlezi wa
Walimbwende hao Bi. Rosemary Selemani ameushukuru Uongozi wa Hospitali ya Bugando kwa kuunga mkono shindano hilo la Kanda ya Ziwa 2024 na kusema Bugando ina mchango mkubwa katika shindano la urembo kwa kuweka vema afya zao.Pia ameushukuru uongozi kwa kupima Afya zao na kutoa ushauri wa kitaalamu kutoka kwa Madaktari Bingwa na Bingwa bobezi katika tawi la Bugando Specialized polyclinic-Nera.

SHIRIKA LA KIHARUSI DUNIANI LATEMBELEA HOSPITALI YA BUGANDO.

Prof. Sheila Martins, Rais wa Shirika la Kiharusi Duniani(WSO) na Pia Daktari Bingwa Bobezi wa mishipa ya Fahamu na Ubongo kutoka Brazil ametembelea hospitali ya Rufaa ya kanda Bugando leo Agosti 21,2024 kwa lengo la Kujadili kuhusu mikakati na juhudi za kudhibiti kiharusi.

Katika Ziara hiyo Prof. Sheila kupitia Shirika la kiharusi duniani,ameahidi kutoa msaada Mwingine wa vifaa Tiba kwaajili ya kuwasaidia wagonjwa Wenye kiharusi."Uangalizi mzuri wa wagonjwa wa kiharusi unaweza kuleta mabadiliko chanya katika kudhibiti kiharusi, alisema Prof. Sheila.

Sambamba na hayo Dkt. Fabian A. Massaga,Mkurugenzi wa hospitali ya Bugando, amewapongeza na kuwashukuru Shirika la kiharusi duniani,kupitia Wizara ya Afya, kwa mafunzo maalumu na ufadhili wa vifaa Tiba utakaopunguza Idadi ya vifo na kuleta Mabadiliko kwa wagonjwa wa kiharusi.

Dkt. Sarah Matuja, Daktari Bingwa wa Magonjwa ya mishipa ya Fahamu na mkufunzi katika Chuo Kikuu Cha Kikatoliki cha Sayansi za Afya Shirikishi ( CUHAS) akiwa ameongozana na Rais wa Shirika la kiharusi Duniani amesema,"Takwimu za kiharusi Duniani Kote zinachukua nafasi ya pili kwa magonjwa yanayosababisha vifo na ulemavu. Ambapo Afrika kiharusi kinachukua nafasi ya kumi. Nakwa Tanzania kiharusi kinawaathiri Vijana Wenye umri kuanzia miaka 18 - 45,na watu Wazima Wenye umri zaidi ya miaka sitini"
Akiongeza kuwa asilimia 50% ya wagonjwa wa kiharusi wanachelewa kufika hospitali kupata Matibabu na kupelekea asilimia 30% Hadi 60% ya vifo ndani ya siku 30 baada ya kupata kiharusi.

KAMBI YA MATIBABU YA MAGONJWA YA MIFUPA NA MAGONJWA YA MFUMO WA MKOJO YAANZA RASMI.

Hospitali ya Rufaa ya Kanda Bugando kwa kupitia kliniki yake ya madaktari bingwa na bingwa bobezi iliyopo mtaa nera jijini Mwanza imeanza rasmi kambi ya matibabu ya magonjwa ya mfumo wa mkojo na magonjwa ya mifupa, kwa kushirikiana na taasisi ya Tanlink Medical Tourism Agency na Hoospitali ya Medcover iliyopo nchini India.
Kambi hii imefunguliwa rasmi na Mkurugenzi Mkuu wa Hospitali ya Bugando Dkt. Fabian A Massaga kwa kuwaribisha wananchi walioweza kufika na kupata huduma hizi.
Akizungumza katika kambi hiyo Dkt. Massaga amesema " Bugando kama taasisi ya afya tunawajibu wa kuimarisha tiba utalii ( Medical tourism ) kama azma ya serikali, na kinachofanyika hapa ni kusimamia na kutekeleza azma hiyo, kama tunavyoona tumeshirikiana na madaktari kutoka nchini India ili kusogeza huduma hizi za kibingwa kwa wananchi wetu wa kanda ya ziwa, nipende kuwakaribisha na niwaombe kutumia fursa hii kupata matibabu ambayo mara nyingine ingewalazimu kusafiri kwa gharama kubwa kwenda India kupata matibabu, madaktari hawa watashirikiana na madaktari wetu wazawa hivyo niwahakikishe huduma mtakayopata ni bora na stahiki”.Amesema Dkt. Massaga

Kwa upande wake Dkt. Hassan Fyumagwa ambaye ni Mkurugenzi mtendaji wa taasisi ya Tanlink ameushukuru na kuupongeza uongozi kwa kwa kukubali kushirikiana katika kutoa huduma hizi za kibingwa baina ya Bugando na madaktari kutoka nchi mbali mbali, pia ameahidi kuendeleza mashirikiano haya kwa kuandaa kambi nyingine hapo badae.
Tunaendelea kuwakaribisha wananchi kupata huduma hizi za kibingwa na kibingwa bobezi kwa kufika Kliniki ya madaktari bingwa Bugando iliyopo nera ambapo kambi hii itafanyika kuanzia 15-18/8/2024.

Hospitali ya Rufaa ya Kanda Bugando inatarajia kuanzisha Mashirikiano ya Kimataifa na Chuo Kikuu Katoliki cha Villanova kilichopo Philadelphianchini Marekani.

Haya yamebainishwa wakati wa kikao kilichowakutanisha wageni watatu kutoka Chuo Kikuu cha Villanova wakiongozwa na Ndg. Daniel Graffin na Uongozi wa Hospitali ya Bugando ukiongozwa na Mkurugenzi Mkuu wa Hospitali Dkt. Fabian A. Massaga.

Lengo la kikao hicho ilikuwa ni kujadili maeneo ambayo yatakwenda kujumuishwa katika mashirikiano hayo ambayo ni pamoja na kubadilishana uzoefu na ujuzi katika maeneo mbalimbali ikiwemo uhandisi, Mfumo wa maji na mfumo wa taka ngumu na taka maji ambapo wataalamu hawa wametanabaisha kuwa wamevutiwa na Hospitali ya Bugando na kuona ni sehemu sahihi kuitumia kutekeleza miradi yao.

Mkurugenzi Mkuu Dkt. Massaga ameshukuru kwa nia hii ya dhati iliyooneshwa na Wajumbe kutoka Villanova na kuahidi kuwapa ushirikiano mkubwa.
" Hospitali ya Bugando ni Kongwe tangu kuanzishwa kwake takribani zaidi ya miaka 53 mifumo ya maji na taka haipo katika ubora wake wa awali hivyo  mashirikiano haya  yatakwenda kuisaidia Hospitali kuboresha miundo mbinu huku ikizingatiwa kuwa Bugando kama Taasisi inashughulikia afya za wananchi, suala la uwepo wa maji safi na mifumo imara na ya kisasa ya maji safi, taka ngumu na taka maji  ni kipaumbele kwa Taasisi yetu, tupo tayari  kuwapokea na kushirikiana nanyi" amesema hayo Dkt. Massaga

Ndg. Hillary Sued, Msimamizi wa mradi huu na mtaalamu  wa saratani Hospitali ya Bugando kwa upande wake ameelezea umuhimu wa mashirikiano haya kuwa mashirikiano haya yatakwenda kuinufaisha Hospitali ya Bugando kwani itatoa fursa kwa wataalamu wa Bugando kujifunza kwa vitendo Teknolojia mpya na za kisasa pamoja na kuboresha miundo mbinu na mifumo  ya Maji safi, taka ngumu na taka maji kwa ustawi wa afya ya jamii yetu.

Mwenyekiti wa Bodi ya Hospitali ya Rufaa ya Kanda Bugando Mhashamu Baba Askofu Renutus Nkwande amewapongeza Watumishi kwa kazi nzuri wanayoifanya kwa kuwahudumia wagonjwa,

 “Nachukua nafasi hii kuwapongeza kwa kazi nzuri mnazofanya hapa Bugando mara nyingi tunapata pongezi kutoka kwa watu mbalimbali na hii ni kutokana na kazi mnazofanya nami nawapongeza, kwa niaba ya Bodi na Baraza la Maaskofu Katoliki Tanzania ambao ndio wamiliki nawapongeza na nitambua kazi kubwa mnazozifanya “ amesema Askofu Renatus Nkwande. 

Pongezi hizi zimetolewa na Mhashamu Baba Askofu Nkwande wakati wa kikao kati ya Wajumbe wa Bodi ya Hospitali na Watumishi wa Bugando kilichofanyika katika ukumbi wa CUHAS Bugando lengo likiwa ni kukutana na kujadili mambo mbalimbali ya kuboresha huduma za Hospitali ya Bugando. 

Askofu Renatus Nkwande amepata fursa ya kusikiliza maoni na ushauri kutoka kwa Watumishi na kuweza kuyatolea ufafanuzi huku akitanabaisha kuwa baada yakukaa na Uongozi kabla ya kikao hicho Bodi imeweza kuona changamoto zinazoikabili hospitali na kusisitiza kuwa changamoto hizo zitafanyiwa kazi kwa kushirikiana na uongozi wa hospitali, pia amewakumbusha Watumishi kuhakikisha wanasimamia tunu za Hospitali ya Bugando kwa kujiepusha na vitendo ambavyo si vizuri ikiwemo rushwa na ubadhilifu. 

Aidha Makamu Mwenyekiti wa Bodi Mhashamu Baba Askofu Beatus Kinyaiya, ameitaka Jumuiya ya Bugando kufanya kazi kwa manufaa ya Hospitali ya Bugando na kuwa tayari kuitetea kwa nguvu zote.

 Kwa upande wake Mkurugenzi Mkuu wa Hospitali ya Bugando Dkt. Fabian A. Massaga amewashukuru Wajumbe wa Bodi kwa ujio wao sambamba na Watumishi kwa kushiriki kikao hicho chenye lengo la kuboresha huduma za afya na kuahidi kufanyia kazi changamoto mbalimbali za watumishi.

Mwenyekiti wa Bodi ya Hospitali ya Bugando Mhashamu Baba Askofu Mkuu Renatus Nkwande, Wajumbe wa Bodi na menejimenti ya Hospitali wamepewa semina ya uongozi na utendaji bora katika kikao cha kuwatambulisha na kuwakaribisha Wajumbe wapya wa Bodi leo terehe 30 Julai, 2024. 

Katika semina hiyo iliyoendeshwa na Mkurugenzi Mtendaji wa Inter Capital Limited Bw. Antony Chamungwami, Askofu Mkuu Renatus Nkwande amemshukuru na kumpongeza Bw.Antony kwa somo zuri aliloliwasilisha katika semina hiyo lililolenga kuboresha huduma za Afya na Ustawi wa Taasisi ya Bugando. 

Aidha Mkurugenzi Mkuu wa Hospitali ya Bugando Dkt. Fabian A. Massaga amesema semina hiyo italeta maendeleo makubwa katika utendaji na uendeshaji wa Taasisi kwani imegusa nyanja muhimu za uongozi na utendaji bora wa kazi.

 Uongozi wa Hospitali ya Rufaa ya Kanda Bugando umetoa hati ya viapo kwa wakurugenzi,wakuu wa idara na vitengo ikiwa ni  ahadi ya uadilifu na kusimamia miongozo ya Taasisi, wizara na Kanisa kiujumla leo tarehe 29 Julai, 2024.

Hata hivyo, kiapo hicho kimefuatiwa na semina kwa viongozi iliyoendeshwa na Mkurugenzi mtendaji wa Inter Capital Limited  Bw. Antony Chamungwami lengo likiwa ni kukumbushana kanuni za uongozi,uadilifu na utendaji bora wa kazi unaozingatia kanuni na taratibu za kiutumishi pamoja na kulinda mashirikiano kati ya Taasisi, Mashirika na wazabuni mbalimbali pamoja na mengine mengi yanayohusu Uongozi.

Bw.Antony amesema "Kiongozi ni mtu ambaye ana uwezo wa kutekeleza maono na malengo ya Taasisi na kusimamia utekelezaji wa  kauli mbiu ya Huruma na Upendo na pia viongozi wanatakiwa kuwa msaada mkubwa kwa Mkurugenzi mkuu kuhakikisha lengo kuu la Hospitali linafikiwa".

Kwa upande wake Mkurugenzi Mkuu wa Hospitali ya Bugando Dkt Fabian A. Massaga amemshukuru na kumpongeza mwezeshaji wa semina kwa somo zuri linaloenda kuleta mabadiliko chanya katika utendaji kazi wa viongozi na kusema,

"Nikushukuru sana Mwezeshaji wetu Bw. Antony kwa semina hii uliyotupatia, mimi na viongozi wenzangu  tumejifunza, na tupo tayari kufanyia kazi yale yote uliyotufundisha ndiyo maana tumeahidi kwamba katika nafasi zetu tutatenda haki, tutashirikiana vizuri katika kutoa huduma kwa wagonjwa na kutokiuka misingi ya utumishi"

Mwisho kabisa Dkt.Massaga amewasihi Viongozi kuendelea kutengeneza mazingira rafiki ya kazi kwa kila mmoja kwa nafasi yake kutimiza wajibu wake kikamilifu na kupata haki yake.

Leo Machi 08.2024 Kamati ya Kudumu ya Bunge ya Afya na masuala ya UKIMWI inayoongozwa na Mwenyekiti wa Kamati hiyo Mhe. Stanslau Nyongo (MB),  na Waziri wa Afya Mhe. Ummy Mwalimu (MB) wametembelea Hospitali ya Bugando lengo likiwa ni kutembelea miradi mbalimbali inayotekelezwa na Serikali.

Akimuwakilisha Mkuu wa Mkoa wa Mwanza Mhe. CPA Amos Makalla, Mkuu wa Wilaya ya Nyamagana Mhe. Amina Makilagi, ameishukuru Serikali ya awamu ya sita  kwa kuwekeza nguvu kubwa katika utoaji huduma za afya hususani matibabu ya magonjwa ya saratani kwa Hospitali ya Bugando ambayo ni mkombozi kwa wakazi wa Kanda ya Ziwa.

Aidha washiriki kutoka klabu mbalimbali walioshiriki hafla hiyo ikiwemo Wasafi Jogging, EFM, Geita jogging, RADA na Isamilo wameipongeza Bugando fitness kwa kutimiza mwaka mmoja na kuahidi kushiriki kikamilifu na kuwa mabalozi wa mbio za hisani za Bugando Health Marathon 2024.

Akizungumza katika hafla hiyo Mkurugenzi Mkuu wa Hospitali ya Bugando Dkt. Fabian A. Massaga amewapongeza washiriki wote pamoja na jogging klabu mbalimbali kwa kushiriki hafla hiyo na kuwashukuru kwa kuungana na Bugando katika mazoezi.

"Klabu ya Bugando Fitness ilianzishwa kwa lengo la kupamba na magonjwa yasioambukiza na sisi kama wataalamu tumeona changamoto ya magonjwa yasioambukiza ni kubwa hivyo tukaona tuwe mfano kwa kuanzisha mazoezi ambayo yamekuwa na muitikio mkubwa kwa jamii, Sisi kama Bugando na wataalamu wa Afya tunalo jukumu la kuelimisha jamii juu ya magonjwa yasiyoambukiza ambapo saratani ni kati ya magonjwa yasioambukiza na sisi kama uongozi wa Bugando tumekuja na wazo la Bugando Health Marathon lenye lengo la kuchangia watoto wanaoteseka na saratani.

Tunapotimiza mwaka mmoja tangu kuanzishwa kwa klabu ya Bugando Fitness nitumie nafasi hii kuhamasisha jamii na Watanzania wote kwa ujumla kuungana nasi katika mbio za Bugando health Marathon ambapo kwa kuchangia kiasi cha Tsh 35,000 utakuwa umesaidia Watoto wanaoteseka na janga hili" Amesema Dkt Massaga na kusema kuwa mgeni rasmi katika mbio hizi zinazotarajiwa kufanyika Agosti 31, 2024 atakuwa Naibu Waziri Mkuu na Waziri wa Nishati mheshimiwa Dkt. Dotto Biteko.

Hospitali ya Rufaa ya Kanda Bugando kupitia klabu ya mazoezi inayojumuisha wafanyakazi wa Bugando, CUHAS, MWACHAS pamoja na jamii inayoizunguka imetimiza mwaka mmoja tangu kuanzishwa kwake ambapo klabu hii ya Bugando Fitness ilianzishwa rasmi Julai 19, 2023 ikiwa na jumla ya watumishi 15 na leo Julai 27, 2024 imetimiza mwaka huku ikiwa na wanachama 107.

Mkurugenzi Mkuu wa Hospitali ya Rufaa ya Kanda Bugando Dkt. Fabian A. Massaga amefanya kikao na wazabuni wa Hospitali ya Rufaa ya Kanda Bugando lengo likiwa ni kujadili mikakati mbalimbali na kuimarisha mahusiano Mazuri baina ya wazabuni na Hospitali ya Bugando. 

Akizungumza katika kikao hicho Dkt.Massaga amewashukuru wazabuni hao kwa ushirikiano mkubwa wanaotoa kwa Hospitali na kuwaeleza wazabuni hao namna Hospitali inavyozidi kuboresha na kutoa huduma za kibingwa na Bingwa bobezi pamoja na mipango ya baadae ya Hospitali. Aidha, Mkurugenzi Mkuu ameomba wazabuni kuleta vifaa mbalimbali vinavyokuwa vimeombwa na Hospitali na kuwaomba kutojiingiza kwenye udanganyifu wa aina yoyote. 

Pamoja na hayo Mkurugenzi Mkuu amewaomba kuwa waangalifu hasa pale baadhi ya Watumishi wanapotumia jina lake kuomba au kujipatia pesa.Pia Mkurugenzi mkuu ameshughulikia changamoto zote ambazo wazabuni hao wamekuwa wakizipata. Dkt.Massaga amewaomba wazabuni kumuunga mkono katika suala zima la mbio za hisani za Bugando Health Marathon kwaajili ya kusaidia watoto wenye saratani ambapo mbio hizi kwa mara ya kwanza zitafanyika Tarehe 31/08/2024. 

Hata hivyo baadhi ya wazabuni wamepata wasaa wa kutoa hoja zao ikiwemo kupongeza huduma za uendeshaji wa Hospitali ya Bugando kuwaeleza changamoto ambazo Mkurugenzi Mkuu ameanza kuzitatua. Wazabuni wamemuunga mkono Mkurugenzi mkuu kwa kuchangia fedha kwaajili ya mbio za hisani za Bugando Health Marathon.

Hospitali ya Rufaa ya Kanda Bugando kuanza kutumia teknolojia mpya na ya kisasa katika matibabu na upasuaji wa mgongo na uti wa mgongo kwa kutumia sindano pamoja na upasuaji wa kisasa wa matundu madogo. 

Haya yamebainishwa na Daktari Bingwa bobezi wa Mifupa, Andrew Nkirijiwa wakati wa kambi maalum ya upasuaji wa mgongo na uti wa mgongo inayoendelea Bugando ikihusisha Wataalam wa Mifupa kutoka Bugando na Chuo cha Kikatoliki cha Valencia - Hispania. 

“Sasa Hospitali ya Bugando inatoa huduma ya uchomaji sindano maalumu na upasuaji wa kisasa wa matundu madogo kwa watu wenye matatizo na maumivu ya mgongo badala ya kufanya upasuaji wa kufungua mgongo. Huduma hii ni endelevu na hapa ni wasihi wenye changamoto za maumivu ya mgongo kujitokeza kupata huduma hii hapa Bugando” Dkt. Andrew. 

Aidha Dkt. Andrew Nkirijiwa ameshukuru wageni kutoka Valencia kwa ushirikiano, msaada na jitahada zao walizofanya kwani wamesaidia sana katika huduma hii hapa Hospitalini Bugando. Pia bila kusahau uongozi wa Hospitali ya Bugando pamoja na chuo kikuu cha CUHAS kuweza kushirikiana kufanikisha kambi hii.

Dkt. Wafaa El-Sadr (MD,MPH,MPA) ambaye ni Mkurugenzi na mwanzilishi wa Shirika la kimataifa la ICAP na mtaalam wa magonjwa ya kuambukiza na elimu ya Afya kwa jamii kutokea Nchini Marekani ametembelea Hospitali ya Rufaa ya Kanda Bugando lengo likiwa ni kuangalia mchango unaotolewa na shirika la kimataifa la ICAP katika utoaji huduma za tiba na matunzo, Maabara ya upimaji wa usugu wa vimelea dhidi ya dawa za Virusi vya UKIMWI pamoja na upimaji wa ueneaji wa Virusi vya UKIMWI na maambukuzi ya Virusi vya UKIMWI kwa watoto waliopo kwenye hatari ya kupata maambukizi ya Virusi vya UKIMWI.

Akizungumza katika ujio huo Mkurugenzi Mkuu wa Hospitali ya Rufaa ya Kanda Bugando Dkt. Fabian A. Massaga amewakaribisha na kuwashukuru viongozi wa shirika la ICAP kwa ushirikiano mkubwa wanaouonyesha katika utoaji wa huduma mbalimbali ikiwemo huduma za maabara na CTC katika Hospitali ya Bugando ambayo inahudumia takribani Mikoa nane ya Kanda ya Ziwa na hata nje ya Kanda ya ziwa.

"sisi kama shirika la ICAP tunayo furaha na shauku  kuendelea kufanya kazi na Hospitali ya Bugando kwa kuwa tunaona jinsi ambavyo Hospitali hii inatoa huduma bora na nzuri kwa wagonjwa jambo ambalo linatuonyesha kuwa tunafikia malengo yetu" amesema Dkt. Wafaa El-Sadr.

Naye Dkt. Linda P. Fried ambae ni Makamu Mkuu wa Chuo Kikuu cha Columbia lrying Medical Center amempongeza Dkt. Massaga kwa utendaji wake wa kazi pamoja na wafanyakazi  kwa kutoa huduma nzuri  kwa wagonjwa.

Mkurugenzi Mkuu wa Tume  ya Nguvu za Kiatomu Tanzania  (TAEC) Prof. Najat Kassim Mohammed mapema leo Julai 5, 2024 amefanya ziara ya kikazi katika Hospitali ya Rufaa ya Kanda Bugando kwa lengo la kujitambulisha na kufahamu maeneo ya mashirikiano na miradi ambayo  TAEC inashirikiana na Hospitali ya Rufaa ya Kanda Bugando. 

Prof. Najma amebainisha kuwa, anafanya ziara katika Taasisi zenye mashirikiano na TAEC kujua maeneo  ambayo TAEC inahusika 

" Nina wiki moja tangu nimeteuliwa, nikaona nipitie maeneo ambayo TAEC ina mashirikiano na kupitia wasilisho la Bugando kuna mambo TAEC inaweza kusaidia ikiwemo upungufu wa wafanyakazi na mafunzo, tuna mfuko wa Mama Samia Scholarship tunaomba muwasisitize watumishi waombe" Prof. Najat. 

Kwa upande wake Mkurugenzi Mkuu wa Hospitali ya Bugando Dkt. Fabian A. Massaga amempongeza Mkurugenzi mpya wa TAEC kwa kuteuliwa na Mhe. Rais na kuishukuru TAEC kwa kuendelea kuwezesha Hospitali ya Bugando kwa Vifaa na mafunzo katika eneo hilo na msaada wa kiufundi   katika eneo hilo la matibabu kwa kutumia mionzi na kueleza kuwa uhitaji bado ni mkubwa kutokana na idadi kubwa ya wagonjwa wa saratani wanaohudumiwa na Hospitali ya Bugando 

" Hospitali ya Bugando ni ya pili kwa ukubwa na kwa huduma ya saratani inafuatia baada ya Ocean Road, tunahudumia wagonjwa wa saratani 120 kwa siku na tuna uhaba wa mashine za matibabu ya mionzi ya nje na ndani hali inayopelekea kubebesha mzigo mkubwa mashine zilizopo badala ya kuhudumia wagonjwa 80 kwa siku na inapotokea changamoto kwa mashine hizi wagonjwa wanapata shida kubwa na kama tunavojua unapochelewa matibabu ndivyo na tatizo linazidi" amesisitiza Dkt. Massaga. 

Dkt. Massaga pia ameendelea kwa kuipongeza Serikali ya awamu ya sita kwa kuendelea kuboresha huduma ya saratani Bugando kwa kuwekeza katika vifaa na wataalamu wa tiba mionzi. 

Mhashamu Baba Askofu

Severine Niwemugizi Askofu wa Jimbo kuu Katoliki Rulenge Ngara ambaye pia ni mwenyekiti wa Baraza la Chuo Kikuu Cha Kikatoliki Cha Afya ya Sayansi Shirikishi (CUHAS) amewakilisha Baraza la Maaskofu Tanzania(TEC)  kuadhimisha ibada ya misa takatifu ameungana na Waumini wa Jumuiya ya Hospitali ya Rufaa ya Kanda Bugando, Chuo Kikuu cha CUHAS na MWACHAS kumuaga Makamu Mkuu wa Chuo cha CUHAS Prof. Paschalis Rugarabamu aliyemaliza muda wake na kumkaribisha Makamu Mkuu mpya wa chuo cha CUHAS Prof. Erasmus Kamugisha hii leo tarehe 28 June 2024. 

Akizungumza kwa niaba ya Rais wa Baraza la Maaskofu Katoliki Tanzania Mhashamu Wolfgang Pisa, Askofu. Severine Niwemugizi amempongeza Prof. Rugarabamu kwa utendaji bora na wa mfano kwa muda wote wa miaka 10. 

"Kwa niaba ya Baraza la Maaskofu Katoliki Tanzania, tunamshukuru Profesa Rugarabamu kwa kazi kubwa sana ambayo amefanya kwa Chuo chetu, tunamshukuru sana. Ulikuwa na Taasisi hii moyoni mwako ukitaka ikue na itoe matunda mazuri na kwa kweli jamii imekwishapokea hayo matunda kutoka hapa CUHAS wako huko wanahudumia jamii, ni lazima tukushukuru kabisa na Baraza linatambua, linathamini kazi nzuri uliyoifanya hapa, haswa ukiwa mnyenyekevu, mwadilifu, unayejituma bila kujihurumia, hilo tunajifunza kwako" 

"Prof Kamugisha Asante kwa kukubali kubeba jukumu hili zito na karibu sana, naamini jamii ya CUHAS inakupokea Kwa moyo wa dhati kabisa na itakupa ushirikiano, Mungu akubariki uweze kutenda kazi yako kwa uadilifu na wengine wote Mungu awabariki" Amesema Askofu Severine Niwemugizi.

Jamii yatakiwa kujenga utamaduni wa kupima na kuchunguza afya ili kutambua mapema hali ya  maambukizi ya Siko Seli na kuchukua hatua za haraka za kuhudhuria Kliniki na kupata huduma stahiki. 

Rai hii imetolewa mapema leo Juni 19, 2024 na Mkurugenzi wa Huduma za Tiba Hospitali ya Bugando Dkt. Bahati Wajanga ambaye amemwakilisha Mkurugenzi Mkuu wa Hospitali ya Rufaa ya Kanda Bugando, Dkt. Fabian A. Massaga katika hafla ya maadhimisho ya Siku ya Siko Seli akiwa mgeni rasmi wa hafla hii iliyoadhimishwa Hospitali ya Bugando. 

Dkt. Bahati wajanga amefafanua

"Ugonjwa huu wa Siko Seli umeathiri zaidi Tanzania huku idadi kubwa ya wagonjwa ikitokea Kanda ya Ziwa karibu robo tatu ambapo kila mwaka wagonjwa 14,000 wanagundulika na miongoni mwao 10,000 wanatokea Kanda ya ziwa na kati ya watu wanne mmoja wao ana vinasaba vya Siko Seli.

Dkt. Wajanga ameendelea kwa kuipongeza Serikali ya Jamhuri ya Muungano wa Tanzania kupitia Wizara ya Afya kwa kuboresha huduma za afya na kununua dawa na vifaa tiba stahiki kwa jamii ya wagonjwa wa Siko Seli. 

Kwa upande wake mwakilishi wa Jamii ya watu wenye Siko Seli Bi. Vivian Kazembe ameiomba Serikali kuimarisha matibabu ya Siko Seli kwa watu wazima kama ilivyo kwa watoto na kuitaka jamii kujitokeza kupima na kutambua hali zao.

Hospitali ya Rufaa  ya Kanda Bugando yapongezwa kwa kuwajengea uwezo Wataalamu wa mashine za uchunguzi wa magonjwa kwa njia ya Mionzi(CT scan) kutoka Hospitali za Rufaa za Kanda na Mikoa nchini Tanzania.

Pongezi hizi zimetolewa na Muuguzi Mkuu wa Mkoa wa Mwanza (RNO) Bi. Claudia  ambaye amemwakilisha Mganga Mkuu wa Mkoa wa Mwanza Dkt. Thomas Rutachunzibwa  mapema leo Juni 18, 2024.

Bi. Claudia amesema "Tunajivunia Hospitali ya Bugando Juhudi zenu za kusaidia Hospitali za Rufaa za Mikoa kuboresha huduma hii ya Vipimo vya Tiba Mionzi" na kuwataka washiriki kuwa wasikivu wakati wote wa mafunzo kwa manufaa yao na Taasisi wanazofanyia kazi.

Kwa upande wake Mkurugenzi Mkuu wa Hospitali ya Bugando Dkt. Fabian A. Massaga amepongeza waandaji na wafadhili wa mafunzo haya huku akitanabaisha kuwa mafunzo haya ni muhimu si tu kusaidia huduma bora kwa wagonjwa lakini pia inakwenda kusaidia utunzaji wa vifaa kutokana na ujuzi watakaoupata na hii ni kuunga mkono juhudi za serikali ya awamu ya sita ambayo imewekeza katika ununuzi wa vifaa vya tiba Mionzi katika hospitali za Rufaa za Mikoa nchini.

Ndugu Baraka Kajubu ambaye ni Kaimu Meneja wa Kanda TAEC amesisitiza kuwa mafunzo haya yanakwenda kuongeza ujuzi  katika utendaji kazi wa siku kwa siku.

Mafunzo haya ya siku tano yanafanywa na Hospitali ya Bugando kwa kushirikiana na Shirika la Kimataifa la Nguvu za Kiatomu (International Atomic Energy Agency) na yametolewa na Wataalamu wafizikia tiba kutoka Bugando Dkt. Benard Gombanila na Ndg. Bronwin Van Wyk akiambatana na Ndg. Hendrik de Vos kutoka nchini Afrika Kusini.

Mwenyekiti wa Bodi ya Hospitali ya Rufaa ya Kanda Bugando na Askofu Mkuu Jimbo Katoliki Mkoa wa Mwanza, Mhashamu Baba Askofu Renatus Nkwande, leo June 8, 2024 ametembelea Hospitali ya Bugando na kuongoza Misa Takatifu ya Kipaimara katika kanisa la Mt. Martin De Porres lililopo katika Hospitali hiyo  na baadaye kuongea na Watumishi wa Jumuiya Hospitali ya Bugando, CUHAS na MWACHAS ikiwa ni utaratibu wake wa kila mwaka kufanya ziara ya kukutana na Jumuiya hizo kukumbukumbushana machache kuhusu majukumu katika utendaji kazi .

Akizungumza mara baada ya Misa Takatifu, Baba Askofu Renatus Nkwande amewasisitizia wanajumuia  nzima ya Bugando kufanya kazi kwa kufuata maadili ya kazi, kujitoa kwa upendo na huruma  wakati wa kuwahudumia wagonjwa huku tukijali miongozo na thamani zetu hasa maeneo yetu ya kazi. Pia, Baba Askofu Renatus Nkwande amewasihi Wafanyakazi kuwa na moyo wa uvumilivu hasa wanapokumbana na changamoto mbalimbali.

Sambamba na ziara hiyo Mhashamu Baba Askofu, amezindua rasmi Jumuiya ya Wafanyakazi Wakatoliki  ya Bugando, CUHAS na MWACHA na kupongeza muungano huo, nakuomba umoja huo ukalete tija na manufaa kwa watu tunaowahudumia katika jamii yetu. Pamoja na hayo zawadi mbalimbali zimetolewa kwa Baba Askofu na wanajumuiya ikiwa ni shukrani na majitoleo yao.

Mwisho ameshukuru Uongozi wa Hospitali ya Bugando, CUHAS, na MWACHAS pamoja Wafanyakazi wote kwa majitoleo yao, kujitoa na kufika kwa kuacha shughuli zao.

Hospitali ya Rufaa ya Kanda Bugando yakabidhiwa maabara ya kupima usugu wa dawa za maambukizi ya virusi vya ukimwi yenye ubora na itakayohudumia zaidi ya Mikoa nane ya Kanda ya Ziwa na kuhakikisha upatikanaji wa haraka wa huduma za vipimo.

 Maabara hii imekarabatiwa kwa msaada wa watu wa Marekani kupitia mfuko wa dharura wa kupambana na Ukimwi (PEPFAR), Center of for Diseases Control and Prevention (CDC ) ikishirikiana na ICAP. 

Akizungumza katika makabidhiano hayo Mkuu wa Mkoa wa Mwanza Mhe. Said Mohammed Mtanda ambaye ni mgeni rasmi ameipongeza Hospitali ya Bugando kwa kuwa kituo bora kinachohudumia Mikoa nane Kanda ya Ziwa na kupongeza jitihada za PEPFAR, CDC na ICAP kwa ushirikiano endelevu na kusema " tunashukuru kwa ushirikiano tunaoupokea kutoka katika Bunge na serikali ya Marekani kupitia CDC tumeweza kuweka mikakati mbalimbali katika tiba na mafunzo ya Ukimwi katika vituo vya Afya ambayo imesaidia kupunguza maambukizi kutoka asilimia 7.2 kwa mwaka 2016-2017 mpaka 4.7 kwa mwaka 2022- 2023" .

Sambamba na hayo Mkurugenzi wa Hospitali ya Kanda Bugando Dkt. Fabian A. Massaga amesema uwepo wa maabara hii utaleta mazingira rafiki kwa wanafunzi wa vyuo vikuu na wanasayansi mbalimbali nchini katika kufanya mafunzo na tafiti zitakazoleta mapinduzi chanya katika huduma za Afya.

Dkt Massaga amewapongeza wadau hao kwa kuomba mashirikiano haya yawe endelevu.

Hospitali ya Rufaa ya kanda Bugando kupitia Kitengo cha mionzi ya nyuklia na idara ya Saratani imetembelewa na mtaalamu kutoka shirika la Kimataifa la Nguvu za Atomu (International Atomic Energy Agency)

kutoka  Viena Austria Ndugu Mauro Carrara ambaye ni mshauri wa kitaalamu wa mradi unaotekelezwa kati ya Tanzania na Shirika la *IAEA* ambapo Bugando ni mdau mmojawapo.

Lengo ni kufatilia maendeleo ya utekelezaji wa mradi huo na kuandaa mipango ya utekelezaji kwa Mwaka 2025. 

Bugando imefaidika na mradi huo kwa kupata nafasi za masomo pamoja na vifaa kwa ajili ya uchunguzi na matibabu ya Saratani kwa njia ya mionzi.

Akizungumza wakati wa kikao kilichofanyika kati ya mtaalamu huyo na Uongozi wa Hospitali ya Bugando, Mkurugenzi Mkuu wa Hospitali ya Bugando, Dkt. Fabian A. Massaga amemshukuru na kumkaribisha mtaalamu huyo huku akibainisha kuwa Mradi huu umeinufaisha na unaendelea kuinufaisha Hospitali ya Bugando kwa kuwezesha mafunzo kwa wataalamu wa Bugando na ununuzi wa vifaa tiba jambo ambalo linasaidia kuongeza na kuboresha huduma za matibabu kwa wagonjwa wa saratani na kutimiza adhma ya serikali ya kuhakikisha kila mwananchi anapata huduma bora ya afya. Kwa Kanda ya Ziwa ni Hospitali ya Bugando ndio  imechaguliwa na Serikali kusimamia matibabu ya saratani na inahudumia takribani wananchi Millioni 22 kutoka mikoa ya kanda ya ziwa na Magharibi ambao ni theruthi ya wananchi wote wa Tanzania.

Kwa upande wake Mtaalamu kutoka IAEA Ndugu Mauro mbali na kuipongeza hospitali ya Bugando kwa huduma wanayoitoa amesisitiza kupanga bajeti ya matengenezo kinga ya mashine za mionzi ili kuondoa adha ya mashine kuharibika na kusitishwa kwa huduma mara kwa mara.

Aidha ameahidi kuwa shirika la IAEA litaendelea kushirikiana kwa ukaribu na Bugando ili kuhakikisha huduma za tiba ya Saratani kwa njia ya mionzi zinaboreka na kuwafikia wananchi wengi zaidi.

Hospitali ya Rufaa ya Kanda Bugando imewaaga madaktari watatu kutoka nchini Cuba waliofanya kazi na Hospitali ya Bugando kwa takribani miaka sita, hii leo terehe 15 Julai 2024.

Mkurugenzi Mkuu wa Hospitali ya Bugando Dkt. Fabian A.Massaga amewashukuru Madaktari hao kwa utumishi na utendaji mzuri wa kazi na kusema kuwa anatamani waendelee kuwepo katika Hospitali  hii lakini kutokana na utaratibu wa nchi yao hana budi kuwaaga na pia anawakaribisha sana wakati mwingine.

Hata hivyo madaktari kutoka Cuba wamesema kuwa wamefurahishwa sana na ukarimu wa Tanzania hasa Hospitali ya Bugando na kusema kuwa Bugando ni nyumbani hivyo wataikumbuka na kuwa mabalozi wazuri huko waendako.

Zoezi hili la kuwaaga madaktari limeambatana na ugawaji wa vyeti vya shukrani kwa Madaktari hao wageni.

Kikundi cha Divine women (DW) kinachoundwa na wanachama kutoka mashirika mbalimbali wametembelea Hospitali ya Bugando katika Idara ya Saratani pamoja na kituo cha watoto wenye saratani katika Hospitali ya Rufaa Ya Kanda Bugando lengo likiwa ni kusaidia wagonjwa mbalimbali wenye uhitaji hasa wagonjwa wenye saratani ambapo imekua desturi ya chama hicho kwa kila mwaka kusaidia watu wenye uhitaji.

Mkurugenzi Mkuu wa Hospitali ya Bugando Dkt.Fabian A. Massaga amewapongeza na kuwashukuru wanachama wa Divine Women kwa majitoleo yao na kuwaeleza kuwa Hospitali inahudumia wagonjwa wengi ikiwemo wagonjwa wa saratani ambao wengi wao wanakumbana na changamoto za gharama za matibabu ya Saratani pamoja na gharama za kijamii wanapokuwa Hospitalini, jambo ambalo linasababisha asilimia 80% ya wagonjwa kufika Hospitalini wakiwa wamechelewa kuanza kupatiwa matibabu.Dkt Massaga ametoa wito kwa wanachama hao kuwa mabalozi kwa jamii inayowazunguka katika masuala ya Saratani.

Naye Pendo Shindo ambae ni Mwenyekiti msaidizi wa kikundi ameushukuru uongozi wa Hospitali kwa kuwapatia nafasi ya kuweza kuwaona wagonjwa wa saratani na kuahidi kuwa wataendelea kutoa majitoleo mara kwa mara kwa wagonjwa hao.

KIKUNDI CHA FAITH GROUP CHATOA MISAADA KWA WAGONJWA WA SARATANI BUGANDO

Hospitali ya Rufaa ya Kanda Bugando imepokea ugeni kutoka kikundi cha Wanawake cha FAITH GROUP cha Jijini Mwanza kwa lengo la kuwatembelea, kuwapa moyo na kutoa misaada mbalimbali kwa Wagonjwa wa Saratani hii leo tarehe 29 June 2024.

Akizungumza wakati wa makabidhiano ya vitu mbalimbali ikiwemo taulo za kike, pampasi, dawa za meno, miswaki, mafuta, vitambaa na sabuni, Mwenyekiti wa FAITH GROUP Kudra Nyahonge amesema kuwa ujio wao umesukumwa na uhitaji mkubwa wa Wagonjwa wa Saratani na hivyo kutoa kile walichobarikiwa katika kusaidia na kuwatia moyo wahitaji.

"Tumelenga Wanawake na Watoto kwa sababu kwa kipindi cha hivi karibuni tumepata taarifa saratani imekuwa kubwa kwa Wanawake na sisi tunatamani kuwa mabalozi wa kusaidia wengine kuamka kwenye hilo, tunaamini kuna watu wapo hapa hawana uwezo, hatutaweza kumaliza mahitaji yao yote lakini tutapunguza kwa namna Moja ama nyingine, hii ni sadaka kwa Mwenyezi Mungu kwa kuwajali wengine na kuonyesha huruma na upendo miongoni mwetu" Kudra Nyahonge.

Kwa upande wa Muuguzi Mussa Peter akiwamuwakilisha Mkuu wa Idara ya Saratani, amewapongeza FAITH GROUP kwa majitoleo hayo kwenda kugusa wahitaji wa Saratani kwani ni kweli uhitaji ni mkubwa na msaada huo utaenda kusaidia kuwapunguzia Wagonjwa na Ndugu ugumu wa kuuguza.

Hospitali ya Rufaa ya Kanda Bugando leo Juni 22,2024 imefaya kikao cha baraza la wafanyakazi na wajumbe wa baraza hilo wamepata nafasi ya kusomewa taarifa ya Hospitali na kujadili changamoto na dondoo mbalimbali za watumishi. Hata hivyo, Dkt Massaga amejibu hoja zote na dondoo za watumishi wa Bugando kwa kushirikiana na wakurugenzi wengine wa Hospitali hiyo.

Dkt.Fabian A Massaga ambaye ni Mkurugenzi Mkuu wa Hospitali ya Rufaa ya Kanda Bugando amewashukuru wajumbe kwa kuwa huru na kutoa mawazo ya kujenga.Amewaomba watumishi na wakuu wa idara kufanya kazi kwa weledi na kujikita katika utoaji wa huduma bora na zenye ubingwa bobezi
Naye makamu wa chuo cha CUHAS Prof.Paschalis Rugarabamu amepongeza uongozi wa Hospitali kwa maandalizi ya kikao na wajumbe kwa kutoa hoja zenye muelekeo mzuri ma kusema kuwa amepokea hoja zote zilizotolewa kwa upande wa Chuo cha CUHAS na kusema kuwa zipo katika utekelezaji.

Naye Prof. Hyasinta Jaka ambae ni Mkuu wa Chuo cha MWACHAS ameshukuru
Uongozi wa Hospitali kwa kuendelea kusaidia chuo cha MWACHAS na kuomba
Kuwe na kikao cha pamoja cha Idara za kudhibiti ubora (Quality Assurance) za BMC, CUHAS na MWACHAS.

Katibu wa Tughe Mkoa wa Mwanza Bw. Cleophace Butahe amepongeza uongozi wa Bugando na baraza la wafanyakazi kwa kusema kuwa baraza hili limekuwa zuri kwasababu wajumbe wamekuwa huru kwa kutoa hoja na si malalamiko na hii ni katika kuendeleza huduma bora.

Pia Bw. Cleophace amewataka wajumbe wa baraza la wafanyakazi kuwa mfano katika kuendesha taasisi kwa kujiepusha na tabia zisizo faa na kuwa waadilifu mahala pa kazi na kuwahudumia wateja kwa bidii ili kuongeza mapato katika Hospitali, hivyo amewaomba watumishi kufanya kazi kwa bidii.

WAUGUZI WA HOSPITALI YA RUFAA YA KANDA BUGANDO WAPONGEZWA.

Mkurugenzi wa Huduma za Tiba Dkt Bahati Wajanga akimuwakilisha Mkurugenzi Mkuu wa Hospitali ya Rufaa ya Kanda Bugando Dkt Fabian A. Massaga ameungana na Chama cha Wauguzi tawi la Bugando (TANNA) kuadhimisha siku ya Wauguzi Duniani leo terehe 14 Juni 2024.

Katika hafla hiyo Dkt Bahati Wajanga amekipongeza Chama cha TANNA kwa kuwa na ushawishi mkubwa kwa kuwa na Wanachama zaidi ya 440 sambamba na kuwa kiungo muhimu kwenye maendeleo ya Hospitali ya Bugando;

"Kwanza nianze kuwapongenza sana kwa tendo hili la sherehe hongereni sana, Kuna mengi ambayo mmeyafanya, niwapongeze kwa mafanikio mengi mliyoyaeleza, mmekuwa mstari wa mbele hata kuwalipia Wanachama wenu ada ya leseni, nyie ni watumishi wa kuigwa,

"Niendelee kuwasisitiza, kuishi katika kiapo ambacho leo hii tumekirejea, mambo yaliyo kwenye kiapo yanaakisi maendeleo makubwa ya Hospitali yetu na mmekuwa sehemu kubwa ya maendeleo hayo na muendelee kuonesha upendo kwa Wagonjwa wetu kama ilivyo desturi yetu na niwatakie maadhimisho mema" amesema Dkt Bahati Wajanga.

Kwa upande wa Mkurugenzi wa Huduma za Uuguzi Sr Salome Marando amepongeza Wauguzi wa Bugando kwa kazi kubwa wanayofanya usiku na mchana katika kuhudumia Wagonjwa na kuwakumbusha kuendelea kusimamia misingi ya taaluma zao katika utekelezaji wa majukumu yao ya kila siku.

Aidha, Mwenyekiti wa TANNA tawi la Bugando James Bhilananiye ameushukuru Uongozi wa Hospitali ya Bugando kwa kuwa pamoja nao na kuwatimizia mahitaji mbalimbali kama Wauguzi na kuwaridhia kuungana na Dunia kuadhimisha siku yao kwa kutoa misaada kwa wahitaji na kuandaa tafrija kubwa jijini Mwanza

Mkurugenzi wa Huduma za Tiba Dkt Bahati Wajanga akimuwakilisha Mkurugenzi Mkuu wa Hospitali ya Rufaa ya Kanda Bugando Dkt Fabian A Massaga amepokea majitoleo mbalimbali kutoka kwa Wanachama wa Chama Cha Wauguzi tawi la Bugando(TANNA) katika kuadhimisha siku ya Wauguzi duniani kwa leo terehe 14, Juni 2024.

Akizungumza katika makabidhiano hayo Dkt Bahati amesema;
"Kwanza niwapongeze sana TANNA wakati mnaadhimisha siku yenu mnafanya na matendo mema kwa kuwagusa wahitaji, tunawashukuru sana kwa haya majitoleo ambayo ni muhimu kwa kuwasaidia Wagonjwa na kuwapunguzia makali wanaowauguza, niwaombe tu muendelee na moyo huu kwani mahitaji haya ni endelevu na niwatakie kila la kheri kwenye sherehe yenu"

Kwa upande wa Mwenyekiti TANNA tawi la Bugando James Bhilananiye ameushukuru Uongozi wa Bugando kwa kuwapa fursa ya kutoa walichobarikiwa kwa kuwashika mkono wahitaji kwa kuwapatia sabuni, mafuta, pampas, dawa za meno na miswaki wakati wanadhimisha siku yao muhimu ya Wauguzi Duniani.

Chama cha Wauguzi tawi la Bugando kimeungana na Dunia kuadhimisha siku yao kwa kutoa majitoleo mbalimbali kwa Wagonjwa wa Saratani, watoto na watu wenye changamoto ya Magonjwa ya Afya ya akili na kuhitimishwa kwa tafrija kubwa jijini Mwanza.

MKURUGENZI MKUU WA HOSPITALI YA BUGANDO AWAPONGEZA WAUGUZI NA WAHUDUMU WA AFYA.

Mkurugenzi Mkuu wa Hospitali ya Rufaa ya Kanda Bugando Dkt Fabian A. Massaga na Viongozi wengine wa Hospitali wamefanya kikao cha Wauguzi na Wahudumu wa Afya lengo likiwa ni kuwakumbusha juu ya utendaji kazi, kusikiliza hoja zao ili kuzidi kuboresha huduma za Afya na Mazingira ya Kazi kwa Watumishi hao.

Akizungumza katika Kikao hicho Dkt. Massaga amewapongeza Wauguzi na Wahudumu wa Afya kwa kazi nzuri wanayofanya na kusema,
"Niwapongeze kwa kazi nzuri mnayofanya, sisi kama menejimenti tunafahamu mchango wenu,
katika Hospitali Wauguzi ndiyo shina la Hospitali, kazi yenu ni ngumu na ni kazi ya wito wengi wenu mnatimiza majukumu yenu ipasavyo hongereni sana.
Dkt.Massaga amewaomba wauguzi na wahudumu wa Afya kuendelea kuzingatia kauli nzuri na kutoa huduma bora kwa wagonjwa na kuongeza kwa kusema,

"wateja wetu hawajui mgawanyo wa idara na vitengo, hivyo ukimpokea mgonjwa msikilize na kumsaidia kufika sehemu anayoenda kupata huduma"

Aidha, Wauguzi na Wahudumu wa Afya wamepata fursa na kutoa maoni, ushauri na kuuliza maswali yaliyojibiwa na kutatuliwa huku wakiushukuru Uongozi kwa kutenga muda kuwasikiliza ikiwa katika kuboresha mazingira ya kazi na huduma za Afya kiujumla.

Wataalamu wa famasi na Radiolojia wa Hospitali ya Bugando wamekumbushwa kufanya kazi kwa kufuata miongozo ya kazi,weledi wa hali ya juu,uaminifu na uadilifu na kutatua changamoto mara tu zinapotokea pindi wanapokuwa katika utoaji huduma.

Mkurugenzi Mkuu wa Hospitali ya Rufaa ya Kanda Bugando Dkt.Fabian Massaga ameyasema hayo katika kikao kazi na wataalamu hao akiwa ameambatana na wakurugenzi na viongozi wengine wa hospitali ya Bugando lengo likiwa ni kujadili na kusikiliza hoja mbalimbali za wafanyakazi ili kuboresha huduma zitolewazo hospitalini hapa.

Akizungumza katika kikao hicho Dkt. Massaga amewapongeza wataalamu hao kwa ushirikiano na bidii wanayoionyesha kazini katika kuhakikisha matibabu ya mgonjwa yanakamilika na kusema " hospitali inatambua mchango, jitihada na bidii mnazozionesha katika utendaji kazi wenu, niahidi kuendelea kuboresha mazingira ya kazi kwa kuzitatua changamoto mlizoziwakilisha hapa”. Amesema Dkt. Massaga

Pia watumishi wameushukuru uongozi wa Bugando kwa kutoa nafasi ya kikao hiki na kusikiliza hoja na changamoto zao na kusema kikao hiki kitaongeza ufanisi na ushirikiano katika kazi

Wanawake wa kikundi cha SWIYAAM wametembelea Wagonjwa wa Saratani katika Hospitali ya Rufaa ya Kanda Bugando kwa lengo la kutoa msaada, kuwafariji wagonjwa na kupata elimu juu ya ugonjwa wa Saratani Mei 26, 2024.

Akizungumza wakati wa kupokea msaada huo Muuguzi wa Wagonjwa wa Saratani Dativa Zelamla akimuwakilisha Mkuu wa Idara ya Saratani amesema;

"Mgonjwa wa Saratani anatumia muda mwingi kwenye matibabu hivyo hata familia inapoteza rasilimali fedha na wanakuwa na uhitaji mkubwa, mmefanya jambo jema kwani msaada huu utasaidia kupunguza gharama kwa wagonjwa, tunawakaribisha muendelee na moyo huo huo wa kuwapa faraja watu wenye uhitaji"

Kwa upande wa Mwenyekiti wa kikundi hicho cha Wanawake Swaumu Yusuph ameushukuru Uongozi wa Bugando kwa kuwapokea kwani wamepata funzo kubwa kiimani kutembelea Wagonjwa wa Saratani ambapo itawakumbusha kuendelea kutenda matendo mema na kuacha alama nzuri kwenye jamii na wataenda kuwa mabalozi wazuri kupitia elimu ya Saratani waliyoipata.

Kikundi cha SWIYAAM chenye Wanachama 270 kimetoa pampasi, taulo za Kike, mafuta, sabuni na soksi kwa Wagonjwa wa Saratani huku wakipewa elimu juu ya ugonjwa wa huo.

Hospitali ya Rufaa ya Kanda Bugando kupitia Idara ya Magonjwa ya Dharura imemaliza kambi ya siku mbili ya utoaji wa huduma za Afya kwa upimaji wa Magonjwa mbalimbali kwa Wananchi bure ikiwa ni katika kuadhimisha siku ya huduma za Dharura duniani ambapo kilele chake ni Juni 3, 2024.

Kambi hiyo ya siku mbili iliyoendeshwa na Madaktari Bingwa na Bingwa Bobezi wa Idara ya Magonjwa ya Dharura kwenye eneo la Bugando Specialized Polyclinic (NERA) imefanya upimaji wa Sukari, upimaji wa Shinikizo la damu, upimaji wa uwiano wa uzito na urefu, ushauri wa lishe, upimaji na Virusi vya Ukimwi(VVU) na ushauri nasaha bure.

Akizungumza wakati wa kuhitimisha utoaji huo wa huduma za Afya, Muuguzi Erick Mosses kwa niaba ya Mkuu wa Idara ya Magonjwa ya Dharura amesema

"Kwa ujumla muitikio umekuwa mzuri kama tulivyotarajia na hii imetufurahisha kama Idara na Hospitali kuweza kufikia jamii, hivyo tunaamini kwa muitikio huu mkubwa tutakuwa tumetoa mwanga kwa Wananchi kutambua viashiria vya awali vya Magonjwa mbalimbali kwani wananchi wengi hawapati fursa hiyo na wataenda kuwa Mabalozi wazuri kupitia ushauri walioupata"

Kwa upande wa Wananchi waliohudhuria kupata huduma hizo wameishukuru Hospitali ya Bugando kwa kuwasogezea huduma hizo za Afya karibu yao na kuzitoa bure, jambo ambalo limewasadia kujua Afya zao ambayo ni nguzo katika shughuli zao za kila siku na ujenzi wa Taifa.

Hospitali ya Rufaa ya Kanda Bugando itaadhimisha siku ya Magonjwa ya Dharura Duniani siku ya jumatatu ya 03 June 2024, maadhimisho yanayokwenda kwa kaulimbiu ya "Mabadiliko ya Tabia Nchi ni Dharura ya Kiafya pia"

Hospitali ya Rufaa ya Kanda Bugando kupitia Idara ya Dharura imeungana na Dunia nzima katika kuadhimisha wiki ya huduma za dharura duniani leo Juni 03,2024 iliyoambatana na kampeni ya kupambana na mabadiliko ya Tabia ya Nchi yenye kauli mbiu isemayo "Mabadiliko ya Tabia ya Nchi ni Dharura ya Kiafya pia".

Mkurugenzi Mkuu wa Hospitali ya Bugando na Mgeni Rasmi wa maadhimisho hayo Dkt. Fabian A. Massaga amepongeza Serikali ya Jamuhuri ya muungano wa Tanzania kupitia Wizara ya Afya kwa ukarabati wa vyumba vya wagonjwa wa dharula na kuweka vifaa tiba vya kisasa ili kuendelea kutoa huduma bora kwa wagonjwa.
"Mabadiliko ya tabia ya Nchi ni tishio kubwa kwa wanadamu Duniani ambapo watu billioni 3.6 wanaishi katika mazingira hatarishi ya magonjwa ya kuambukiza ambapo hii ina maana kubwa katika utoaji wa huduma za dharura hivyo nitoe rai kwa wananchi na wafanyakazi kuchukua tahadhari kudhibiti mabadiliko haya ya Tabia Nchi kwa kupanda miti ili tuwe na mazingira rafiki kwa Afya zetu".

Dkt.Massaga amemaliza kwa kuipongeza Idara ya dharura na wadau mbalimbali kwa kutoa elimu na huduma ya uchunguzi wa Afya bure kwa wananchi wa Mwanza na viunga vyake, pia amewaasa kuendelea kufanya kazi kwa moyo huku wakizingatia miongozo na taratibu za kazi.

Aidha Dkt. Shazhmah Suleman ambaye ni Mkuu wa Idara ya Dharura ameishukuru uongozi wa Hospitali kwa ushirikiano mkubwa wanaoutoa katika idara kutoa ushauri na elimu wanayotoa katika kuendelea kuboresha huduma za dharura kwani huduma hii ni muhimu sana kwa wananchi.

Watumishi wa Afya wa Hospitali ya Rufaa ya Kanda Bugando wamepata fursa ya kushiriki mafuzo ya ugonjwa wa kiharusi (stroke) yanayotolewa kwa njia ya mtandao kwa udhamini wa Hospitali ya Bugando na WORLD STROKE ORGANISATION, lengo likiwa ni kuwajengea uwezo Watumishi wa kada mbalimbali pamoja na uanzishwaji rasmi wa stroke unit hapa bugando kama ambavyo Wizara ya Afya inaelekeza.

Hospitali ya Rufaa ya Kanda Bugando imepokea mtambo wa kufua na kuzalisha hewa safi ya Oxygen (CYROGENIC PLANT) mtambo wenye uwezo wa kuzalisha mitungi 400 yenye ukubwa wa 6m3 kwa mda wa masaa 24 ukiondoa masaa 8 ya maandalizi.

Mkurugenzi Mkuu wa Hospiatali ya Bugando Dkt. Fabian A. Massaga amepongeza wakurugenzi wote, Mhandisi Bwn Abhimanyu Kumar, Idara ya uhandisi kwa kazi kubwa ya kusimamia na kuhakikisha mradi huu umefanikiwa kwa kiwango kikubwa na kusema
"Ujuzi mlioupata kupitia mradi huu ukawe kipaumbele na fursa katika uzalishaji na ubora katika kazi pia mkawe walimu kwa wengine"
Aidha Dkt.Massaga amesisitiza watumishi wa uhandisi kufanya kazi kwa uadilifu hasa katika uzalishaji wa hewa safi. Hospitali ya Bugando inatumia mitungi takribani 100 kwa siku, hivyo Hospitali za Nje zitanufika na mtambo huu.

Aidha Bw.Abhimanyu Kumar Singh kutoka kampuni ya Universal Industrial Plant MFG Co L.T.D Delhi, India amesema "Mtambo huu ni salama na unauwezo wa kufua hewa safi yenye ubora wa kiwango cha juu na kwa wakati sahihi"

Mwenyekiti wa Chama cha Wafanyakazi wa Serikali na Afya Tanzania (TUGHE) Cde. Joel Kaminyonge akiambatana na viongozi wa TUGHE Mkoa wa Mwanza wamefanya ziara katika Hospitali ya Rufaa ya Kanda Bugando lengo likiwa ni kuwakumbusha Wanachama na Wafanyakazi umuhimu wa wajibu na haki zao mahala pa kazi.

Mkurugenzi Mkuu wa Hospitali ya Rufaa ya Kanda Bugando Dkt Fabian A. Massaga amemshukuru Mwenyekiti na Uongozi wa TUGHE kwa kutembelea Hospitali ya Bugando na kusema
"TUGHE inaendelea kuwajali Wafanyakazi na sisi Bugando tutaendelea kushiriki katika kuboresha maslahi ya Wafanyakazi na kuendelea kutekeleza yale yote ambayo TUGHE inayasimamia na kusisitiza katika maeneo ya kazi ikiwemo uwajibikaji kwa wanachama wake kupitia kauli mbiu yao isemayo - Huduma bora, maslahi zaidi"

Bw. Joel Kaminyonge amefanya majadiliano ya pamoja na kujibu hoja mbalimbali za Wafanyakazi ikiwemo suala la kikokotoo kwa Wastaafu na Bima ya Afya, pia amesisitiza suala la uadilifu na uaminifu kwa Wafanyakazi na kuwataka viongozi kusimamia miongozo na taratibu za uongozi hasa katika kipindi cha uchaguzi wa mfanyakazi bora.

Cde.Joel amempongeza Mkurugenzi Mkuu wa Hospitali ya Rufaa ya Kanda Bugando Dkt. Fabian A. Massaga kwa kuwa Mfanyakazi bora Taifa wa mwaka 2023 na kuendelea kuwa mlezi wa Chama cha TUGHE pia ameshukuru Uongozi wa TUGHE Bugando chini ya Mwenyekiti wake Bwn. Daudi Makumcha kwa kuendelea kulea chama hiki kwa kufuata misingi na taratibu za Chama.

Kikao hiki kilimalizika kwa ugawaji wa Vyeti kwa Wafanyakazi bora wa Idara mbalimbali katika Hospitali ya Bugando.

MATENDO YA HURUMA KWA WAGONJWA

Hospitali ya Rufaa ya Kanda Bugando leo Mei 2, 2024 imepokea msaada wa vifaa mbalimbali vyenye thamani zaidi ya shillingi laki saba ambavyo ni pampasi, sabuni na mafuta ya kupaka kutoka kwa Bi. Loura Evance mkazi wa kata ya Isamilo Jijini Mwanza.

Msaada huu umetolewa mahususi kwaajili ya watoto waliozaliwa na changamoto za vichwa vikubwa na mgongo wazi (spine bifida) pamoja na watoto waliofanyiwa pasuaji mbalimbali kwa lengo la kurudisha tumaini kwa jamii yenye uhitaji
Akizungumza katika makabidhiano hayo,

Mkurugenzi wa Huduma za Uuguzi Hospitali ya Bugando Sr. Sarome Marando kwa niaba ya Mkurugenzi Mkuu wa Hospitali yaBugando amemshukuru Bi. Loura kwa majitoleo yake kwa wahitaji hususani watoto wanaopitia changamoto za kiafya

“Tunakushukuru kwa mchango wako na kwa kujali kipekee tunathamini na kutambua mchango wako, Mwenyezi Mungu akubariki sana kwa sadaka yako hii ulioitoa” amesema Sr. Salome Marado

Mkurugenzi Mkuu wa Hospitali ya Rufaa ya Kanda Bugando Dkt Fabian A. Massaga katika picha ya pamoja na baadhi ya Wafanyakazi wa Bugando katika maadhimisho ya siku ya Wafanyakazi duniani (Mei Mosi) Mkoani Mwanza yaliyofanyika kwenye uwanja wa CCM Kirumba jijini Mwanza.

Katika maadhimisho hayo ambapo Mgeni rasmi alikuwa Mkuu wa Mkoa wa Mwanza Mh. Saidi Mtanda amewapongeza Watumishi na kuwaomba kuendelea kufanya kazi kwa bidii na akiwataka kuendelea kuchapa kazi na kujiepusha na vitendo vinavyoenda kinyume na maadili ya umma ikiwemo kujihusisha na vitendo vya rushwa na ukosefu wa maadili ya utumishi.

Aidha, Mh Saidi Mtanda amesema amesikia na kupokea jumbe za Wafanyakazi walizotoa za maoni, ushauri na changamoto na atazifikisha sehemu husika ili ziwezw kufanyiwa kazi.

Maadhimisho ya Siku ya Wafanyakazi duniani(Mei Mosi) kwa Mkoa wa Mwanza yameadhimishwa katika viwanja vya CCM Kirumba huku kitaifa yakifanyika Jijini Arusha.

Madaktari mbalimbali wa Hospitali na Vituo vya Afya Wilaya ya Nyamagana jijini Mwanza wakiwa kwenye picha ya pamoja na Wakufunzi wa mafunzo ya matibabu ya Masikio na Usikivu yaliyoendeshwa na kuhitimishwa katika Hospitali ya Bugando leo Aprili 24, 2024.

Akizungumza wakati wa kufunga Mafunzo hayo na kukabidhi vyeti kwa washiriki Dkt Pastory Mondea akimuwakilisha Mkurugenzi Mkuu Dkt Fabian A. Massaga amesema "Hospitali ya Bugando imebeba jukumu kubwa la kuwa Mlezi wa Hospitali na Vituo vya Afya Kanda ya Ziwa, mafunzo haya ni moja ya sehemu ya kuendelea kuboresha utoaji huduma katika Hospitali zetu hususani utoaji huduma wa matibabu ya Masikio na Usikivu ambayo imekuwa tatizo kwa wananchi, mkatumie mafunzo haya vizuri na mkawafundishe wengine"

Kwa upande wake Dkt Rodgers Machimu, Kaimu Mkuu wa Idara ya Pua, Koo na Masikio wa Hospitali ya Bugando amesema ili kuboresha matibabu ya Masikio na Usikivu Kanda ya Ziwa idara ya ENT imeona ni vema kutoa mafunzo kwa Madaktari na na Wauguzi wa Vituo vya Afya ili watu wapate huduma hiyo kwenye ngazi ya Vituo vya Afya na urahisi.

Aidha, washiriki wa mafunzo hayo wameishukuru Hospitali ya Bugando kwa mafunzo ambayo watayafanyia kazi na yatawasaidia kwenye utoaji wa huduma bora zaidi na kutatua tatizo la Masikio na Usikivu kwa Wananchi wanaowahudumia kwenye Vituo vyao kwa ubora zaidi kwani wamepata maarifa ambayo hawakuwa nayo kabla ya mafunzo.

Jumla ya Madaktari 23 wa Hospitali na Vituo vya Afya Wilaya Nyamagana wamepata mafunzo hayo yaliyoendeshwa na Hospitali ya Rufaa ya Kanda Bugando kupitia idara ya Pua, Koo na Masikio (ENT) kwa kushirikiana na Chuo cha San Francisco (Marekani) na Chuo cha Melbourne (Australia).

Madaktari mbalimbali toka Hospitali na Vituo vya Afya vya Wilaya ya Nyamagana wamepata mafunzo katika Hospitali ya Rufaa ya Kanda Bugando kupitia idara ya Pua, Koo na Masikio(ENT) kwa kushirikiana na Chuo cha San Francisco (Marekani) na Chuo cha Melbourne (Australia) ambapo mafunzo haya yamehusisha Madaktari 23 yakiwa na lengo la kuimarisha huduma na matibabu ya Masikio na Usikivu kwa Watu wa Kanda ya Ziwa.

Mafunzo hayo ya siku mbili yameanza leo Aprili 23, 2024 na yatahitimishwa Aprili 24, 2024 katika Hospitali ya Bugando.

Wazazi na walezi wametakiwa kuwapeleka watoto wa kike wenye umri wa Miaka 9 - 14 kupata chanjo ya saratani ya mlango wa Kizazi kwa madhumuni ya kuwalinda na kuwakinga dhidi ya maambukizi ya virusi vya saratani hii.

Rai hii imetolewa mapema leo Aprili 22, 2024 na Waziri wa Afya Mhe. Ummy Mwalimu (MB) wakati wa uzinduzi wa maadhimisho ya wiki ya chanjo kitaifa iliyofanyika kitaifa katika viwanja vya Furahisha Jijini Mwanza na kuongozwa na kauli mbiu isemayo "Jamii iliyopata chanjo, jamii yenye Afya"
"Chanjo huokoa maisha, natoa wito kwa wazazi na walezi wote nchini kuhakikisha watoto wote wanapata chanjo hii, chanjo hii ni salama na majaribio yamefanyika kimataifa na kitaifa kupitia Taasisi yetu ya utafiti ya NIMRI ikihusisha pia Mkoa wa Mwanza, tukumbuke matibabu ya saratani yanagharimu takribani Milioni.8 kwa mwaka wakati chanjo ni elfu 10, na hapa ndio tunasema kinga ni bora kuliko tiba" amesema Mhe. Ummy.

Mhe. Ummy ameongeza kuwa, hapo awali chanjo ya saratani ya mlango wa kizazi imekua inatolewa mara mbili lakini walio wengi walikua wanaishia kuchoma chanjo moja na hawarudi kwa chanjo ya pili na hivyo kupelekea wataalamu kuja na chanjo itakayochomwa mara moja baada ya kujiridhisha.
Kwa upande wake Kaimu Mkuu wa Mkoa wa Mwanza ambaye pia ni Mkuu wa Wilaya ya Nyamagana Bi. Amina Makiragi amewapongeza na kuwashukuru wananchi kwa kujitokeza kwa wingi katika maadhimisho haya huku akiahidi kuwa wao kama Mkoa watalisimamia na kuhakikisha wanavuka lengo kwa kuhakikisha chanjo inawafikia wote wanaostahili kupata. Mhe. Makiragi pia amepongeza hatua ya Wizara kuuchagua Mkoa wa Mwanza kuzindua maadhimisho haya na kuahidi ushirikiano.

Saratani ya mlango wa kizazi inaambukizwa na virusi vilivyoko kwa jinsia ya kiume kupitia kujamiiana na ndio maana chanjo hii inatolewa kwa mabinti wa umri wa miaka 9 - 14 tukiamini hawajaanza kushiriki vitendo vya ngono.

Mkurugenzi wa Huduma za Tiba saidizi Dkt. Cosmas Mbulwa akimwakilisha Mkurugenzi Mkuu wa Hospitali ya Rufaa ya Kanda Bugando Dkt. Fabian A. Massaga amefungua semina ya dawati la jinsia lililopo chini ya usimamizi wa Mwl.Halima Mwaisungu likiwa na usaidizi wa champions pioneer na Wafanyakazi kutoka katika Hospitali ya Rufaa ya Kanda Bugando, CUHAS na MWACHAS Lengo la semina hii ni kukumbusha na kuwajengea uwezo wafanyakazi kutambua, kuzuia, na kupinga ukatili kwa kufuata miongozo na kuzingatia maadili ya utumishi wa Umma.

Hata hivyo Mkurugenzi wa Huduma za Tiba saidizi Dkt.Cosmas Mbulwa amewapongeza wadau, waanzilishi, waratibu na viongozi wa dawati hili na kusema "tunatambua na tunathamini mchango mkubwa wa dawati hili kwa kuwa husaidia jamii kwa kufuata masharti na matakwa ya kazi husika"

Dkt.Cosmas ameongeza kwa kusema kuwa ana imani kubwa na semina hiyo ambayo itaongeza umoja na ufanisi katika maeneo ya kazi.

Naye Prof. Dominica Morona akimwakilisha makamu mkuu wa chuo cha CUHAS Prof. Paschalis Rugarabamu ameshukuru uongozi kwa kutambua na kuthamini uwepo wa dawati hili na kutoa ushauri wa kuwepo kwa ukusanyaji wa taarifa mbalimbali na kufanyiwa tafiti kwa kina.

Waziri wa Afya Mhe. Ummy Mwalimu amesema kuwa, Serikali itaendelea kuwekeza katika huduma za matibabu ya Saratani kwa kuongeza mashine moja ya kisasa ili wananchi wa Kanda ya Ziwa waweze kusogezewa huduma.
Mhe. Ummy amesema hayo wakati wa kikao cha Kamati ya Kudumu ya Bunge ya Afya na masuala ya UKIMWI inayoongozwa na Mwenyekiti wa Kamati hiyo Mhe. Stanslau Nyongo (MB),  walipotembelea Hospitali ya Bugando leo Machi 14, 2024 lengo likiwa ni kutembelea miradi mbalimbali inayotekelezwa na Serikali.

Aidha, Mkurugenzi Mkuu wa Hospitali ya Rufaa ya Kanda Bugando Dkt. Fabian A. Massaga  amesema Bugando imeendelea kuwekeza kwenye jamii yenye Afya na kuboresha huduma za jamii Kanda ya Ziwa, ambapo kupitia fedha za Uviko 19 ambazo zilitolewa na Serikali na kwa kutumia mapato ya ndani zimewezesha upatikanaji wa vifaa tiba kwa wagonjwa wa dharura, tiba mkoba, uboreshwaji wa miundombinu kama ujenzi wa jengo la saratani na macho pamoja na upanuzi wa ICU, hivyo kuhimili utoaji wa huduma za Afya kwa zaidi ya watu million 22 Kanda ya Ziwa.

Ziara hii imehudhuriwa na Mwenyekiti wa Bodi ya Hospitali ya Bugando Mhashamu Baba Askofu Renatus Nkwande ambaye amesema Uongozi wa Bugando utaendelea kushirikiana na Serikali kuhakikisha huduma za afya zinasonga mbele Kanda ya Ziwa na kupokea ushauri wa Kamati ya Kudumu ya Bunge pamoja na Waziri wa Afya.

Waziri wa Afya Mhe. Ummy Mwalimu ameipongeza Hospitali ya Rufaa ya Kanda Bugando kwa utoaji wa huduma bora unaozingatia teknolojia ya kisasa  ikiwemo utumiaji wa mfumo wa TEHAMA  katika utoaji huduma huku akizitaka Hospitali nyingine za Rufaa na Mikoa kuiga mfano wa Hospitali ya Bugando amesema kuwa, Serikali itaendelea kuwekeza katika huduma za matibabu ya Saratani kwa kuongeza mashine moja ya kisasa ili wananchi wa Kanda ya Ziwa waweze kusogezewa huduma.

Pongezi hizi zimetolewa wakati wa kikao cha Kamati ya Kudumu ya Bunge ya Afya na masuala ya UKIMWI inayoongozwa na Mwenyekiti wa Kamati hiyo Mhe. Stanslau Nyongo (MB),  walipotembelea Hospitali ya Bugando leo Machi 14, 2024 lengo likiwa ni kutembelea miradi mbalimbali inayotekelezwa na Serikali.

Aidha, Mkurugenzi Mkuu wa Hospitali ya Rufaa ya Kanda Bugando Dkt. Fabian A. Massaga  amesema Bugando imeendelea kuwekeza kwenye jamii yenye Afya na kuboresha huduma za jamii Kanda ya Ziwa, ambapo kupitia fedha za Uviko 19 ambazo zilitolewa na Serikali na kwa kutumia mapato ya ndani zimewezesha upatikanaji wa vifaa tiba kwa wagonjwa wa dharura, tiba mkoba, uboreshwaji wa miundombinu kama ujenzi wa jengo la saratani na macho pamoja na upanuzi wa ICU, hivyo kuhimili utoaji wa huduma za Afya kwa zaidi ya watu million 22 Kanda ya Ziwa.

Kwa upande mwingine Dkt. Massaga amesema Bugando imepiga hatua kubwa kwenye matumizi ya TEHAMA ambayo inarahisisha utoaji wa huduma na uadilifu kwa watumishi.  Pia, ameishukuru Serikali kupitia Wizara ya Afya kwa ushirikiano ambao imekuwa ikiipatia Bugando ikiwemo kuajiri watumishi, kulipa mishahara, uboreshwaji wa miundombinu sambamba na utoaji wa ufadhili wa elimu kupitia program ya Mama Samia Tuvushe.
 

Waziri wa Afya Mhe. Ummy Mwalimu ameipongeza Hospitali ya Rufaa ya Kanda Bugando kwa utoaji wa huduma bora unaozingatia teknolojia ya kisasa  ikiwemo utumiaji wa mfumo wa TEHAMA  katika utoaji huduma huku akizitaka Hospitali nyingine za Rufaa na Mikoa kuiga mfano wa Hospitali ya Bugando amesema kuwa, Serikali itaendelea kuwekeza katika huduma za matibabu ya Saratani kwa kuongeza mashine moja ya kisasa ili wananchi wa Kanda ya Ziwa waweze kusogezewa huduma.

Pongezi hizi zimetolewa wakati wa kikao cha Kamati ya Kudumu ya Bunge ya Afya na masuala ya UKIMWI inayoongozwa na Mwenyekiti wa Kamati hiyo Mhe. Stanslau Nyongo (MB),  walipotembelea Hospitali ya Bugando leo Machi 14, 2024 lengo likiwa ni kutembelea miradi mbalimbali inayotekelezwa na Serikali.

Aidha, Mkurugenzi Mkuu wa Hospitali ya Rufaa ya Kanda Bugando Dkt. Fabian A. Massaga  amesema Bugando imeendelea kuwekeza kwenye jamii yenye Afya na kuboresha huduma za jamii Kanda ya Ziwa, ambapo kupitia fedha za Uviko 19 ambazo zilitolewa na Serikali na kwa kutumia mapato ya ndani zimewezesha upatikanaji wa vifaa tiba kwa wagonjwa wa dharura, tiba mkoba, uboreshwaji wa miundombinu kama ujenzi wa jengo la saratani na macho pamoja na upanuzi wa ICU, hivyo kuhimili utoaji wa huduma za Afya kwa zaidi ya watu million 22 Kanda ya Ziwa.

Kwa upande mwingine Dkt. Massaga amesema Bugando imepiga hatua kubwa kwenye matumizi ya TEHAMA ambayo inarahisisha utoaji wa huduma na uadilifu kwa watumishi.  Pia, ameishukuru Serikali kupitia Wizara ya Afya kwa ushirikiano ambao imekuwa ikiipatia Bugando ikiwemo kuajiri watumishi, kulipa mishahara, uboreshwaji wa miundombinu sambamba na utoaji wa ufadhili wa elimu kupitia program ya Mama Samia Tuvushe.
 

Mkurugenzi Mkuu wa Hospitali ya Rufaa ya Kanda ya Bugando Dkt Fabian A. Massaga ameendesha kikao kazi na Madaktari,  kilichobeba ajenda mbalimbali ikiwemo ombi la Madaktari kuanzisha umoja wao, motisha, wajibu, mashirikiano sambamba na utatuaji wa changamoto za madaktari na namna ya uboreshwaji wa huduma za afya.

 Dkt Massaga amewashukuru Viongozi wake waandamizi kwa kujibu hoja na kuwapongeza Madaktari kwa huduma nzuri wanazozitoa na kuwa wakweli na wawazi katika kufikisha hoja zao kwa uongozi ambazo zitaleta maboresho mazuri na chanya zaidi kwa taasisi na kusema ni matumaini kwamba umoja huu utaleta michango mizuri zaidi itakayofanya tufikie malengo tunayotamani kuyafikia, pia amewakumbusha kuwa na mahusiano mazuri baina yao na kada nyingine na kusisitiza  kuendelea kutoa mawazo yao yanayowezesha maendeleo ya Hospitali. 

Aidha Dr Massaga amewakumbusha madakitari kuhusu kitita kipya cha NHIF kilichoanza kutumika hapa Hospitalini tangu tarehe 1 March 2024 na kusema Hospitali ya Bugando inahudumia wagonjwa wote kwa wakati, nawasihi muendelee kutekeleza majukumu yenu bila kubagua mgonjwa. 

Kwa upande wao  Madaktari wameupongeza Uongozi wa Bugando kwa kusikiliza na kutatua hoja zao ili waweze kuendelea kutoa huduma kwenye mazingira rafiki na kuwawezesha kutoa huduma bora zaidi.

Kuelekea kilele cha Maadhimisho ya siku ya Wanawake Duniani, tarehe 8 Machi ,2024 Hospitali ya Rufaa ya Kanda Bugando imeendesha huduma ya upimaji na uchunguzi wa Magonjwa ya Macho, masikio, saratani ya mlango wa kizazi na saratani ya matiti katika maeneo mbalimbali ya Jiji la Mwanza lengo likiwa ni kuwafikia wananchi ambao wanashindwa kufika hospitali kwa sababu mbalimbali.

Huduma hii ambayo inaratibiwa na Wanawake wa Bugando ikiwa ni sehemu ya Maadhimisho ya siku ya wanawake duniani inafanyika kwa siku tatu mfululizo, tarehe 04 - 06, Machi 2024 katika maeneo ya Bujingwa Shule ya Sekondari, Buswelu round about na Mabatini. Akizungumzia huduma hii, Mwenyekiti wa Wanawake Bugando Bi. Eunice Kitula amesema "wanawake wa Bugando kwa kutambua kuwa jamii hususani wanawake wanakabiliwa na magonjwa mbalimbal ikiwemo kansa ya mlango wa kizazi na Kansa ya matiti na kwa bahati mbaya wengi wetu hatuna utaratibu wa kuchunguza afya zetu mara kwa mara, hali hii imetusukuma kuendesha huduma hii ili kubaini changamoto zozote za kiafya mapema na kuzipatia ufumbuzi kwa kuzitibu na kutoa ushauri wa kitaalamu na ndicho tunachokifanya " amesema Bi. Eunice Kitula na kuwakaribisha wananchi kujitokeza na kutumia fursa hii adhimu. 

Kwa upande wake mtaalamu wa uoni Idara ya Macho Bw. Justice Daffa ametanabaisha kuwa sehemu kubwa kubwa ya wagonjwa waliowaona wana tatizo la uoni hafifu unaotokana na kurithi na wengine wachache umetokana na kujiumiza na vitu mbalimbali ikiwemo vijiti au peni. Bw. Daffa amesiaitiza Wazazi na Walimu kushirikiana kutambua tatizo la uoni hafifu mapema na kalipatia ufumbuzi mapema ili kuepukana na upofu unaoweza kuzuilika na kuongeza kuwa ni rahisi Mwalimu kugundua tatizo la uoni kwa kumwangalia Mwanafunzi kushindwa kuona ubaoni akiwa mbali au akiwa karibu.

Hospitali ya Rufaa ya Kanda Bugando imepata ugeni kutoka makao makuu ya ICAP New York nchini Marekani ukiongonzwa na Mkurugenzi mtendaji Bw. Mark Schnellbaeches aliyeambatana na timu kutoka ICAP Tanzania, ikiongonzwa na Mkurugenzi mkazi Dr. Haruka Maruyama. Ugeni huu umekuwa ni mwendelezo wa mashirikiano kati ya pande zote mbili katika vipimo na matibabu ya maambukizi ya virusi vya Ukimwi. 

Hata hivyo Mkurugenzi Mkuu wa Hospitali ya Rufaa ya Kanda Bugando Dkt Fabian A.Massaga amewashukuru ICAP kwa mashirikiano yaliyopo na kwa namna wanavyoongeza nguvu katika kuwasaidia wagonjwa wanaoishi na maambukizi ya Ukimwi,kuwezesha watumishi, vifaa tiba na vitendanishi katika maabara yetu ya vinasaba (Molecular Laboratory) na kitengo cha CTC,PMCTC na THIS. Pia Dkt Massaga amewaomba ICAP kuendelea kuisaidia Bugando HIV Pediatric Clinic kwa watoto wenye maambukizi ya virusi vya Ukimwi.

Wananchi wa Mkoa wa Mwanza na viunga vyake wameshauriwa kujenga  utamaduni wa kuchunguza afya zao mara kwa mara ili kugundua changamoto zinazowakabili na kuzitibu kabla ya kufikia hatua mbaya. 

Wito huu umetolewa na Mkurugenzi Mkuu wa Hospitali ya Rufaa ya Kanda Bugando wakati wa hafla ya kuhitimisha huduma ya uchunguzi uliyofanyika mapema Februari 29, 2024 katika Wilaya tatu za Busega, Simiyu,  Nyamagana na  Sengerema Mkoa wa Mwanza na umehusisha magonjwa ya Ini, Figo, mfuko wa nyongo na Tezi dume. Dkt. Massaga amesisitiza kuwa "Tuwe na nafasi ya kufanya uchunguzi wa afya zetu tusisubili kuugua, tupate elimu kutoka kwa wataalamu wa afya na sisi kama wataalamu tuwaelekeze wananchi wetu wanapopata changamoto wafike vituo vya afya"  amesema Dkt. Massaga. Aidha Dkt. Massaga amewakumbusha wananchi kuzingatia suala la lishe na kujenga tabia ya kufanya mazoezi "Tufanye mazoezi, sisi Bugando tumekua mfano kila Jumanne na Ijumaa tunafanya mazoezi. tunawahamasisha wananchi kufanya mazoezi na kuzingatia lishe bora" Dkt. Massaga Pia ameishukuru serikali ya Jamhuri ya Muungano wa Tanzania, Wizara ya Afya chini ya Waziri Mhe. Ummy Mwalimu inafanya vizuri sana, kuna uwekezaji mkubwa umefanyika kuanzia ngazi za vituo vya afya, tuliopo hapa tuyaone haya yaliyofanyika na Serikali kwa ajili ya Afya zetu. 

kwa upande wake Mkuu wa Idara ya Mionzi Dkt. Magreth Magambo akitoa taarifa ya huduma hii, ametaarifu kuwa huduma hii imewanufaisha zaidi ya wananchi 500 ambapo kati yao asilimia 22% wamekutwa na magonjwa mbalimbali  na wengi wao wameandikiwa Rufaa kuja Bugando kwa uchunguzi zaidi.

Kuelekea kilele cha Maadhimisho ya siku ya Wanawake Duniani, ambayo hufanyika Machi 8 , Hospitali ya Rufaa ya Kanda Bugando imendelea kutoa huduma za upimaji na uchunguzi wa Magonjwa ya Macho, Masikio, Saratani ya matiti , Saratani ya mlango wa kizazi pamoja na magonjwa yasiyo ambukiza ikiwemo ugonjwa wa kisukari na shinikizo la damu. Huduma hizi ni muendelezo zikiwa na lengo la kuwafikishia huduma wananchi wanaoshindwa kufika Hospitalini kutokana na sababu mbalimbali. Zoezi hili limeratibiwa na Wanawake Watumishi wa Bugando.

Wananchi wa Wilaya ya Busega wameipongeza Hospitali ya Bugando kwa mkakati wake ambao umekua endelevu wa kuwafuata na kuwasogezea wananchi huduma za kibingwa na bingwa bobezi lengo likiwa ni kuwafikia Wananchi wengi ambao wanashindwa kufika Bugando kutokana na sababu mbalimbali.]

pongezi hizi zimetolewa na wananchi  wa Kata ya Igalukilo, wakizungumza kwa nyakati tofauti wakati wa zoezi la uchunguzi na upimaji lililofanyika  Februari 26, 2024 katika Kituo cha Afya Igalukilo kwa magonjwa ya homa ya ini, figo, tezi dume, Saratani ya Mlango wa kizazi na mfuko wa nyongo wamesema 

" Tunashukuru sana wataalamu wa Hospitali ya Bugando kwa kuendelea kutujali kwa kutuletea huduma hii muhimu ya upimaji na uchunguzi bure kabisa, uhitaji ni mkubwa tunatamani huduma hii ifanyike hata kila mwezi ili kuwafikia wengi zaidi, wamama sisi tuna changamoto nyingi katika uzazi  kwa huduma hii tuliyopata leo ya kipimo cha ultra sound imetusaidia kutambua mapema kama kuna tatizo na kuchukua hatua mapema za matibabu. amesema Bi. Suzana Kahabi Mkazi wa kijiji cha Manala - wela, Wilaya ya Busega. 

kwa upande wake Diwani  wa Kata ya Igalukilo Mhe. Lukale John Charles hakusita kumtaja na kumshukuru Mkurugenzi Mkuu wa Hospitali ya Bugando Dkt. Fabian A. Massaga kwa ushirikiano wake ambao amekua akiwapatia ikiwa  pamoja nakuwezesha huduma hii ya uchunguzi kuendeshwa  bure  kwa wananchi wake na kuongeza kuwa  huduma hizi zimewapunguzia gharama wananchi  kwenda vituo vingine  ikiwemo Hospitali ya Wilaya ya Busega ambayo ipo mbali. 

Hospitali ya Rufaa ya Kanda Bugando imeanzisha kituo maalumu cha matibabu ya vidonda kwa wagonjwa wa nje ( Outpatient Specialized Wound Care Center).

Kituo hiki kitatoa matibabu jumuishi kwa wagonjwa wote wenye changamoto za vidonda. Sambamba na hayo kituo kitatoa Huduma ya Tiba lishe, mazoezi tiba,huduma ya makovu baada ya kupona ikiwemo vidonda sugu ( chronic ulcers), vidonda vinavyotokana na kisukari ( Diabetic Ulcers), vidonda na ajali za moto ( Burn Wounds), vidonda vinavyotokana na ajali (Traumatic Wounds), huduma za vidonda vilivyotokana na upasuaji ( post surgery wounds) vidonda vilivyo katika mishipa ya damu na vidonda vinavyotokana na saratani ( Malignant Ulcers). 

Akizungumza katika tukio hili, Mkurugenzi Mkuu wa Hospitali ya Bugando Dkt. Fabian Massaga ameipongeza Kurugenzi ya upasuaji pamoja na idara ya upasuaji sanifu kwa kuwa wabunifu na kuanzisha kituo hiki muhimu, “ Kitu mlichoanzisha ni kikubwa na chenye tija na sisi kama menejimenti tutawapa ushirikiano mkubwa sana katika utekelezaji wa huduma hii, kitu hiki mlichoanzisha hakifanyiki katika hospitali nyingi hivyo niwapongeze sana kwa ubunifu huu na niwakumbushe kutoa huduma kwa huruma na upendo kama ilivyokauli mbiu yetu.” Amesema Dkt. Massaga

Baadhi ya Wauguzi wa Hospitali ya Rufaa ya Kanda Bugando wakiwa kwenye picha ya pamoja wakati wa kufungwa kwa mafunzo ya njia mbadala ya upumuaji (Tracheostomy Care ) kwa muda wa siku mbili.

Akizungumza wakati wa ufungaji wa mafunzo hayo Mkurugenzi wa Huduma za Tiba Hospitali ya Bugando Dkt.  Bahati Wajanga akiwaamemuwakilisha Mkurugenzi Mkuu Dkt. Fabian  A. Massaga, amewapongeza  wauguzi wahitimu wa mafunzo hayo, kwa kushiriki mafunzo haya muhimu katika kuwasaidia wagonjwa wenye changamoto za kupumua kwa kutumia njia mbadala kwa ufanisi zaidi  na kuwataka kuandaa mpango kazi mzuri wa utekelezaji sahihi kwa vitendo kwa waliyojifunza katika mafunzo hayo.

Kwa upande wake Mkurugenzi wa Huduma za Uuguzi Sr. Salome Marandu amesema Wauguzi wana umuhimu mkubwa kwenye matibabu, hivyo maarifa waliyoyapata kwenye mafunzo hayo wakawape na wengine katika utekelezaji bora wa majukumu yao ya uuguzi  katika kuwahuduma wagonjwa.

Aidha, Mkuu wa Idara ya Pua, Koo na Masikio, Dkt. Rogers Machimu amesema, mafunzo hayo kwa Kiasi kikubwa yanaenda kuleta mabadiliko makubwa kwa Wauguzi hao kwenye majukumu yao kwani wameweza kupata maarifa mapya ya kusaidia wagonjwa wenye changamoto za upumuaji kupitia njia mbadala jambo ambalo linaungwa mkono na wauguzi waliopatiwa mafunzo hayo wakiahidi kwenda kufanyia kazi kwa vitendo yote waliyofundishwa.

 Sambamba na hayo Dkt. Rogers pamoja na Wauguzi waliohitimu mafunzo haya wameushukuru uongozi kwa kuwapatia fursa yakuweza kushiriki katika mafunzo hayo na wameomba mafunzo hayo yawe endelevu ila yawe msaada kwa wengine pia.

Idara ya Mifupa ya hosptali  ya Bugando imepokea vifaa tiba kutoka Kampuni ya Sign Fracture International ya nchini Marekani ikiwa ni muendelezo wa mashirikiano baina ya kampuni hii na hospitali ya Bugando katika maeneo mbalimbali  ya kubadilishana uzoefu, mafunzo na  utafiti tangu mwaka 2001.

Makabidhiano haya yamefanyika mapema leo Februari 20, 2024, na kuongozwa na Mkurugenzi Mkuu wa Hospitali ya Bugando Dkt. Fabian A. Massaga na imejumuisha vifaa tiba maalum vya kisasa vya upasuaji kwaajili ya kutibu mivunjiko ya mifupa mirefu. 

Akizungumza katika  makabidhiano hayo Dkt. Fabian A. Massaga ameshukuru kwa msaada 

wa vifaa hivi huku akiwapongeza madaktari wa idara ya mifupa kwa jitihada kubwa wanazofanya kufanikisha maendeleo ya idara na taasisi kwa ujumla. 

Pamoja na hayo Dkt. Massaga amewasisitiza madaktari wa idara hii kutumia fursa ya ushirikiano huu kufanya tafiti mbalimbali na kuongeza ujuzi zaidi katika kada yao. Vile vile amewahasa watumiaji wa vifaa hivi kuvitumia kwa uangalifu na kuvitunza ili viweze kuwa msaada kwa matibabu ya wagonjwa wetu. 

Mbali ya kupokea vifaa hiyo, Mkurugenzi Mkuu amekabidhi  vyeti vya shukrani kwa Kampuni ya Sign fracture International na kwa 

Dkt. Wilson Masanja Daktari bingwa  wa mifupa kwa kufanikisha upatikanaji wa vifaa hivi. 

Naye Dkt. Inyasi Akaro Mkuu wa Idara ya Mifupa ameushukuru uongozi wa Bugando kwa kuendelea kuwawezesha idara hiyo kufanikisha maendeleo mbalimbali ya idara ya mifupa ikiwemo upatikanaji wa vifaa hivi.

Naibu Katibu Mkuu wizara ya Afya Dkt. Grace Magembe atembelea hospitali ya rufaa ya Kanda Bugando ikiwa ni sehemu ya ziara yake mkoani Mwanza, Dkt. Magembe ameambatana na timu kutoka wizara ya afya pamoja na timu ya mganga mkuu wa mkoa wa Mwanza .

Dkt. Magembe na amewahimiza watumishi kutimiza wajibu wao kwa kuzingatia miiko na maadili ya kazi ,  “ serikali imeendelea kuwekeza na kufanya maboresho mbali mbali hivyo imebaki sisi kutimiza wajibu wetu, tubadilike kwa kuacha kufanya kazi kwa mazoea na kwakuwa kila taaluma inayo miiko hivyo ni lazima tuzingatie miiko na weledi wa taaluma zetu, vile vile tuwe wabunifu tuendane na mabadiliko ya teknolojia/ tehama mabadiliko kama telemedicine (Tiba mtandao) “ Amesema Dkt. Magembe.

Sambamba na hayo naibu Katibu Mkuu ameupongeza uongozi wa Bugando kwa maboresho ya miundo na huduma yaliyofanyika  vile vile  amesema amepokea changamoto zilizowasilishwa na bugando na kusisitiza kuwa serikali inaendelea kutatua changamoto hizi.

Dkt. Magembe amewahimiza vyuo vya Afya vilivyopo bugando vinawajibu wa kuwajengea uwezo watumishi wa kada ya afya ndani ya mikoa ya Kanda ya ziwa ili kuendelea kukuza  sekta hii. Vile vile amesisitiza kuwa serikali inaendelea kutafuta wadau mbali mbali ambao wapo tayari kushirikiana na serikali katika matibabu ya saratani ambapo moja ya taasisi zitazonufaika ni hospitali ya Bugando.

Sambamba na hayo Dkt. Massaga ameendelea kuishukuru serikali kuendelea kuwapa ushirikiano kwa kutoa pesa za uviko 19 zilizoleta matengenezo na maboresho ya ICU, pamoja na Idara ya dharula, vile vile serikali imeisaidia taasisi kwa kuendelea kutoa ajira kwa watumishi pamoja na kutoa ufadhili wa masomo wa baadhi ya watumishi wa Bugando

Akizungumza katika maadhimisho hayo Mkurugenzi wa Desk and Chair foundation 

 Bw.  Sibtain Maghjee ambae ni Mgeni rasmi amesema takwimu zimeonesha  ukubwa wa tatizo hili katika jamii yetu "Watoto 400,000 chini ya miaka 18 Duniani wanagundilika na Saratani kila mwaka" ili kukabiliana na tatizo hili serikali yetu kupitia Wizara ya Afya imeendelea kujenga miundombinu, Kufundisha wataalamu na kutoa vifaa tiba ili kusaidia  wagonjwa wa saratani, pia amelipongeza Baraza la Maaskofu ( TEC),Wadau mbalimbali kwa uwezeshaji mkubwa uliofanikisha uanzishwaji na uboreshwaji wa huduma za matibabu ya Saratani kwa watanzania wote na hasa kwa watoto wetu, pamoja na hayo amesema elimu imeendelea kutolewa kwa jamii ili kujiepusha na vichocheo vya saratani, Ufahamu wa kugundua dalili za awali za saratani na kwenda kuchunguzwa mapema. Aidha ameiomba hospitali kuanzisha radio ambayo itasambaza elimu za afya kwa jamii kwa haraka ili wananchi waweze kupata uelewa juu ya magonjwa mbalimbali kwani radio inasaidia kufikisha ujumbe kwa haraka zaidi.

Nae Mkurugenzi wa huduma saidizi Dkt. Cosmas Mbulwa  amemuwakilisha Mkurugenzi Mkuu wa Hospitali Dkt Fabian A. Massaga ameishukuru na kuipongeza serikali kwa kushirikiana na hospitali katika kuhakikisha watoto wanapata matibabu stahiki pia amewapongeza Idara ya Saratani ambao wanafanya kazi kwa juhudi kubwa ili kuhakikisha watoto hawa wanafikia ndoto zao kwa kupata matibabu stahiki na kusema Hospitali inaendelea kutoa elimu juu ya magonjwa ya saratani hasa maeneo ya vijijini.

Sambmba na hayo Daktari Bingwa Bobezi wa Magonjwa ya saratani za watoto Dkt. Heronima Joas amesema "Siku ya Saratani za watoto hutukumbusha ujasiri na uthubutu wa watoto katika kupambana na changamoto za Saratani mbalimbali. " Akihamasisha wananchi waliohudhuria katika maadhimisho haya kuwamabalozi kwa Wengine kwa elimu waliyoipata.

BALOZI WA CUBA NCHINI TANZANIA ATEMBELEA HOSPITALI YA BUGANDO. 

Hospitali ya Rufaa ya Kanda Bugando imepokea ugeni wa muheshimiwa balozi Yodenis Despaigne Vera wa Cuba nchini Tanzania aliyeambatana na mke wake Bi. Anaisa Castellenaos Blanco pamoja na watendaji wa ubalozi wa Cuba nchini Tanzania ambao wapo katika ziara ya kikazi mkoani Mwanza na moja ya maeneo ambayo wametembelea ni hospitali ya rufaa ya kanda Bugando. Mhe. Balozi Yodenis amefurahishwa sana na maboresho makubwa yaliyofikiwa na hospitali ya Bugando na kuahidi kuendeleza ushirikiano kati ya Bugando kupitia Wizara ya Afya nchini Tanzania na Wizara ya Afya nchini Cuba, amesema wapo tayari kupokea maombi ya madaktari wapya ambao Bugando itahitaji na kuwaongezea muda madaktari waliopo. Sambasamba na hayo Mhe. Balozi Yodenis ameipongeza serikali ya Tanzania kupitia Wizara ya Afya nchini Tanzania kwa jitihada kubwa zinazofanyika za kuboresha sekta ya afya nchini, pia ameishukuru ofisi ya Mkuu wa Mkoa wa Mwanza kwa ushirikiano waliopewa katika ziara hii, pamoja na uongozi wa Bugando kwa kuwapokea vizuri na yupo tayari kutoa ushirikiano katika maeneo ya kimkakati ambayo hospitali ya Bugando inatarajia kuyaimarisha ikiwemo ujenzi wa jengo la mama na mtoto, taasisi ya moyo, huduma za upandikizaji figo, taasisi ya matibabu ya mfumo wa chakula, pamoja na taasisi ya upasuaji wa ubongo na mishipa ya fahamu.

Kwa muda mrefu hospitali ya rufaa ya kanda Bugando imekuwa na ushirikiano katika maeneo mbali mbali na nchi ya Cuba, ikiwemo upande wa mafunzo na matibabu.

Mkurugenzi Mkuu wa Bugando Dkt. Fabian A Massaga ahitimisha kikao kazi cha wataalamu wa maabara kanda ya ziwa. Kikao hiki kimekutanisha wataalamu mbalimbali  wa maabara wa ngazi ya mkoa na halmashauri pamoja na wadau wa kada hii wakiwa na lengo la kutoa mrejesho, mafanikio na changamoto zinazojitokeza katika kazi kwa kipindi cha mwaka mzima.

Akihitimisha kikao hicho Dkt. Massaga na amewapongeza viongozi mbalimbali kwa kuratibu kikao hicho Wakurugenzi, Wakuu wa Idara pamoja na waratibu wote ngazi ya Mkoa na halmashauri ikiwemo wadau mbalimbali na kuwahasa walioyajadili yakawe chachu na kuongeza weledi katika nafasi zao za kazi, Pia amewasisitiza wataalamu hao kufanya kazi kwa uaminifu na uadilifu mkubwa ili kuendelea kutoa huduma bora zaidi kwa jamii. 

Naye Bw. Regan Kessy Mratibu wa huduma za maabara Mkoa wa Mwanza,  ameipongeza Bugando kwa kuendelea kuwa na Maabara bora Kanda ya ziwa na Tanzania na kusema kikao hiki kimewakutanisha wataalamu mbali mbali na kuwapa nafasi ya kujadili mafanikio, changamoto na michango mbalimbali ambayo itasaidia katika uboreshwaji wa huduma zetu za maabara na kujifunza kwa namna gani Bugando imeweza kuwa na maabara bora zaidi kanda ya ziwa. 

Pamoja na hayo Bw. John Daffi Meneja wa Maabara ya Hospitali ya Bugando amewashukuru wadau kwa kuweza kuhudhuria kikao kazi hiki  kwa kuwa kitaenda kuhakikisha tunafanya kazi katika ubora na kutoa majibu sahihi na kwa wakati sahihi hivyo tukafanyie kazi tuliyoyapata hapa yakaongeze ubora zaidi katika nafasi zetu za kazi.

Watumishi hawa wa NMB wamefika katika wodi ya watoto walio katika uangalizi maalum na kupokelewa na Kaimu Mkuu wa Idara ya watoto Bi. Sophia Kassim kwa niaba ya Mkurugenzi Mkuu na ameushukuru uongozi wa NMB Kanda ya Ziwa kwa moyo wao wa kujitoa kuwasaidia watoto. 

“Tunashukuru sana hii ni sehemu ya sadaka yenu mmeamua kuifanyia hapa na tunawaombea Mungu awazidishie pale mlipotoa na nawahakikishia kuwa msaada huu utawafikia walengwa kama ilivyokusudiwa, niombe taasisi nyingine kuiga mfano kwa NMB ” amesema bi. Sophia.

Kwa upande wake mwakilishi wa Meneja wa Benki ya NMB kanda ya Ziwa Bw. Hamadan Sillia ametanabaisha lengo la Benki ya  NMB kufanya zoezi hili kuwa

“Tumechagua kuja Hospitali  ya Bugando kuonesha upendo na kusherehekea na watoto wenye mahitaji maalum  kutokana na ukweli kua hii ni Hospitali ya Rufaa inayopokea watoto wenye changamoto zilizokosa usaidizi na utatuzi kwingine kwani Bugando ina idadi kubwa ya watoto wenye mahitaji maalum  hivyo tumeona ni vema kusharekea siku kwa kujitoa kusaidia watoto hawa”. Amesema  Bw. Hamadan

akizungumza kwa niaba ya wazazi wa wototo wenye mahitaji maalum, Bi. Happiness Astariko mbali na kupongeza huduma nzuri wanazopatiwa na wataalamu wa bugando , amewapongeza watumishi wa NMB kwa moyo wao wa majitoleo na kuwaomba waendelee kuwa na moyo huo kwani bado wana uhitaji mkubwa ikiwa ni pamoja na wengi wa nashindwa kumudu  gharama  za matibabu.

TIMU YA KUZUIA NA KUDHIBITI MAAMBUKIZI YAIPONGEZA BUGANDO

Timu ya kuzuia na kudhibiti maambukizi iliyokua ikifanya ukaguzi katika maeneo mbalimbali ya hospitali ya Bugando, imeipongeza hospitali hii kwa kuweka juhudi katika kusimamia miongozo ya utoaji huduma na ubora wa maeneo ya kutolea huduma.

Kiongozi wa timu hiyo ya ukaguzi Dkt. Redempta Bahegwa ambaye ni Afisa uimarishaji ubora kitengo cha uhakiki ubora kutoka wizara ya afya, amepongeza maeneo ya wodi ya VIP, chumba cha uangalizi maalumu cha watoto (NICU) , chumba cha wagonjwa mahututi upande wa tiba ( Medical ICU) pamoja na wodi ya wagonjwa wa afya ya akili kwa kuwa nyenzo bora za kutolea huduma na mazingira bora vile vile ametoa mapendekezo ya maeneo ya kuboresha zaidi ili kuendelea kutoa huduma  bora  zinazofuata miongozo ya utoaji huduma.

Sambamba na hayo Mkurugenzi Mkuu wa Hospitali ya Bugando Dkt. Fabian A. Massaga ameipongeza timu hii kwa ukaguzi wenye tija uliolenga kuboresha utoaji wa huduma bora. Huku akielekeza wakuu wa idara  kufanyia kazi maeneo yenye changamoto katika kuhakikisha huduma zinazidi kuimarika.

WARSHA KWA MADEREVA WA BMC, CUHAS, NA MWACHAS.

Madereva  kutoka Hospitali ya Rufaa ya Kanda Bugando, Chuo Kikuu cha kikatoliki cha Sayansi za afya shirikishi , na Chuo cha Mafunzo cha Sayansi na tiba ( MWACHAS)  wamehudhuria Warsha iliyoandaliwa na dawati la jinsia kuhusiana mahusiano mahala pa kazi na changamoto mbalimbali wanazokumbana nazo katika maeneo ya kazi.

Akifungua mafunzo hayo, Mkurugenzi Mkuu wa Hospitali ya Rufaa ya Kanda Bugando Dkt. Fabian A. Massaga amesema, agenda kubwa ni uadilifu na mahusiano mahala pa kazi ambayo yameambatana na (Gender based violence and harassment) na changamoto wanazokutana nazo katika kazi ambazo hupelekea misuguano mbalimbali . Dkt. Massaga amewahasa madereva wazingatie haya mafunzo na wakawe mabalozi kwa wengine. Aidha ameipongeza Taasisi ya Kupambana na Kuzuia Rushwa (TAKUKURU) kwa kuendelea kutoa na kusimamia miongozo.

Afisa mchunguzi mkuu wa TAKUKURU- Mkoa wa Mwanza Bi Maua Ally amewasisitiza watumishi hawa kuzingatia maadili na usiri katika kazi. Vile vile watoa mafunzo wengine akiwemo daktari bingwa wa afya ya Akili kutoka Bugando Dkt. Kiyeti Hauli  amewahasa madereva kuweza kuweka uwiano kati ya maisha yao binafsi na maisha ya kazi haswa  kupata muda wa kupumzika na kuepukana na ulevi na kuzingatia  muda wa kufanya mazoezi ili kulinda afya zao za mwili na akili ili kuleta ufanisi zaidi katika kazi.

Kwa upande wake Makamu Mkuu wa Chuo cha CUHAS, Prof. Paschalis Rugarabamu akifunga mafunzo haya  ameshukuru na kutoa wito kwa waandaaji wa mafunzo yasiishie kwa kundi la madereva bali yafanyike kwa makundi mengine ya watumishi. 

Kanisa katoliki nchini limeungana na serikali kupitia Wizara ya afya na mpango wa taifa wa damu salama kuadhimisha kilele cha siku hii katika parokia ya Kristu Mfalme -Kiseke jimbo kuu la Mwanza. Akizungumza katika maadhimisho hayo yaliyoambatana na zoezi la uchangiaji damu, Mgeni Rasmi, Dkt. Abdu Juma Bhombo meneja mpango wa taifa wa damu salama ameeleza “Mpango umeweka lengo la kukusanya chupa za damu 23,618 katika Parokia zote nchini na kauli mbiu katika kampeni hii ni “Onesha Upendo kwa Wagonjwa, Changia Damu Okoa Maisha” iliyolenga kuonesha wajibu wa waumini wa kwa jamii na kudhihirisha moyo wa umoja, utu, upendo, huruma na kuwa mfano wa utumishi kwa jamii kwa kuwafikiria wagonjwa wenye uhitaji wa damu. Ushirikiano huu utawezesha serikali kufikia malengo yake mahsusi ya kuboresha huduma za damu salama nchini kwa kufikia mahitaji ya damu kwa asilimia 100% , wizara ya Afya inaahidi kutoa ushirikiano   na kufanikisha adhima ya kanisa ya  kuboresha huduma za afya nchini ikiwa ni pamoja na kuendeleza kampeni ya kuhamasisha na kukusanya damu nchi nzima kila Mwaka.” Amesema Dkt. Bhombo.

Aidha , Askofu Mkuu jimbo kuu la Mwanza Mhashamu Baba Askofu Renatus Nkwande ameeleza nia  ya Kanisa ya kuadhimisha siku ya wagonjwa duniani, iwe ni siku ya kuchangia damu kitaifa “Baraza liliona ni vyema kila tunapoadhimisha siku hii tushiriki kuchangia damu, ikiwa ni sehemu ya kushirikiana na wagonjwa na sisi kama kanisa lazima tuwasaidie wagonjwa kiroho na kimwili, mwaka huu tumeanza rasmi kwa kuhamasisha kila Parokia kushiriki zoezi hili endelevu ,  nawaomba sana haswa vijana ambao bado wana nguvu na afya njema kuendelea kuchangia damu ili wenzetu waendelee kupona” Amesema Askofu Nkwande.

MAADHIMISHO YA SIKU YA SARATANI DUNIANI 04.02.2024

Elimu pamoja na Huduma za uchunguzi zimeendelea kutolewa katika kilele cha maadhimisho ya siku ya saratani Duniani katika Hospitali ya Rufaa ya Kanda Bugando. 

Akizungumza katika Maadhimisho hayo Mganga Mkuu wa Mkoa wa Mwanza Dkt. Thomas Rutachunzibwa

ambaye ni Mgeni rasmi wa Maadhimisho hayo ameushukuru Uongozi wa Hospitali ya Bugando na Watumishi wote wakiongozwa na Mkurugenzi Mkuu Dkt. Fabian A. Massaga kwa kuendelea kuisimamia vyema idara hii ya Saratani inayotoa Huduma katika kanda yaziwa na mikoa ya pembezoni. Pia akimshukuru Mkuu wa idara ya Saratani Dkt. Nestory Masalu kwa kuendelea kuwahudumia wagonjwa wa Saratani bila kuchoka.

Sambamba na hayo amewapongeza Mashujaa wa Saratani kwa kuwatia moyo wananchi na kwa namna wanavyojitoa ili kupigania Afya za watanzania kwa ujumla.

Pia amempongeza Bi. Stella Herman kwa kutoa elimu ,motisha na kurudisha fadhila kwa Hospitali ya Bugando akisema ugonjwa wa saratani bado ni changamoto kwa dunia na Serikali inaendelea kuimarisha huduma katika vituo vya Afya. "Serikali imesambaza mashine za Ultrasound na kuwajengea uwezo Watumishi namna ya kuhudumia wagonjwa wa saratani".

Dkt. Rutachunzibwa amesisitiza uzingatiaji wa kufanya mazoezi,kutokuvuta sigara,Ulaji wa chakula bora,chanjo ya Mlango wa kizazi,homa ya ini, kuacha pombe na Pia kuwa wasafi katika maeneo ya kazi,sehemu za uzalishaji ili kuweza kujikinga na magonjwa mbalimbali. 

Pia ameendelea kuishukuru hospitali ya Bugando, Chuo cha CUHAS, na MWACHAS kwa kuwekeza nguvu zaidi katika kampeni ya udhibiti wa ugonjwa wa kichocho ambapo kwa asilimia ishirini na tano (25% ) kichocho kimeonekana kuchangia saratani ya kibofu.

Hospitali ya Rufaa ya Kanda Bugando, imepokea vifaa tiba ikiwemo (Thermometer, negulizer,stethoscope) kutoka katika chama cha Ushirika cha akiba na mikopo (SACCOS), Lengo likiwa ni kufanya matendo ya huruma kwa wagonjwa wa Idara ya saratani na ikiwa ni moja ya misingi na kanuni za chama pindi wanapotengeneza faida kurudisha katika jamii inayoizunguka. Akipokea vifaa tiba hivyo Dkt. Fabian A. Massaga, Mkurugenzi Mkuu wa Bugando, ameushukuru uongozi wa SACCOS, katika ngazi zote za Mkoa pamoja na wilaya ikiwemo Bugando SACCOS na kuupongeza uongozi huo kwa kuendelea kusimamia misingi na kanuni ya chama na kutanabaisha kuwa, kupitia majitoleo hayo yataenda kuhudumia wagonjwa na kuendelea kuboresha huduma za Hospitali. "Sisi kama menejimenti tumepokea na tunathamini mchango wa majitoleo katika huduma zetu za Afya na vifaa hivi vitatumika kama ilivyokusudiwa “. amesema Dkt. Massaga. Nae msimamizi wa vyama vya ushirika mkoa wa Mwanza Bw. Saguda Yohana ameushukuru uongozi wa hospitali ya Bugando na wamefurahi kuona chama kinaendelea kutimiza moja ya kanuni na misingi ya chama. Bw.Richard Masunga Mwenyekiti wa chama cha Bugando SACCOS amesema chama hiki kimekuwa msaada mkubwa na kuondoa msongo wa mawazo kwa wafanyakazi wa Bugando, pale wanapopata matatizo mbalimbali. Pia amempongeza Mkurugenzi Mkuu kwa usimamamizi mzuri wa Saccos hii, akiongeza kuwa "Majitoleo haya yataenda kusaidia wauguzi wetu kwa ajili ya kuona wagonjwa katika jengo la saratani"

BUGANDO YAKABIDHIWA  GARI YA KUBEBA WAGONJWA (AMBULANCE)

Mbunge wa Jimbo la Nyamagana Mhe. Stanslaus Mabula, amekabidhi gari la kubeba wagonjwa mahututi ( ambulance) kwa Hospitali ya rufaa ya kanda Bugando iliyotolewa na Serikali kwa ajili ya kubeba wagonjwa. 

Mhe. Mabula amesema gari hilo ni sehemu ya yale yaliyotolewa na Serikali inayoongozwa na Dkt. Samia Suluhu Hassan, Rais wa Jamhuri ya Muungano wa Tanzania katika juhudi za kuendelea kuboresha huduma za afya kwa wananachi,ikiwa ni kipaumbele cha kutoa huduma bora kwa watanzania wote.

Katika hatua nyingine Mhe. Mabula ameipongeza menejimenti ya Hospitali ya rufaa ya kanda Bugando chini ya uongozi wa Mkurugenzi Mkuu  Dkt. Fabian A. Massaga kutokana na kazi kubwa iliyofanyika ya kuboresha huduma na miundombinu ya utoaji wa huduma hizo pamoja na uwajibikaji wa watumishi katika kuwahudumia wananchi.

“Nampongeza sana  Mkurugenzi Mkuu kwa uongozi imara, kwa sasa huduma zinazotolewa katika Hospitali ya Bugando hazina tofauti na zile zinazotolewa katika nchi kubwa zilizoendelea, pia watumishi wanafanyakazi kwa kujitoa sana na hii inadhihirisha kuwa wananchi wa Kanda ya ziwa wanapata huduma stahiki. Mimi kama Mbunge wa jimbo la Nyamagana ntahakikisha nazidi kuwawakilisha vyema kwa kuhakikisha tunapata gari nyingine kwa ajili ya kubeba wagonjwa pamoja na upatikanaji wa vifaa tiba mbali mbali amesema”. Mhe. Mabula 

Awali akipokea gari hilo, Dkt. Massaga amemshukuru Mhe. Rais  Dkt. Samia Suluhu Hassan kwa kazi kubwa anayofanya katika sekta ya Afya kwa ujumla ikiwemo uboreshaji wa miundo mbinu na upatikanaji wa vifaa tiba ikiwemo gari hii, Pili amemshukuru Waziri wa Afya Mhe. Ummy A Mwalimu( Mb) kwa usimamizi mzuri wa wizara ya afya. Pia Amemshukuru Mhe. Stanslaus Mabula kwa ushirikiano mkubwa anaoutoa Bugando katika utekelezaji wa majukumu yake akiahidi kulitunza gari hilo.

MAFUNZO YA UONGOZI KWA WAUGUZI VIONGOZI-BUGANDO 

Hospitali ya Rufaa ya Kanda Bugando imeendesha Mafunzo ya Uongozi na Utawala kwa wauguzi viongozi na Wauguzi  wasaidizi wa Bugando. Mafunzo Haya yamefunguliwa  rasmi leo Januari 31,2024 na Mkurugenzi Mkuu wa hosptali ya Bugando Dkt.Fabian A.Massaga. 

Akizungumza katika ufunguzi huu Dkt. Massaga, ameishukuru Wizara ya Afya na Uongozi wa Hospitali ya Taifa Muhimbili kwa ushirikiano wao wa moja kwa moja na Bugando katika kuhakikisha hospitali inaendelea kutoa huduma bora kwa kuzingatia kanuni na taratibu za Afya, pia amempongeza Mkurugenzi wa huduma za wauguzi Bugando Sr. Salome Marandu kwa usimamizi bora katika kuhakikisha wauguzi hawa wanapata mafunzo stahiki. 

Aidha amewasisitiza wauguzi kutoa huduma bora, kujiendeleza kimasomo na pia kuonyesha umahili zaidi katika maeneo yao ya kazi kwa kuhudumia wagonjwa kwa huruma na upendo. 

Nae Bw. Edwin Damas Mkufunzi kutoka Wizara ya Afya amempongeza Mkurugenzi Mkuu kwa kutoa Kibali na kuwezesha mafunzo haya ambayo yana mchango mkubwa katika uendeshaji wa taasisi hasa za Afya na kusema ataendelea kufanya kazi kwa karibu na kurugenzi ya uuguzi ili kuhakikisha huduma zinatolewa katika viwango vinavyostahili.

Katika kuendelea kuboresha huduma za Kibigwa na Bigwa Bobezi, Hospitali ya Rufaa Ya Kanda Bugando leo Desemba 5, 2023, imepokea wataalamu wa upandikizaji wa figo kutoka katika Hospitali ya Benjamin Mkapa lengo likiwa ni kuwajengea uwezo wataalamu  katika mpango wa upandikizaji figo na kuingia makubaliano na ushirikiano baina ya Hospitali hizi mbili katika nyanja mbalimbali za mafunzo na ubadilishanaji wa wataalamu na vifaa tiba.

Aidha, Mkurugenzi Mkuu wa Hospitali ya Rufaa ya Kanda Bugando Dkt. Fabian A. Massaga ameushukuru Uongozi wa Hospitali ya Benjamin Mkapa kwa kutoa wataalamu hawa na kusema ujio huu utaleta tija kubwa katika safari ya kuanzishwa kwa  huduma za upandikizaji wa figo( Renal Transplant) katika Hospitali ya Bugando.

Hospitali ya Rufaa ya Kanda Bugando imeungana na Dunia kuadhimisha siku ya  watu wenye ulemavu kwa kuendesha huduma ya uchunguzi wa kibingwa na kibingwa bobezi kwa  watu wenye matatizo ya viungo vya mwili ikiwa ni pamoja na macho, mikono, miguu na masikio kwa siku mbili mfululizo bure.

Akizungumza wakati wa hitimisho la huduma hii ya uchunguzi iliyohitimishwa mapema Disemba 05, 2023, Mkurugenzi Mkuu wa Hospitali ya Bugando Dkt. Fabian A. Massaga  ameiasa jamii ihakikishe inawafikisha wagonjwa wenye changamoto mbalimbali zinazoweza kupelekea ulemavu kwa wataalamu ili kupata huduma za ushauri na matibabu kwa wakati  ili kuwapunguzia athari ya ulemavu ukubwani.

 "Hospitali ya Bugando imeboresha  na inaendelea kuboresha miundo mbinu ikiwemo uboreshaji wa kituo cha huduma kwa wateja,  utumiaji wa lugha ya alama na viti maalum vya wagonjwa, tunayazingatia haya ili kuhakikisha wateja wetu wote wanapata huduma sawa" amesisitiza Dkt. Massaga.

Dkt. Massaga pia ametanabaisha kuwa  tatizo la ulemavu linaathiri maendeleo ya mtu binafsi, jamii na taifa kwa ujumla huku ikikadiliwa kuwa takribani watu bilioni moja nukta tatu (1.3) sawa na asilimia 16% na kwa Tanzania watu wenye tatizo la ulemavu ni takribani millioni tatu nukta tatu (3.3) sawa na asilimia 9%.

Kwa upande wake, Mkuu wa Idara ya Mifupa, Daktari Bingwa Inyasi Akaro, ametoa wito kwa jamii, ndugu, wazazi na walezi kushirikiana kwa pamoja kuhakikisha matatizo yanayopelekea ulemavu yanashughulikiwa kwa wakati kwa kuwafikisha wagonjwa  katika vituo vya Afya kupata huduma stahiki na kueleza kuwa katika huduma hii ya uchunguzi wamefanikiwa kuhudumia  wagonjwa wenye changamoto za viungo vya mwili ikiwemo macho, masikio, mikono na miguu   160 kwa siku moja huku kati yao 80 wamepewa rufaa kwa vipimo zaidi.

Mkurugenzi Mkuu wa Hospitali ya Rufaa ya Kanda Bugando Dkt. Fabian A. Massaga, leo Desemba 1, 2023 amezindua rasmi Chama cha wahudumu wa Afya katika Hospitali ya Bugando  (UWAABU) na kuwaaga watumishi waliostaafu mwaka huu 2023.

Akizungumza katika tafrija hiyo Mkurugenzi Mkuu Dkt. Fabian A. Massaga amepongeza Kurugenzi ya huduma za Uuguzi Hospitalini hapo kwa kuanzisha umoja huo ambazo utaleta chachu na tija kwa watumishi ambao ni wahudumu wa Afya 

Sambamba na hayo  Mkurugenzi Mkuu ametoa pongezi kwa Watumishi Wastaafu Watano (5)  kwa utumishi wao na kutoa huduma kwa wagonjwa kwa huruma na Upendo.

Mkurugenzi Mkuu wa Hospitali ya Rufaa ya Kanda Bugando Dkt. Fabian A. Massaga, leo Novemba 30, 2023 amepokea  ugeni ya Supportive Supervision kutoka Hospitali ya Taifa ya Magonjwa ambukizi Kibong’oto (KDH) ikiongozwa na Mkurugenzi wa Hospitali hiyo Dkt. Leonard Subi, Mratibu wa MDn-TB Dkt. Happines Mvungi, mwakilishi wa hospitali, Muuguzi Sara Matoyi, mwakilishi wa Mganga Mkuu wa Mkoa wa Mwanza Dkt. Gabriel Mashauri.

Lengo la ugeni huu ni kujadili  namna ya kuboresha huduma za kifua kikuu na kifua kikuu sugu katika Hospitali ya Bugando na Kanda ya Ziwa kwa ujumla.

Sambamba na hayo Dkt. Massaga ameshukuru kwa ujio wa ugeni huo wa supportive supervision nakuahidi kuendelea kushirikiana nao  katika kupambana na tatizo la TB huku akiwataka Wataalamu wa Kitengo cha TB kuendelea kufanya kazi kwa ukaribu na Taasisi hiyo ili kufikia malengo ya kutokomeza ugonjwa huo.

Hospitali ya Rufaa ya Kanda Bugando leo Novemba 29, 2023, imepokea msaada wa portable ultrasound yenye thamani ya shilingi milioni tano (Tshs. 5,000,000/=) kutoka kwa Watumishi wa NMB, ultrasound hiyo imetolewa kwa wagonjwa wa saratani katika Hospitali ya Bugando,   pia itakuwa ikitumiwa na wataalamu wakati wa kutoa  huduma za tiba mkoba.

Dkt. Fabian A. Massaga, Mkurugenzi  Mkuu wa Hospitali ya Rufaa ya Kanda Bugando amewashukuru NMB kwa kusema, "tukio hili limetukutanisha kwaajili ya kukuza  uhusiano baina ya Bugando na NMB kwa lengo la kuwasaidia wagonjwa wetu, naahidi kuendelea kukuza mashirikiano haya."

Akizungumza katika makabidhiano hayo  Ndg. Hamadi Suria kwa upande wa NMB, amesema, “ Ni utaratibu wa watumishi wa NMB kujichangisha kila mwaka kwa ajili ya kurudisha fadhila kwa wateja wao hususani makundi yenye uhitaji ikiwemo wagonjwa kama ilivyofanyika”.

Hospitali ya Rufaa ya Kanda  Bugando  imepewa tuzo ya kuwa Hospitali Bora katika utoaji wa taarifa za Ufuatiliaji kuhusu usugu wa vimelea vya magonjwa dhidi ya dawa (National AMR Surveillance Champion). Tuzo hii imekabidhiwa na Mh. Ummy Mwalimu Waziri wa Afya katika Kongamano la tatu la Kuongeza Uelewa kuhusu Usugu wa Vimelea vya magonjwa dhidi ya dawa jijini Arusha.

Katika kongamano hili Prof. Jeremiah Seni na Prof. Stephen E. Mshana wa Chuo Kikuu cha Kikatoliki cha Sayansi ya Afya Bugando (CUHAS) wamekabidhiwa pia tuzo za vinara wa kitaifa wa mapambano ya usugu wa vimelea vya magonjwa dhidi ya dawa. 

Pichani Prof. Jeremiah Seni (Mwenyekiti wa Kamati ya AMR Surveillance BMC) akikabidhi tuzo ya hospitali kwa Mkurugenzi Mkuu wa Hospitali ya Bugando Dkt. Fabian Massaga. 

Naye Dkt. Fabian A. Massaga ameishukuru Serikali kwa kutambua mchango wa Bugando na Chuo cha Kikuu cha Kikatoliki cha Sayansi  ya Afya (CUHAS) katika suala hili, na kuwashukuru wafanyakazi wote kwa ushiriki wao. Pia, amesisitiza  zoezi hili kuwa endelevu ili taarifa hizi zichangie katika utengenezaji wa miongozo ya matibabu Hospitalini hapa.

Hospitali ya Rufaa ya Kanda Bugando kwa kushirikiana na Shirika la Global hope la nchini Marekani linalojihusisha na matibabu ya saratani kwa watoto wameendesha mafunzo kwa wauguzi wa magonjwa ya saratani kwa watoto lengo likiwa ni kuwajengea uwezo  wa kitabibu wa kujua viashiria,sababu, matibabu na hata matokeo baada ya mgonjwa kupata matibabu husika.

Mafunzo haya yatafanyika ndani ya siku 6 yakiongozwa na Tadala Mulemba ambae ni Msaidizi wa huduma za tiba kwa wauguzi kutokea nchini malawi pamoja na Aisha Ndege ambae ni Mkufunzi wa wauguzi kutokea nchini Uganda.

Akizungumza katika ufunguzi wa mafunzo hayo Mkurugenzi wa Huduma za Uuguzi Sr. Salome Malandu ameushukuru uongozi wa Global hope kwa mafunzo hayo na kusema mafunzo hayo yataongeza chachu na kuboresha huduma kwa wagonjwa hasa kwa watoto wenye saratani.

Rais wa Baraza la Maaskofu wa Kanisa Katoliki Tanzania (TEC), Mkuu wa Chuo Kikuu cha Kikatoliki cha Sayansi za Afya (CUHAS-Bugando) na Askofu wa jimbo kuu la mbeya Mhashamu Baba Askofu Gervas John Nyaisonga amewaasa Wahitimu wa Chuo kikuu cha Kikatoliki cha Sayansi za Afya Bugando katika mahafali ya 16 ya Chuo hicho kufanya kazi kwa weledi na kuzingatia maadili na ubinadamu bila kujali kipato na kuepuka tamaa za vyeo.

Mkurugenzi Mkuu wa Hospitali ya Rufaa ya Kanda Bugando Dkt.Fabian Massaga amehudhuria misa takatifu  ya  mahafali ya 16 ya Chuo kikuu cha Kikatoliki cha Sayansi za Afya.

Hospitali ya Rufaa ya Kanda Bugando imeendesha zoezi la  uchunguzi wa awali kwa magonjwa ya henia, Kisukari na shinikizo la damu ikiwa ni maandalizi  ya  kambi maalumu ya upasuaji ya ugonjwa wa henia inayotarajiwa kufanyika mapema wiki ijayo Novemba 12 mpaka 17. 

Akizungumza katika zoezi hilo la uchunguzi Mkurugenzi  Mkuu wa Hospitali ya Bugando Dkt. Fabian A. Massaga  ametoa wito kwa jamii kutumia fursa zinazotolewa bure na kusisitiza huduma hii itakuwa endelevu.

Sambamba na hayo, Mkurugenzi Mkuu  ameishukuru Serikali ya Jamhuri ya Muungano wa Tanzania kupitia Wizara ya Afya na Bunge la Jamhuri ya Muungano wa Tanzania kwa kupitisha Muswada wa Bima ya Afya kwa wote na kuwaomba Wananchi na kuwahamasisha kujiunga na Mfuko wa Bima ya Afya ili kujiepusha na gharama kubwa za matibabu.

Kwa upande wake

 Dkt. Ahmed Binde  bingwa wa Upasuaji wa ugonjwa wa Henia amesema,  tatizo hili linaweza kuwapata watu   wa jinsia zote nakutoa wito kwa Jamii kujitokeza kufanya uchunguzi mapema na kuacha dhana potofu kuwa tatizo la ugonjwa wa Henia huwapata wanaume pekee.

"Nawapongeza sana na kuwatia moyo mkafanye kazi kwa bidii huku mkifuata maadili na miiko ya kazi zetu " amesema haya Dkt. Cosmas Mbulwa Mkurugenzi wa huduma za Afya saidizi katika hafla

ya kuhitimu mafunzo ya chumba cha kuhifadhia miili( mortuary) ambapo amekabidhi vyeti kwa wahitimu 23.

Aidha Dkt.Jackson Kahima mkuu wa huduma za  maabara (CPL) amewapongeza wahitimu hao na kuwaomba wakafanyie kazi  yale yote waliyojifunza kwa kipindi chote cha mafunzo yao.

Hospitali ya Bugando ni Hospitali pekee  inayotoa mafunzo haya kwa muda mrefu (Miezi mitatu) kwa ngazi ya cheti hapa nchini.

Hospitali ya Rufaa ya Kanda Bugando imeendelea kuunga Mkono juhudi za Serikali ya awamu ya Sita katika kujenga na kuboresha mahusiano na mashirikiano ya kimataifa kwa lengo la kujifunza na kubadilishana uzoefu katika nyanja mbalimbali zikiwemo za huduma ya Afya, tiba na matibabu kwa ujumla wake.

Mapema leo, Oktoba 27, 2023, Hospitali kupitia Idara ya Fiziotherapia imepokea ugeni wa Wanafunzi 7 na Walimu wao wawili kutoka Chuo Kikuu cha Carroll cha nchini Marekani kwa lengo la kujifunza na kubadilishana uzoefu.

Akizungumza katika mapokezi ya ugeni huu, Mkurugenzi wa Huduma za Tiba Dkt. Bahati Wajanga akimwakilisha Mkurugenzi Mkuu wa Hospitali Dkt. Fabian A. Masaga amewakaribisha wageni na kushukuru ujio wao huku akibainisha kuwa kwa ujio wao Hospitali kupitia Idara ya Fisiotherapia itapiga hatua kutoka pale ilipo kwa kujifunza na kuboresha huduma zinazotolewa na Idara.

Kwa upande wa wageni wameushukuru uongozi wa Hospitali kwa kuwapokea huku wakitanabaisha kuwa kwa wanafunzi ni mara yao ya kwanza kufika Bugando lakini kwa Walimu ni mara ya pili na ya tatu kuitembelea Hospitali.

Wageni hawa kutoka Chuo Kikuu cha Carrol wanatarajia kuwepo Hospitali ya Bugando katika Idara ya Fiziotherapia kwa muda wa siku 45.

Kwa mara ya kwanza Hospitali ya Rufaa ya Kanda Bugando imefanya huduma ya upandikizaji wa koo bandia kwa mgonjwa wa saratani ya koo ambaye anashindwa kula au kumeza chakula.

Mkuu wa kitengo cha Magonjwa ya mfumo wa chakula Dkt.David Majinge ameiasa jamii na watanzania kuwa na desturi ya kufanya  uchunguzi pindi wanapohisi kupata changamoto ya kumeza chakula kwani hiyo inaweza kuwa ni dalili ya awali ya saratani ya koo la chakula.

Dkt Ahmed Binde daktari bingwa wa upasuaji na mfumo wa chakula amesema kuwa madaktari wametumia mbinu ya kuweka koo bandia ambayo imekuwa na matokeo mazuri kwa mgonjwa huyo.

"Nilipata shida ya kutokumeza chakula tangu mwezi Agosti jambo lililonipelekea kuja katika Hospitali ya Bugando nikagundulika kuwa na Saratani ya koo na njia pekee ya kupona ilikuwa ni kuwekewa koo bandia.Baada ya njia hiyo kufanyika kwasasa nimepona na ninaweza kula vizuri".Amesema Bw.Boniphace Warioba.

Bugando Mpya yenye huruma na Upendo, tumepiga hatua, tunathamini Afya yako, Kazi iendelee.

Kila Alhamis ya pili ya mwezi wa Kumi, Dunia huadhimisha siku ya Afya ya macho, Hospitali ya Rufaa ya kanda Bugando imehitimisha maadhimisho hayo kwa kutoa huduma mbalimbali kwa wananchi. Maadhimisho haya yalianza kwa kutoa huduma za uchunguzi wa afya ya macho bure, utoaji wa miwani na huduma za upasuaji kwa gharama nafuu kwa muda wa siku nne.

 Mgeni Rasmi katika maadhimisho haya ambaye ni Mkurugenzi Mkuu wa Hospitali ya Rufaa ya Kanda Bugando Dkt. Fabian A. Massaga amehitimisha zoezi hili kwa kuzungumza na wananchi waliofika kupata huduma kwa kuwahimiza kufuata kanuni za afya ili kuendelea kutunza afya za macho ikiwemo kula chakula chenye kurutubisha afya ya macho,kuacha matumizi ya dawa na uvaaji miwani bila ushauri wa wataalamu pamoja na kufanya mazoezi ili kujikinga na magonjwa yasiyoambukiza yenye madhara katika macho ikiwemo kisukari na shinikizo la damu. Dkt. Massaga amesema “Penda macho yako Mahala pa Kazi”, Kauli mbiu ya mwaka huu inatuhimiza wote tuwe makini na afya ya macho yetu tuwapo mahala pa kazi. 

Kazi ni uhai, hivyo basi kumekuwa na kujisahau kwa baadhi ya watumishi Kwenda kupima afya ya macho hadi pale wanapopata changamoto. Zipo kazi ambazo moja kwa moja ni hatarishi kwa afya ya macho hivyo wakati mkiwa mnazifanya ni lazima muwe mmevaa vifaa maalum kwa ajili ya kukinga macho yenu, mfano, Wachomeleaji wa vifaa vya chuma (welders), Wafanyakazi wa kwenye viwanda vya madawa na vinywaji, madawa hayo huwa ni hatari kwa afya ya macho endapo yataingia machoni moja kwa moja, kwa ujumla kazi zote za viwandani, maofisini, mashambani, kazi za nje zina hatari ya kuathiri afya ya macho yetu hivyo tujitahidi kuzingatia kanuni na taratibu za kulinda afya ya macho yetu makazini.” Amesema Dkt. Massaga Sambamba na utoaji huduma kwa wananchi,

Mkurugenzi Mkuu wa Hospitali ya Rufaa ya kanda Bugando  Dkt Fabian A. Massaga amehitimisha  mafunzo kwa wauguzi wa chumba cha upasuaji  leo Oktoba 6, 2023

ambapo mafunzo haya  yamefanyika kwa muda wa wiki mbili yakitolewa na wakufunzi kutoka Baraza la Uuguzi na Ukunga Tanzania.

Akizungumza katika hafla hiyo  Dkt . Massaga  amewapongeza wakufunzi kwa kazi nzuri wanazofanya na kuongeza kuwa   mafunzo haya yalilenga katika maandalizi wakati wa upasuaji, uandaaji wa vifaa vya upasuaji, uandaaji wa nguo na gozi za kufanyia upasuaji katika chumba cha kutakasia( Central Sterilization Service Department) pamoja na maandalizi ya mgonjwa kabla na baada ya upasuaji(Pre and Post operation preparation)

Mafunzo haya yatakuwa msaada mkubwa kwa Taasisi na   pia yataleta mabadiliko  makubwa katika chumba cha upasuaji, amesema Dkt.Massaga.

Kwa upande wake Sr.Salome Kassanga muuguzi mbobezi katika chumba cha upasuaji na mkufunzi kutoka baraza la  uuguzi na ukunga Tanzania, amepongeza juhudi kubwa zinazofanywa na Hospitali ya Bugando katika utoaji wa huduma za afya ikiwemo upasuaji. 

Sr.Kassanga ameongeza kwa kusema kuwa Pamoja na mapungufu machache tuliyoyaona, mafunzo haya  yataenda kuondoa changamoto nyingi na kushauri  mpango wa kufufua vyuo vinavyotoa mafunzo ya huduma za uuguzi katika vyumba vya upasuaji kwani mpango huu unaweza kuwa suluhisho la changamoto hizi

Hospitali ya Rufaa ya Kanda Bugando imeendesha semina iliyohudhuriwa na zaidi ya wanafunzi 500 wa shule za msingi jijini Mwanza inayohusu namna ya kuepuka tabia hatarishi zinazoweza kuchangia matatizo ya afya ya akili.

Akizungumza katika Semina hiyo

Afisa Elimu ya Watu Wazima na Elimu nje ya Mfumo Rasmi, Mwalimu Maenda M Chambuko amewataka watoto kuepuka tabia hatarishi zinazoweza kusababisha matatizo ya afya akili ikiwemo ulevi na matumizi ya dawa za kulevya.

Aidha Daktari Bingwa wa magonjwa ya Afya ya Akili na Mkuu wa Idara hiyo katika Hospitali ya Rufaa ya Kanda Bugando, DKt.Catherine Magwiza amesema Hospitali ya Bugando inahudumia wastani wa watu 3,000 kwa mwaka wenye matatizo ya afya ya akili na wagonjwa 500 kati yao huhitaji uangalizi maalumu jambo linalosababisha wagonjwa hao  kuwekwa katika  uangalizi maalum wa wataalam wa hospitali hiyo.

Hata hivyo Dkt.Catherine ametoa wito kwa jamii kuwa waonapo dalili au viashiria vya magonjwa ya Akili wafike hospitali ili wapate huduma hiyo na kuomba  jamii kutowanyanyapaa au kuwatenga wagonjwa wa afya ya akili kwani kufanya hivyo kutawafanya wagonjwa hao wakate tamaa ya kwenda Hospitali na kupata matibabu kwa  kuhofia jamii itakavyowachulia.

Uongozi wa Hospitali ya Rufaa ya Kanda Bugando umefanya makabidhiano ya mifuko 35 ya simenti pamoja na madirisha 10 ya aluminiamu kwa uongozi wa  kijiji cha Mapilinga lengo likiwa ni kurudisha fadhila kwa jamii na kudumisha ushirikiano  baina ya Bugando na jamii ili kufanikisha ujenzi wa zahanati katika kijiji hicho.

Fr.Cornelius H. Ntunguweli Mwanasheria wa Hospitali akimuwakilisha Mkurugenzi Mkuu wa Bugando  Dkt.Fabian A. Massaga  ameomba uongozi wa kijiji hicho kutumia vifaa hivyo kama ilivyokusudiwa ili kukamilisha ujenzi wa zahanati ambayo itakua msaada mkubwa kwa jamii inayozunguka eneo hilo.

Aidha Mwenyekiti wa Kijiji cha Mapilinga Bw.Sospeter Semeni ameushukuru uongozi wa Hospitali kwa ushirikiano mkubwa wanaouonyesha na kusema vifaa hivyo vitasaidia sehemu kubwa ya ujenzi wa zahanati hiyo pia ameuomba uongozi wa Hospitali usichoke kutoa msaada  ili kufanikisha ujenzi wa Zahanati.

Ungana nasi kila siku ya jumanne na ijumaa ya kila wiki katika mazoezi ya kuimarisha Afya ya miili yetu. Bugando Medical centre tunajali Afya yako.

Mkurugenzi Mkuu wa Hospitali ya Rufaa ya Kanda Bugando Dkt. Fabian A. Massaga ameendesha kikao kazi cha madaktari bingwa na bingwa bobezi wa Hospitali hiyo lengo likiwa ni kuboresha na kujadili mipango ya Taasisi katika kukuza huduma za kibigwa na bigwa bobezi. Amewakumbusha madaktari bingwa na bingwa bobezi kuzidi kufanya kazi kwa weledi kwa kuzingatia misingi ya taaluma zao na kwa ubobezi katika maeneo husika na kutoa huduma kwa huruma na upendo kwa wagonjwa wote kwa wakati sahihi na Kuzingatia kauli nzuri kwa wagonjwa. Dkt. Massaga amewapongeza madaktari hao kwa kazi nzuri wanayoifanya na ushirikiano mkubwa wanaoutoa katika Taasisi .”Sisi kama viongozi tunatambua na tunathamini mchango wenu katika Taasisi na tumetenga bajeti kwa ajili ya kuendeleza madaktari wetu kitaaluma” Hata hivyo, Dkt.Massaga amewataka Wakurugenzi, wakuu wa idara na madaktari kwa ujumla kufanya kazi kwa ushirikiano,uaminifu na uadilifu katika maeneo yao ya kazi ili kuboresha huduma za kibingwa na bigwa bobezi katika Taasisi.

TATHIMINI YA HUDUMA ZA AFYA YA UZAZI NA MTOTO KATIKA MIKOA YA GEITA,  SHINYANGA NA KAGERA. 

Kutoka Mkoani Geita.. 

Mhe. Helman Matemu Katibu Tawala Mkoa wa Geita akimuakilisha Mkuu wa Mkoa wa Geita amefungua kikao kazi cha tathimini ya Afya ya uzazi ya mama na mtoto, Mikoa ya Kanda ya Ziwa katika mikoa ya Geita, Shinyanga na Kagera.

Mhe. Matemu pamoja na mambo mengine amewaelekeza wadau kuwa na mikakati mahususi ya kuboresha huduma za Afya ya uzazi na mtoto 

"Ninawaelekeza muainishe mikakati itakayolenga kuboresha huduma za uzazi kabla ya kujifungua, wakati wa kujifungua na baada ya kujifungua hakikisheni kuwa miundombinu na vifaa tiba kwenye vituo vyote vinavyotoa huduma ya mama na mtoto vinaboreshwa, aidha watumishi wajengewe uwezo na kupewa motisha ili kuwajengea hamasa ya kujituma zaidi waelimisheni watumishi kujiepusha na lugha mbaya na vitendo vya rushwa kwa wajawazito na ndugu wanapofika katika vituo." Amesema Mhe. Temu 

Akiongea katika kikao icho Mwenyekiti wa kamati ya Afya ya uzazi ya mama na mtoto Kanda ya Ziwa ambae pia ni Mkurugenzi Mkuu wa Hospitali ya Rufaa ya Kanda Bugando Dkt. Fabian A. Massaga amesema lengo la kikao kazi hiki ni kujadili na kutathimini huduma za Afya ya uzazi na mtoto, kubadilishana na kupeana uzoefu wa namna na mbinu za kuboresha huduma na kupunguza vifo vitokanavyo na uzazi na watoto wachanga na mwisho kutoka na mikakati ya kuboresha na kupunguza vifo vitokanvyo na uzazi. 

Sambamba na hayo Dkt. Massaga ameishukuru  Serikali kupitia Wizara zake kwa kuboresha huduma za Afya

"Nichukue nafasi hii kuishukuru Wizara ya Afya na Ofisi ya Rais Tamisemi kwa kuandaa kikao hiki kikubwa  chenye kikao mbiu   "Uongozi na uwajibikaji ni chachu katika kupunguza vifo vitokanavyo na uzazi na watoto wachanga".

UZINDUZI WA BUGANDO FUN RUN 2023.

Katika kuadhimisha miaka 20 ya Chuo kikuu cha kikatoliki cha Sayansi za Afya na Tiba Shirikishi (CUHAS), Taasisi za Bugando zimeungana kwa pamoja kuanzisha mbio za hisani zenye lengo la kuchangia wanafunzi wanaoshindwa kulipa pesa ya kugharamia masomo hivyo kupelekea kukwama kuendelea na masomo yao.  Mbio hizi za hisani zimezinduliwa na Mhe. Stanslaus Mabula mbunge wa jimbo la Nyamagana ambae ameiomba jamii kuwa na utaratibu wa kuchangia katika masuala ya elimu, “Nimefurahishwa na mbio hizi za hisani ambazo zimebeba kauli mbiu  inayosema“Kimbia kwa ajili ya Wanafunzi Wahitaji” 

Sisi kama Jamii tunawajibu wa kusaidia wanafunzi wenye uhitaji wa ada katika vyuo vyetu, natumia nafasi hii kuwaalika wadau mbalimbali kujenga utamaduni wa kuchangia elimu, mimi na ofisi yangu tutachangia na kushiriki katika mbio hizi hapo tarehe 5, novemba 2023.

Amesema Mhe. Mabula.

Naibu makamu Mkuu wa Chuo cha CUHAS- Profesa Peter Rambau ameeleza kwa upana wa idadi ya wanafunzi wanaopata changamoto ya kukosa mahitaji ikiwemo pesa za kugharamia masomo.

“Takwimu zinaonesha kwa sasa tuna wanafunzi takribani 152 ambao wanapata changamoto mbalimbali za mahitaji na kukosa pesa ya  ada hivyo kupelekea wanafunzi wengi  kuacha Chuo au kuahirisha masomo yao.

 Kipekee, tunapenda kupongeza juhudi za serikali ya Jamuhuri ya Muungano wa Tanzania, kupitia Wizara ya Elimu, Sayansi na Tekinolojia, mikopo ya elimu ya juu  kupitia mfuko wa SAMIA SCHOLARSHIP, Chama cha wanafunzi CUHASSO, TANNA, TNMC, kwa juhudi kubwa za uchangiaji wanafunzi wanaokumbana na changamoto za malipo ya ada”  Amesema Prof.Ramba

Naye Mkurugenzi Mkuu wa Bugando Dkt. Fabian A Massaga  amesema, “Mbio hizi za hisani ni mwanzo wa maandalizi ya mbio za BUGANDO MARATHON"

Idara ya Saratani kutoka Hospitali Rufaa ya  Kanda  Bugando imeadhimisha siku ya uelewa wa magonjwa ya Saratani  duniani  amabayo hufanyika kila mwaka tarehe 15 Septemba   ikiwa na kaulimbiu “KILA MTOTO MWENYE SARATANI ANASTAHILI  FURSA YA  TIBA” Madhimisho hayo yamefanyika  kwa  kutoa elimu kwa magonjwa ya saratani, Uchangiaji damu pamoja na uchunguzi wa magonjwa ya macho katika viwanja vya Hospitali ya wilaya Magu. 

Aidha daktari bingwa wa magonjwa ya saratani ya watoto Dkt Heronima Kashaigili amewashukuru wanachi kwa kujitokeza kwa wingi katika maadhimisho hayo na kufanya uchunguzi wa magonjwa ya saratani na  kuwaomba wananchi wote kuwa mabalozi kwa  wengine kwani Saratani ikigundulika mapema inatibika.

Hata hivyo, Hospitali ya Bugando inafanya juhudi kubwa kupambana na magonjwa yasiyoambukiza kwa kufanya tiba mkoba(Outreach)  katika mkoa wa Mwanza na viunga vyake  pamoja na kufanya mazoezi ambapo mazoezi haya huwahusisha watumishi wote wa Hospitali ya Bugando

Watumishi wa Hospitali ya Rufaa ya Kanda ya Bugando wakiongozwa na mkurugenzi mkuu  Dkt  Fabian .A. Massaga wameshiriki katika mazoezi ya viungo ya pamoja yaliyo fanyika leo

Septemba 12 ,2023 katika viwanja vya maegesho ya magari.

 Mazoezi haya hufanyika mara mbili kwa wiki kwa siku za Jumanne na Ijumaa ikiwa na lengo la kupambana na magonjwa yasiyo ambukiza.

UZALISHAJI MAJI TIBA KATIKA HOSPITALI YA RUFAA YA KANDA BUGANDO. Idara ya famasi imefanya maboresho makubwa kupitia kitengo cha uzalishaji maji tiba, ( Infusion Unit) Akizungumza katika makabidhiano Mkurugenzi Mkuu wa Hospitali ya Rufaa ya Kanda Bugando Dkt. Fabian Massaga amewapongeza idara ya Famasi kwa Jitahida kubwa wanazofanya ili kuongeza uzalishaji na kuipunguzia Hospitali gharama za kuagiza maji tiba nje kwa gharama kubwa, Dkt. Massaga ametoa wito kwa viongozi na wanaidara kwa ujumla kutunza mitambo mipya pamoja na sehemu zilizofanyiwa ukarabati bila kusahau kufanya kazi kwa kuzingatia kanuni na miongozo ya nchi.

 Dkt. Massaga ameeleza adhima ya taasisi hapo baadae kuwa na kiwanda kikubwa cha uzalishaji maji tiba kwa kutumia teknolojia mpya “ sisi kama Hospitali ya Rufaa ya Kanda, tunaowajibu wa kuhakikisha wagonjwa wanapata tiba stahiki na kwa wakati pia kuokoa gharama za matibabu kwa wananchi, kitengo hiki cha maji tiba kinazalisha kwa asilimia 90, ya mahitaji ya maji tiba ndani ya hospitali, kwakuwa tunaendelea na maboresho mbali mbali niombe wadau kushirikiana nasi tuweze kutumia teknolojia mpya ili kuongeza uzalishaji zaidi “.

 Pia Dkt. Massaga ameishukuru Serikali kupitia wizara ya Afya kwa kutupa kibali cha kufanya ubunifu wenye tija katika uboreshaji wa huduma za afya katika taasisi zetu, kwani ubunifu huu utaipunguzia serikali mzigo wa kununua dawa na vifaa tiba kutoka nje ya nchi, lakini pia itapunguza gharama za matibabu kwa mwananchi.

Mkurugenzi Mkuu wa Hospitali ya Rufaa Kanda Bugando Dkt.Fabian A. Massaga ameongoza zoezi la uzinduzi wa  Maabara ya uchunguzi wa magonjwa ya binadamu (vivimbe, saratani na sababu za vifo (histopatholojia) ambao umefanyika mapema leo katika Hospitali ya Rufaa ya Kanda Bugando.Lengo la uzinduzi wa  Maabara hiyo ya uchunguzi ni kuhakikisha huduma hii inapatikana katika Hospitali nyingine na majibu ya vipimo yanatoka haraka ndani ya wiki moja ili  kuwasaidia na kuwarahisishia wagonjwa katika kupata huduma  za kibingwa na bingwa bobezi

Aidha Dkt Massaga amewaomba watumishi wa Histopatholojia kuendelea kuwa wabunifu na kuzidi kutoa na kufanya huduma kwa uharaka na majibu sahihi.

Naye Dkt Jackson Kahima mkuu wa Huduma za Maabara( CPL ) ameshukuru uongozi wa Hospitali kwa kujitoa katika ukarabati wa maabara ya Histopatholojia kwani ukarabati huo utazidisha upatikanaji wa majibu kwa wakati.

Aidha Dkt Fabian A. Massaga ametembelea na kukagua mradi wa warehouse na Oxygen plant ambao unatarajiwa kuzinduliwa hivi karibuni lakini pia katika ukaguzi huo amefanikiwa kutembelea  na kuzindua mradi wa Ultrasound ambao utahudumia akina Mama wajawazito na wazee ili kupunguza msongamano wa wateja na yote haya ni katika  kutimiza malengo ya serikali ya kuwajali kina mama wajawazito pamoja na wazee.

Mkurugenzi Mkuu wa Hospitali ya Rufaa Kanda ya Bugando Dkt. Fabiani A. Massaga leo Septemba 1,  2023 amehitimisha mafunzo ya lugha ya alama kwa Watumishi 15 ambayo yametolewa kwa wiki tatu  mfululizo kutoka Hospitali ya Bugando wakiwemo Wataalam kutoka kitengo cha usikivu pamoja na Watumishi kutoka Chuo cha Afya cha MWACHAS (Mwanza college of health allied science), akizungumza katika zoezi hilo Dkt.Massaga amefurahishwa na Watumishi hao kuwa na utayari wa kukubali kujifunza lugha ya alama ambayo itakuwa msaada mkubwa kwa Taasisi na Taifa kwa ujumla. 

 Lengo  la mafunzo haya ni kurahisisha mawasiliano  baina ya Wataalam na Wagonjwa wenye changamoto za usikivu ili kuleta uelewano katika kutoa huduma na  kuifanya  hospitali ya Bugando kuwa kituo cha kutolea mafunzo ya lugha ya alama kwa Taasisi nyingine ili kuwasaidia  wagonjwa wenye tatizo la usikivu.

Sambamba na hilo Mkurugenzi Mkuu Dkt. Fabiani A. Massaga amewapongeza Wahitimu na kuwashukuru  Wakufunzi kutoka Chuo cha Sauti Tabora na shule ya msingi Kirumba Jijini Mwanza kwa jitihada walizofanya katika kufundisha na kuhakikisha wanafunzi wao wanaelewa.

Leo Agosti 29, 2023 Hospitali ya Rufaa ya Kanda Bugando imefanya makabidhiano ya Transformer na (AFRICAB), Taasisi ya uzalishaji wa vifaa vya umeme  viwandani na majumbani, chini ya Mhandisi  Hamis Rajabu Said  ambapo lengo la mradi huu ni kubadili mfumo wa umeme wa Trasnformer 500KVA kwenda Transformer 1MVA,  hii ni katika kukabiliana na

mahitaji makubwa ya umeme yaliopo na yatakayokuwepo ndani ya Taasisi  ikiwemo kuongezeka kwa  mashine na  majengo mapya katika Taasisi.

Mkurugenzi Mkuu wa Hospitali ya  Bugando Dkt. Fabian A. Massaga ametoa shukrani za dhati kwa Ofisi ya Mkuu wa Mkoa wa Mwanza kwa kutupatia transformer na  kuwaomba Viongozi wa Hospitali, Wakuu wa Idara na watumishi kwa ujumla kulinda na kuthamini vifaa vya Taasisi  kwa masilahi ya Taasisi na jamii .

Naye mhandisi Hamis Rajab, ametoa shukrani kwa Mkurugenzi Mkuu Dkt. Fabian A. Massaga, Idara ya uhandisi na Hospitali kwa ujumla kwa ushirikiano walioonyesha wa hali na mali   katika  mradi huu tangu mwanzo hadi tamati.

Ikiwa katika maandalizi ya kuelekea siku ya Bugando (Bugando Day) ambayo hufanyika kila mwaka Novemba 3, Hospitali ya Rufaa ya Kanda Bugando leo Agosti 29, 2023 imetembelea shule msingi Mkuyuni iliyopo Wilaya ya Nyamagana jijini Mwanza. Lengo likiwa ni kurudisha fadhila kwa jamii na kutoa huduma za  upimaji na uchunguzi wa magonjwa homa ya ini, meno, macho na shinikizo la damu bure kwa Wanafunzi na Walimu wa shule ya msingi Mkuyuni  C. Uongozi washule hiyo  umepongeza na kushukuru Uongozi wa  Hospitali ya Bugando  kwa kuridhia kutoa  huduma  hizo bure.

Hospitali ya Rufaa ya Kanda Bugando inawakaribisha watumishi wote katika mazoezi kila siku ya Jumanne na Ijumaa saa 12:45 mpaka saa 1:20 Asubuhi katika eneo la maegesho ya magari ya watumishi. Wote mnakaribishwa.

KAMBI YA UPASUAJI SANIFU- (PLASTIC SURGERY) BUGANDO

Timu ya madaktari Bingwa Bobezi, Bingwa na madaktari walio mafunzoni kutoka Chuo kikuu cha Duke  kwa kushirikiana na Taasisi mbali mbali za Afya za nchini Marekani wanaendesha kambi ya matibabu, upasuaji pamoja na mafunzo katika Hospitali ya Rufaa ya Kanda Bugando kwa muda wa wiki moja.

Timu hii inashirikiana na kurugenzi ya upasuaji kupitia idara ya upasuaji sanifu, pua , koo na masikio, katika kutoa huduma za matibabu, na upasuaji kwa wagonjwa pamoja na mafunzo kwa madaktari. 

Akiwakaribisha wageni hao, Mkurugenzi Mkuu wa Hospitali ya Rufaa ya Kanda Bugando 

Dkt. Fabian A Massaga, amesema hospitali ipo tayari kudumisha mahusiano mazuri  kati ya taasisi hizi katika maeneo mbali mbali ya hospitali pia na kuhimiza kambi hizi ziwe endelevu kwa maana zinatija katika uboreshaji wa Huduma.

Naye kiongozi wa timu hiyo Dkt. P Manor Abraham  ambaye ni daktari Bingwa wa upasuaji sanifu ametoa pongezi kwa uongozi wa Hospitali kwa maboresho makubwa yaliyofanyika ikiwemo kuwa na kitengo cha mtaalamu wa matamshi 

( Speech therapist), uwepo wa vyumba vizuri vya upasuaji, mashine kubwa za radiolojia pamoja na mazingira ya Hospitali kwa ujumla. 

Pamoja na ujio wa madaktari bingwa hawa, Hospitali ya Bugando kwa muda mrefu imekuwa na ushirikiano mzuri na Chuo kikuu cha Duke kupitia idara ya Saratani katika upande wa tafiti za magonjwa ya Saratani.

Mkurugenzi wa Taasisi ya Desk and Chair Foundation Bw. Sibtain Meghjee amekabidhi viti vya magurudumu kumi (wheel chair) na cherehani tano kwa Hospitali ya Rufaa ya Kanda Bugando kwaajili ya kuboresha huduma kwa wagonjwa hasa wale wenye uhitaji. 

Aidha viti hivi vya magurudumu vimekabidhiwa ikiwa ni katika kuadhimisha miaka ishirini toka Taasisi hiyo kuanzishwa kwake. Akimuwakilisha Mkurugenzi mkuu wa Hospitali ya Rufaa ya Kanda Bugando Dkt. Bahati Wajanga Mkurugenzi wa huduma za tiba ameushukuru Uongozi wa Taasisis ya Desk and Chair Foundation kwa majitoleo hayo ambayo yatakuwa msaada mkubwa kwa wagonjwa na wenye uhitaji. 

Pia ameomba ushirikiano uliopo wa muda mrefu baina ya pande zote mbili uzidi kuendelea.

Kamati ya Fedha na Mipango  ya Hospitali ya Bugando  ikiongozwa  na Mwenyekiti wake, Mhashimu Baba Askofu Beatus Kinyaiya  wa jimbo kuu Katoliki la Dodoma pamoja na Katibu wa kamati  hiyo Dkt. Fabian A.Massaga ambaye ndiye Mkurugenzi mkuu wa Hospitali ya Rufaa ya Kanda Bugando  wamepata fursa ya kutembelea geti la kuingilia magari baada ya kufanyiwa maboresho pamoja na kukagua ujenzi wa  jengo la Bugando hoteli.

Mradi wa ujenzi wa Bugando Hoteli unategemea kukamilika Disemba mwaka huu, ambapo ujenzi wa hoteli hii  umefikia asilimia 45% na utakua na msaada mkubwa kwa wagonjwa pamoja na wageni wa ndani na nje ya nchi.

Hata hivyo Muhashamu Baba Askofu Beatus Kinyaiya ametoa pongezi nyingi juu ya maendeleo ya mradi huu na kuomba ujenzi huu umalizike salama.

Aidha MkurugenzI Mkuu wa  Hospitali ya Rufaa ya Kanda Bugando Dkt. Fabian A. Massaga ameishukuru Kamati ya fedha na mipango  kwa kuweza kutembelea mradi huo na kuahidi kuusimamia vyema ili ujenzi wa Bugando Hoteli umalizike kwa wakati.

UGENI WA WATAALAMU NA VIFAA TIBA. 

Mkuu wa Huduma za ufundi wa vifaa na vifaa tiba kutoka wizara ya afya Mhandisi Saniva Haule ameambatana na mwakilishi kutoka Ofisi ya Rais (TAMISEMI) na Mhandisi Anna Worm kutoka Shirika la Kimataifa la UNICEF, Wametembelea karakana ya Vifaa na vifaa tiba katika Hospitali ya Rufaa ya Kanda Bugando kwa Lengo la kujifunza na kufanya tathimini ya kuboresha mashirikiano katika uratibu wa utengenezaji vifaa tiba katika karakana za Hospitali za Rufaa za kanda Na vituo vya Afya katika ngazi za msingi. Akizungumza katika kikao hicho Mkurugenzi Mkuu wa Hospitali ya Rufaa ya Kanda Bugando Dkt. Fabian A Massaga ameeleza namna Hospitali inavyotunza na kukarabati vifaa tiba kwa kupitia idara ya uhandisi Pia ameeleza Hospitali inatazamia kutoa mafunzo kwa ngazi ya cheti na stashahada ya uhandisi wa vifaa tiba. Nae mwakilishi kutoka Shirika la Kimataifa la UNICEF Mhandisi Anna worm amesema Shirika la UNICEF linalenga kuboresha Huduma za vifaa tiba sio tu vinavyotumika kutoa Huduma za mama na mtoto ila vifaa tiba vinavyolenga kutoa Huduma kwa watu wote.

UBORESHWAJI WA MATIBABU YA SARATANI KWA WATOTO.

Shirika la Global hope kutoka nchini marekani linalojihusisha Na matibabu ya Saratani za watoto limetembelea Hospitali ya Rufaa ya Kanda Bugando kwa lengo la Kuimarisha matibabu ya Saratani kwa watoto. Ugeni huu umeongozwa na Dkt. Anne Akullo Mkurugenzi msaidizi , Huduma za Tiba  katika Shirika la Global hope kanda,pamoja na viongozi wengine wa shirika hilo.

Pia amefurahishwa na jitihada zinazofanyika latika  Hospitali ya Bugando katika uimarishaji na upatikanaji wa huduma za saratani, ikiwemo uwepo wa jengo kubwa linalotoa matibabu jumuishi , uwepo wa vifaa tiba, mashine za miozi na wataalamu waliobobea kutoa huduma hizo.

Sambamba na hayo, Dkt. Fabian Massaga Mkurugenzi Mkuu wa Hospitali ya Rufaa ya Kanda Bugando amewashukuru viongozi wa Global hope kwa kuweza kuanzisha mashirikiano hayo yenye tija katika kutoa matibabu ya Saratani kwa watoto, pia ameahidi kuendeleza umoja huu katika maeneo mbalimbali ya Hospitali ili kuendelea kuboresha utoaji wa huduma stahiki kwa wagonjwa.

Katika kuboresha Huduma za Upasuaji za kibingwa na kibingwa bobezi, Hospitali ya Rufaa ya Kanda Bugando ikiongozwa na Mkurugenzi Mkuu Dkt. Fabian A. Massaga imezindua rasmi chumba cha Upasuaji ambacho kitakuwa maalum kwaajili ya huduma za Upasuaji wa uzazi na kizazi. Akizungumza wakati wa uzinduzi huo Mkurugenzi Mkuu amesisitiza utunzaji wa vifaa vyote vinavyopokelewa nakutumiwa kwaajili ya huduma za Upasuaji.

KIKAO KAZI KLINIKI YA MADAKTARI BINGWA NA BINGWA BOBEZI BUGANDO.

Mkurugenzi Mkuu wa Hospitali ya Rufaa ya Kanda Bugando,  Dkt. Fabian  A. Massaga ameendesha kikao kazi kwa watumishi wa Kliniki ya madaktari bingwa na bingwa bobezi (Bugando Specialized Polyclinic) inayopatikana mtaa wa Nera jijini Mwanza.

Kikao hiki kimelenga kufanya maboresho zaidi  ili kuendeleza kutoa huduma stahiki na zenye ubora wa hali ya juu kwa wagonjwa.

Akizungumza katika kikao hicho, Dkt. Massaga amewapongeza watumishi  kwa huduma nzuri wanazozitoa , pia amewasisitiza kufanya kazi kwa bidii, kujituma na kuboresha mazingira ya huduma kwa wagonjwa wanaofika hapo bila kusahau kufanya kazi kwa kuzingatia sheria na miongozo ya Taasisi. 

Pamoja na hayo Meneja wa Kliniki hii 

Dkt. Samson Kichiba ametaja huduma mbali zinazotolewa hapa ikiwemo huduma za ushauri zinazotolewa na  madaktari bingwa na bingwa bobezi, Huduma za dawa ( pharmacy), na huduma za vipimo za Maabara na radiolojia kama ultra sound na kwa sasa huduma za matibabu ya meno na viuongo tiba ( physiotherapy).

Kliniki hii ya madaktari bingwa na bingwa bobezi ipo wazi kila siku ya Jumatatu mpaka Jumapili kuzia Saa moja kamili Asubuhi (1:00), Mpaka saa Moja na nusu Jioni (1:30)

Hospitali ya Rufaa ya Kanda Bugando imepokea ugeni kutoka kwa Padri Brian Musoke pamoja na wazazi kutoka parokia mbalimbali za jimbo kuu la Mwanza wakiwa na lengo la kutoa msaada kwa watoto wenye uhitaji katika Hospitali ya Bugando.

Hata hivyo  Padri Brain Musoke ameelezea furaha yake kwa kikundi hicho  kuweza kufikia lengo  kubwa la kuweza kuwafikia watoto wenye uhitaji huo.

Aidha Mkurugenzi mkuu wa Hospitali ya Rufaa ya Kanda Bugando Dkt.Fabian Massaga amemshukuru Padri Brian kwa majitoleo hayo kwani ni msaada mkubwa kwa watoto wenye uhitaji katika Hospitali.

PIMA PRESHA ZUIA KIFAFA CHA MIMBA. 

Chuo kikuu cha kikatoliki cha Sayansi za Afya Shirikishi (CUHAS-BUGANDO)  kwa kushirikiana na Hospitali ya Rufaa ya Kanda Bugando, Chuo kikuu cha Oslo ( Norway), Chuo kikuu cha Utrecht (Uholanzi) na Baraza la utafiti la Nchini Norway wamezindua Rasmi  mradi wa “PRESHA “ wa kuzuia kifafa cha mimba kwa wakina mama wajawazito katika mikoa ya Kanda ya ziwa.

Mradi huu umezinduliwa rasmi na Dkt. Pima Sebastian Mganga mkuu wa wilaya ya Nyamagana ( Akimuwakilisha Mganga Mkuu wa Mko wa Mwanza), Dkt. Pima ameeleza jinsi gani serikali ilivyotayari kishirikiana na wadau kupunguza vifo vya mama na mtoto na vinayotokana na sababu mbali mbali ikiwemo presha, 

Akitoa wasilisho lake katika uzinduzi huu, Dkt. Richard Kiritha ( Daktari Bingwa wa Magonjwa ya uzazi na kina mama-Bugando) ambae pia ni muasisi wa mradi amesema “ Tumelenga kupunguza vifo vya mama na mtoto haswa vinavyotokana na kifafa cha mimba kwanza kwa kufanya upimaji Wa mara kwa mara kwa wajawazito na kugundua mapema kama kuna viashiria vya kifafa cha mimba na kuendelea kuzuia kwa kutoa matibabu stahiki na kuwafatilia kwa ukaribu wajawazito wenye changamoto hii, Pili kuwezesha ( capacity building) watoa Huduma katika Hospitali za wilaya na vituo vya Afya ili kutambua viashiria vya tatizo hili na kuwapa rufaa mapema na kufika katika Hospitali ya Rufaa ya Kanda Bugando kwa matibabu zaidi.” Amesema Dkt. Kiritha Akihitimisha hafla ya uzinduzi wa mradi huu, 

Dkt. Fabian Massaga ambae ni Mkurugenzi Mkuu wa Hospitali ya Rufaa ya Kanda Bugando na Mwenyekiti wa Afya ya uzazi na mtoto Kanda ya ziwa, amewashukuru wadau walioona umuhimu wa changamoto ya kina mama wajawazito na kuja na mradi wa kusaidia kupunguza vifo vya mama na mtoto.

Tuugane kwa pamoja katika kuimarisha Afya ya Viungo vya Mwili 
na kutokomeza Magonjwa yasioambukiza.
 

Wataalamu wa ugonjwa wa Himofilia kutoka Hospitali ya Taifa Muhimbili leo,Julai 4, 2023 wametembelea Hospitali ya Rufaa ya Kanda  Bugando lengo hasa likiwa  ni kufuatilia na kufanya tathimini ya wagonjwa wa Himofilia na kuwajengea uwezo wa kujihudumia  kabla ya kufika katika vituo vya afya, kuelimisha wataalamu wa afya kuhusu wagonjwa wenye tatizo hilo  na kubaini  changamoto wanazokumbana nazo wagonjwa hao.

Akizungumza na baadhi ya wanachama wa magonjwa ya Himofilia kanda ya ziwa Dkt. Stella Rwezaula ambae ni Daktari bingwa wa magonjwa ya damu Muhimbili na Raisi wa chama cha magonjwa ya Himofilia  Tanzania amewaomba wagonjwa wa Himofilia kuwa mabalozi kwa wagonjwa wengine na jamii kwa ujumla kama kauli mbiu inavyosema, “ Uvujaji  damu, ulemavu na vifo vitokanavyo na haemophilia sasa basi pima sasa ujue hali yako”.

Aidha Daktari bingwa wa magonjwa ya damu (Himofilia) Hospitali ya Rufaa ya Kanda Bugando, Dkt.Tecla Mtobesya , ameshukuru ujio wa wageni hao na kusema ujio huu umeonesha ushirikiano mkubwa baina ya Hospitali ya Rufaa ya kanda Bugando na Muhimbili lakini pia umeongeza chachu na uelewa mkubwa kwa wagonjwa na wataalamu kwa ujumla  juu ya ugonjwa huo.

Mkuu wa wilaya ya Ilemela Mhe. Hassan Masala ( Akimuwakilisha mkuu wa Mkoa wa Mwanza Mhe. Amos Makala) amekabidhi hundi ya shilingi millioni tano (5,000,000/=) fedha zilizotolewa na Kampuni ya Transec Lake Victoria Marathon, kwa Hospitali ya Rufaa ya Kanda Bugando ili kusaidia matibabu ya watoto wenye Saratani kupitia mbio za marathon zilizofanyika jijini Mwanza.

 Akizungumza wakati wa makabidhiano ya Hundi hiyo Mkurugenzi Mkuu wa Hospitali ya Rufaa ya Kanda Bugando Dkt. Fabian A Massaga ameushukuru uongozi wa Transec Lake Victoria marathon kwanza kwa kuandaa mbio hizi ikiwa ni sehemu ya kuimarisha afya kwa njia ya mazoezi, pili kwa kuona umuhimu Wa kusaidia matibabu kwa watoto weye Saratani, “ Nimefarijika na nipende kuwa Shukuru kwa kuona umuhimu wa mchango huu kwa watoto wenye Changamoto ya Saratani, sisi tumepokea mchango huu na utatumika ipasavyo”. 

Sambamba na hayo Hospitali ya Rufaa ya Kanda Bugando inaendelea kutimiza hazima ya kutokomeza magonjwa yasiyoambukizi na Kuimarisha afya kupitia ufanyaji wa Mazoezi ya mwili kwa kuweka utaratibu wa kila siku ya ijumaa kabla ya muda wa kazi, watumishi wote wanakutana pamoja na kufanya Mazoezi.

Katika kukabiliana na Magonjwa yasiyoambukiza Mkurugenzi Mkuu wa Hospitali ya Rufaa ya Kanda  Bugando  Dkt.  Fabian A. Massaga ameanzisha utaratibu wa kufanya mazoezi ya viungo vya mwili  ambapo mazoezi hayo ni endelevu  yatakua yakifanyika kila Ijumaa kwa watumishi wote wa Hospitali.

Hospitali ya Rufaa ya Kanda Bugando imepata fursa ya kutembelewa  na Uongozi wa Hospitali ya Taifa ya magonjwa ambukizi-Kibong’oto ili kujadili maendeleo, utendaji kazi na changamoto katika utoaji wa huduma kwa wagonjwa wa Kifua kikuu sugu (MDR-TB).

Sambamba na majadiliano hayo Mkurugenzi wa Hospitali ya Kibong’oto Dkt. Leonard Subi ametoa msaada wa kijamii kwa wagonjwa wenye TB sugu (MDR-TB) waliolazwa katika Hospitali ya Rufaa ya Kanda Bugando.

 Akimuwakilisha Mkurugenzi Mkuu wa Bugando, Dkt. Bahati Wajanga ( Mkurugenzi wa Huduma za Tiba) ameushukuru uongozi wa Hospitali ya Kibong’oto kwa jitihada kubwa wanazozifanya kupambana na magonjwa ambukizi nchini Tanzania haswa katika ufanyaji wa tafiti za magonjwa yasiyo ambukizi.

 Hospitali Rufaa ya kanda Bugando ina klinki na wodi maalumu kwaajili ya wagonjwa wa kifua kikuu sugu.

Hospitali ya Rufaa Kanda Bugando leo June 20, 2023 imezindua Huduma za Kliniki ya kinywa na meno katika ngazi ya kibingwa,  ambapo  katika uzinduzi huo mgeni rasmi akiwa Mkurugenzi Mkuu wa Hospitali ya Bugando Dkt. Fabian A. Massaga  ambaye  ameambatana na viongozi wengine wa Hospitali hiyo.

Akizungumza katika zoezi hilo la uzinduzi Mkurugenzi Mkuu amesema huduma zinazopatikana kwasasa katika Idara ya Meno ni za kibingwa na bozezi, hivyo basi ametoa wito kwa wananchi kufanya uchunguzi au kliniki   za mara kwa mara ambapo ameeleza kwamba Chuo Kikuu cha kikatoliki cha Afya (CUHAS) Kilichopo  Bugando Kwa kushirikiana na Serikali ya Jamuhuri ya Muungano  wa Tanzania, inatarajia kuanzisha fani ya matibabu ya kinywa na meno  katika ngazi ya shahada ya kwanza.   Pia wanafunzi watakaopata fursa ya kujifunza katika chuo hicho watapata nafasi ya kufanya mafunzo kwa vitendo katika kitengo cha meno kilichozinduliwa leo hii na kusaidia kupata wataalam wengi katika ngazi mbalimbali  ikiwemo Hospitali za Mikoa pamoja na  za  Wilaya.

Pamoja na hayo Mkurugenzi Mkuu wa Hospitali ya Bugando Dkt. Fabian A. Massaga ameendesha zoezi la uzinduzi wa ghala ambalo litatumika kuhifadhia dawa ambazo zitatumika kwa ajili ya matumizi ya wagonjwa katika hali ya usalama.

Sambamba na hayo  Dkt. Fabian A.  Massaga ametoa wito kwa wafanyakazi kuhusu kutunza vifaa hivyo, lakini pia kufanya kazi kwa uadilifu na uweledi  wa hali ya juu,  ikiwemo kuwajali wateja wetu. Pia  amemshukuru Mkurugenzi wa Upasuaji, Mkuu wa Idara ya Meno pamoja na wafanyakazi wote bila kusahau Serikali ya Jamuhuri ya Muungano wa Tanzania kwa ushirikiano wao katika kuunga mkono Huduma za afya kwa hali na mali.

Mkurugenzi Mkuu wa Hospitali ya Bugando Dkt. Fabian A. Massaga ameendesha zoezi la uzinduzi wa ghala la kuhifadhia dawa za wagonjwa  Katika zoezi hilo Dkt.Msssaga ametoa wito kwa watumishi kufanya kazi kwa uadilifu na uweledi wa hali ya juu, ikiwemo kuwajali wateja wetu.

 Pia ameshukuru jitihada za Serikali ya Jamuhuri ya Muungano wa Tanzania kwa ushirikiano wao katika kuunga mkono Huduma za afya kwa hali na mali.

Mkurugenzi Mkuu wa Hospitali ya Rufaa ya Kanda Bugando Dkt. Fabian A. Massaga, leo Juni 19, 2023 amepokea ugeni kutoka nchini Ubeligiji ambao ni pamoja na Rais wa shirika la Child help International Bw. Pierre Mertens akiwa ameambatana na kamati ya harambee kutoka nchini Ujerumani Bw. Germa Nils na Bi. Luisa Schuster wa CHI (Child Help International). 

Aidha wageni hawa wametembelea Kliniki ya upasuaji na wodini ambapo wamekutana na wazazi nakuonana na watoto wenye shida ya vichwa vikubwa na mgongo wazi. Shirika la Child Help International limekuwa likitoa vifaa vya upasuaji kwa watoto wenye shida hizi na kupunguza gharama kwa wazazi wenye watoto hawa.Dhumuni la ziara ni kutembelea watoto wenye vichwa vikubwa na mgongo wazi ili kuona huduma wanazozipata ikiwa na pamoja na kuwasaidia watoto hao wakishirikiana na Hospitali ya Bugando. 

Aidha Mkurugenzi Mkuu Dkt. Fabian A. Massaga, ameshukuru ujio wa wageni hao kutoka Child Help International kwa kufika katika Hospitali ya Bugando

Katika kutekeleza agizo la Serikali kupitia Wizara ya Afya, kuwa na mashirikiano baina ya Mataifa mengine katika kukuza na kuboresha Sekta ya Afya (Medical tourism), Wataalam bingwa na bobezi kutoka katika Hospitali ya Rufaa ya Kanda Bugando wamefanya kambi ya Upasuaji mkubwa wa ubongo, uti wa mgongo na mishipa ya fahamu kwa wagonjwa wenye shida hiyo, wakishirikiana na jopo la wataalamu kutoka Shirika la Hope Ministry la nchini Marekani.

 Aidha upasuaji huo umeanza tarehe 12 Juni, 2023 na unatarajia kumalizika Juni 16, 2023.

Sambamba na upasuaji huo, pia kambi ya Upasuaji wa nyonga na magoti unaendelea katika Hospitali ya Bugando mpaka Juni 17, 2023. Zoezi hili la upasuaji wa nyonga na magoti litakuwa endelevu katika Hospitali ya Bugando, ambapo haya yote ni katika kutoa huduma bora za kibingwa na kibingwa bobezi ili kuboresha afya za wananchi na Taifa kiujumla.

Umoja wa wataalamu wa mafundi simu Kanda ya Ziwa katika Jiji la Mwanza, wametembelea Hospitali ya Rufaa ya Kanda Bugando leo Juni 10, 2023 nakujitolea kuchangia damu ili kuokoa maisha ya wagonjwa katika Hospitali ya Bugando.

Akizungumza katika zoezi hilo la uchangiaji damu Kiongozi wa Umoja wa mafundi simu kanda ya ziwa na Mwenyekiti wa Umoja huo Bw. Muguwa Manyanda, amesema; “Lengo kubwa hasa sisi kama Umoja wetu tumeona umuhimu la kuja Hospitali ya Bugando kwaajili ya kuchangia damu na kuokoa maisha ya akina mama na watoto pamoja na wagonjwa wenye uhitaji wa damu hiyo.  Pia kiongozi ameendelea kuishauri jamii iguswe na nasadaka ya utoaji wa damu kwa wenye uhitaji ili kuokoa maisha kwani damu huwezi kuipata popote pale bali kupitia sisi. “Damu tumepata bure tuitoe bure kwa wananchi na Tanzania kwa ujumla."

Aidha Kiongozi wa kitengo cha damu Salama Hospitali ya Bugando Sr. Lucia Ng’walu, ameshukuru Umoja wa Wataalamu  simu Kanda ya Ziwa kwa wiwa kuja kuwasaidia wagonjwa mbalimbali hasa ambao wanateseka kwa namna ya pekee katika Hospitali yetu ya Bugando amesema; “Nipende kuwashukuru sana kwa moyo wao wa majitoleo kwa kuguswa na habari za wagonjwa, ninaomba na kusisitiza kwa ajili vikundi na umoja mbalimbali wa vyama vya aina yeyote ile viige mfano wa hawa wataalamu wetu wa simu waweze kufika wengine kusaidia wagonjwa, tukielewa na kuamini kwamba binadamu yeyote aliyechangia damu humu duniani ni Yesu Kristu Mwenyewe mtu yeyote anayejitoa kwa sadaka kuwasaidia wagonjwa ni sehemu ya uhai wake akisaidia kama Yesu alivyofanya; “Tone moja la damu linaokoa uhai wa mtu ambaye angefariki dakika chache zilizopo.”  Pia ameomba  kila mmoja aige mfano wa hawa ndugu zetu ambao wamejolea kutoa damu.

Katika maadhimisho ya siku ya huduma za magonjwa ya dharura duniani ambayo hufanyika kila mwaka tarehe 2, Juni, Hospitali ya Rufaa Ya Kanda Bugando imeadhimisha siku hiyo kwa kutoa mafunzo ya huduma za dharura kwa nadharia na vitendo kwa Maaskari Maafisa polisi pamoja na viongozi wa waendesha bodaboda. Lengo la mafunzo hayo ni katika kuzuia ajali za barabarani akizungumza katika maadhimisho hayo Mkuu wa idara ya huduma za dharura na Dakitari. Bingwa na Bobezi Shahzmah Suleiman amesema ,“wauguzi wa idara ya dharura wamewezeshwa kupata mafunzo ambayo ni muhimu kwa mtoa huduma za dharura yoyote kwa sababu inatuweka katika uwezo wa kimataifa katika kuhudumia mgonjwa wa dharura popote pale” Kama kauli mbiu inavyosema; “usalama wako kipaumbele chetu”. Aidha, Mkurugenzi Mkuu wa Hospitali ya Bugando ambaye ni Mgeni rasmi katika maadhimisho hayo Dkt. Fabian A. Massaga amesema. “ wizara ya afya yenye wajibu mkubwa na dhamana kubwa katika afya.

SHIRIKA LA AMERICARES LAKABIDHI VIFAA TIBA NA UPASUAJI VYENYE THAMANI YA ZAIDI YA MILLION 200. Hospitali ya Rufaa ya Kanda Bugando imepokea vifaa tiba na vifaa vya Upasuaji kutoka Shirika la Kimataifa lisilo la Kiserikali la Americares Tanzania. Vifaa hivi vimepokelewa na Mkuu wa Wilaya ya Nyamagana Mhe.Amina Makilagi Akimuwakilisha Mkuu wa Mkoa wa Mwanza Mhe. Amos G Makalla pamoja na uongozi wa Hospitali. Akizungumza katika hafla ya makibidhiano Mhe. Amina Makilagi ameupongeza uongozi wa Hospitali pamoja na Shirika la Americares kwa jitihada wanazofanya kutokomeza Ugonjwa wa Fistula nchini, “Nipende kutoa pongezi kwa hospitali ya rufaa ya kanda Bugando, kwa jitihada zake kubwa za kupambana na magonjwa na changamoto za afya kwa wananchi, hususani kwa ugonjwa wa fistula, Nalipongeza shirika la Americares kwa juhudi linazofanya katika kupambana na changamoto za ugonjwa wa fistula nchini Tanzania, hususani katika kanda ya ziwa kwa kushirikiana na hospitali ya rufaa ya kanda Bugando.

Shirika la Opus la Nchini Marekani kwa kushirikiana na Chuo Kikuu Cha VIllanova kutoka Marekani wametembelea Hospitali ya Rufaa ya Kanda bugando katika Idara ya Saratani.

Lengo la ujio huu ni kuangalia namna ya uwezeshaji wa Taaasisi zinazotoa matibabu ya Saratani haswa Saratani za Watoto. Akizungumza katika ziara hio ,Kiongozi wa Msafara ameeleza wanavyoshirikiana na Taasisi mbali mbali duniani zinatoa matibabu ya Saratani, na leo wametembelea Bugando ili kuendelea kutimiza adhima yao ya kusaidia matibabu ya Saratani kwa watoto.

Ugeni huu umepokelewa na Mkurugenzi Mkuu Dkt. Fabian Massaga na Kamati Kuu tendaji ya Hospitali .

Mama Maria Nyerere ambaye ni mke wa Raisi wa Kwanza wa Tanzania, Hayati Mwl. Julius Kambarage Nyerere,  ametembelea Hospitali ya Rufaa ya Kanda Bugando ikiwa ni sehemu ya ziara yake binafsi  Mkoani Mwanza.Katika ziara hii Mama Nyerere ameambatana na Mkuu wa Mkoa wa Mwanza Mhe. Adam Malima na Mkuu wa Wilaya ya Nyamagana Mhe. Amina Makilagi. 

Mama Nyerere ameupongeza uongozi kwa jitihada kubwa zinazofanyika kwa kutoa huduma bora na  stahiki kwa wagonjwa na wananchi. 

Sambamba na hayo, Mkuu wa mkoa wa Mwanza ametembelea vyumba vya matibabu ya mionzi kwa wagonjwa wa saratani na kujionea uhitaji wa mashine ya ziada kwani mahitaji ya wagonjwa ni makubwa.

Hata hivyo, Mkurugenzi Mkuu wa Hospitali ya Rufaa ya Kanda Bugando Dkt.Fabian A. Massaga amemshukuru 

Mama Maria Nyerere kwa kufika Hospitalini hapo. "Umetukumbusha historia ya ujenzi wa Hospitli ya Bugando" Dr Massaga amesema. Hayati Julius Kambarage Nyerere alikuwa muhasisi wa ujenzi wa Hospitali ya Bugando.Wakati huo huo  Dkt Massaga amemkabidhi zawadi mama Maria ikiwa ni ishara ya kuthamini mchango wake huo katika utoaji wa huduma za afya kwa wananchi wa kanda ya ziwa.

Rais wa Jamuhuri ya Muungano wa Tanzania Mhe. Samia Suluhu Hassan akimkabidhi cheti cha Mfanyakazi Hodari Dkt.Fabian A. Massaga Mkurugenzi Mkuu wa Hospitali ya Bugando ikiwa ni katika Maadhimisho ya Sherehe za wafanyakazi Mei mosi ambapo kitaifa zimefanyika Mkoani Morogoro.

Hospitali ya Rufaa ya Kanda Bugando leo Mei 6, 2023 imepokea wageni ambao ni wanafunzi wa Chuo Kikuu cha Mt.  Agustino (St.Augustine) ambao wamewiwa kuja Hospitali ya Rufaa Kanda Bugando  kutembelea na kutoa msaada wa vitu mbalimbali kama vile :-pampasi, sabuni za unga na miche na  dawa za meno,  vifaa hivi vimetolewa katika wodi za wagonjwa wa saratani,  Mifupa, na watoto wanaozaliwa utumbo wazi.Pia wamejitolea kuchangia damu kwaajili ya kuokoa maisha ya wagonjwa hasa wenye uhitaji wa damu. 

Aidha, wanafunzi hao wameushukuru na kuupongeza  uongozi wa Hospitali ya Bugando kwa jitahada kubwa wanazotumia katika kuhudumia wagonjwa na wananchi kwa ujumla.